નવી દિલ્હીઅમુક પળો પેહલા
- કૉપી લિંક
લોકસભાના અધ્યક્ષ ઓમ બિરલાએ સોમવારે બપોરે તમામ ગૃહના નેતાઓની બેઠક બોલાવી હતી. TDP, કોંગ્રેસ, DMK, NCP શરદ જૂથ, એસપી, JDU, RJD, TMC, CPI(M) અને શિવસેના (યુબીટી)ના નેતાઓએ બેઠકમાં હાજરી આપી હતી.
સંસદના શિયાળુ સત્રનો આજે છઠ્ઠો દિવસ છે. આજથી ગૃહની કાર્યવાહી સામાન્ય રીતે આગળ ચાલશે. પાંચમા દિવસે પણ અદાણી અને સંભલ મુદ્દે વિપક્ષે લોકસભા અને રાજ્યસભામાં હોબાળો મચાવ્યો હતો, જેના કારણે સંસદ સ્થગિત કરવી પડી હતી.
આ પછી લોકસભા સ્પીકરે પાર્ટી અને વિપક્ષના ફ્લોર લીડર્સની બેઠક બોલાવી હતી. બેઠકમાં નિર્ણય લેવામાં આવ્યો હતો કે 3 ડિસેમ્બર (મંગળવાર)થી બંને ગૃહો યોગ્ય રીતે ચલાવવામાં આવશે. વિપક્ષના નેતાઓએ કેટલીક માંગણીઓ રજૂ કરી હતી જેનો સ્વીકાર કરવામાં આવ્યો છે.
મંગળવારે ગૃહની કાર્યવાહી પહેલાં, INDIA ગઠબંધન મંગળવારે સવારે 10 વાગ્યે શિયાળુ સત્ર અંગેની બેઠક યોજશે. આ બેઠક કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેના ઓફિસમાં યોજાશે.
સોમવારે પણ INDIA ગઠબંધનના નેતાઓ મલ્લિકાર્જુન ખડગેને મળ્યા હતા. જેમાં લોકસભા વિપક્ષના નેતા રાહુલ ગાંધીએ પણ ભાગ લીધો હતો. જો કે ટીએમસીના સાંસદો આવ્યા ન હતા. ટીએમસી સાથે સંકળાયેલા સૂત્રોએ કહ્યું કે તેઓ બેરોજગારી, મણિપુર, મોંઘવારી જેવા મુદ્દાઓ પર ગૃહમાં ચર્ચા કરવા માંગે છે, જ્યારે કોંગ્રેસ માત્ર અદાણી મુદ્દે જ હોબાળો મચાવી રહી છે.
મલ્લિકાર્જુન ખડગેની ચેમ્બરમાં INDIA ગઠબંધનના નેતાઓની બેઠકની તસવીર.
લાઈવ અપડેટ્સ
2 મિનિટ પેહલા
- કૉપી લિંક
આજે સમાજવાદી પાર્ટી સંભલ હિંસા પર બોલશે, TMC બાંગ્લાદેશ મુદ્દે બોલશે
લોકસભા સ્પીકર ઓમ બિરલા સાથેની બેઠક અંગે TMC નેતા કલ્યાણ બેનર્જીએ સોમવારે કહ્યું કે આજની બેઠકમાં અમે બધા એ વાત પર સહમત થયા છીએ કે હવેથી ગૃહની કાર્યવાહી આગળ ચાલશે. 13-14ના રોજ બંધારણ પર ચર્ચા થશે… આવતીકાલે (મંગળવારે) સમાજવાદી પાર્ટીને સંભલ પર બોલવાની મંજૂરી આપવામાં આવશે અને અમે બાંગ્લાદેશ પર બોલીશું.
વિદેશ મંત્રી અને નાણા મંત્રી પણ ગૃહમાં પોતાના વિચારો રજૂ કરશે. સોમવારે હોબાળો અને ગૃહ સ્થગિત થવાને કારણે વિદેશ મંત્રી એસ જયશંકર લોકસભામાં ભારત-ચીન મુદ્દા પર બોલી શક્યા ન હતા. નાણાપ્રધાન સીતારમણ પણ લોકસભામાં બેન્કિંગ લો એમેન્ડમેન્ટ બિલ રજૂ કરી શક્યા ન હતા. આજે આ બંને નેતાઓને તેમના વિચારો રજૂ કરવા માટે સમય આપવામાં આવશે.
2 મિનિટ પેહલા
- કૉપી લિંક
PMએ સંસદ સભાગૃહમાં ફિલ્મ ‘સાબરમતી રિપોર્ટ’ જોઈ
સંસદના બાલયોગી ઓડિટોરિયમમાં ફિલ્મનું સ્પેશિયલ સ્ક્રીનિંગ રાખવામાં આવ્યું હતું. ગૃહમંત્રી અમિત શાહ, સંરક્ષણ મંત્રી રાજનાથ સિંહ અને ઘણા મંત્રીઓ, સાંસદો અને કલાકારો પણ ફિલ્મ જોવા પહોંચ્યા હતા.
PM મોદીએ કાલે સાંજે 4 વાગ્યે સંસદ લાયબ્રેરીના બાલયોગી ઓડિટોરિયમમાં ફિલ્મ ‘સાબરમતી રિપોર્ટ’ જોઈ હતી. પીએમ મોદી ઉપરાંત એનડીએના સાંસદોએ પણ ફિલ્મ જોઈ હતી. આ ફિલ્મ ગોધરાકાંડ અને ત્યારબાદ ગુજરાતના રમખાણો પર આધારિત છે. આ ફિલ્મ 15 નવેમ્બરે રિલીઝ થઈ હતી.
3 મિનિટ પેહલા
- કૉપી લિંક
સંસદ 5 દિવસમાં 75 મિનિટ ચાલી, 5 બેઠકો
સોમવારે લોકસભામાં માત્ર 15 મિનિટ અને રાજ્યસભામાં લગભગ 20 મિનિટ સુધી કાર્યવાહી ચાલી શકી હતી. અગાઉ ચાર દિવસમાં ચાર બેઠકોમાં બંને ગૃહોમાં કુલ માત્ર 40 મિનિટની કાર્યવાહી થઈ શકી હતી. એટલે કે પાંચ દિવસમાં બંને ગૃહોમાં માત્ર 75 મિનિટની કાર્યવાહી થઈ.
4 મિનિટ પેહલા
- કૉપી લિંક
સંસદના શિયાળુ સત્રમાં છેલ્લી 5 કાર્યવાહી…
25 નવેમ્બર: પહેલો દિવસ – રાજ્યસભામાં ધનખડ- ખડગે વચ્ચે ચર્ચા 25 નવેમ્બરે સંસદના શિયાળુ સત્રનો પ્રથમ દિવસ હતો. રાજ્યસભામાં અધ્યક્ષ જગદીપ ધનખડ અને વિપક્ષના નેતા (LoP) મલ્લિકાર્જુન ખડગે વચ્ચે ચર્ચા થઈ હતી. ધનખડે ખડગેને કહ્યું હતું કે આપણું બંધારણ 75 વર્ષ પૂર્ણ કરી રહ્યું છે. આશા છે કે તમે તેની મર્યાદામાં રહેશો. તેના પર ખડગેએ જવાબ આપ્યો કે આ 75 વર્ષમાં મારું યોગદાન પણ 54 વર્ષ છે, તો મને ન શીખવો
27 નવેમ્બર: બીજા દિવસે – અદાણી મુદ્દે લોકસભામાં હોબાળો સત્રના બીજા દિવસે 27 નવેમ્બરે સવારે 11 વાગ્યે વિપક્ષે કાર્યવાહી શરૂ થતાં જ હોબાળો મચાવ્યો. 12 વાગે ફરી કાર્યવાહી શરૂ થતાં ફરી હોબાળો થયો હતો. વિપક્ષે યુપીના સંભલમાં હિંસાનો મુદ્દો પણ ઉઠાવ્યો હતો. જે બાદ લોકસભા અને રાજ્યસભા બંનેને 28 નવેમ્બર સુધી સ્થગિત કરી દેવામાં આવી હતી.
28 નવેમ્બર: ત્રીજો દિવસ- પ્રિયંકા ગાંધીએ સાંસદ પદના શપથ લીધા 28 નવેમ્બરે સત્રનો ત્રીજો દિવસ હતો. પ્રિયંકા ગાંધી પહેલીવાર સંસદ પહોંચ્યા. તેમણે લોકસભામાં સાંસદ પદના શપથ લીધા હતા. આ દરમિયાન તેમણે પોતાના હાથમાં બંધારણની કોપી રાખી હતી. પ્રિયંકાની સાથે તેની માતા સોનિયા અને રાહુલ ગાંધી પણ સંસદ પહોંચ્યાં હતાં. પ્રિયંકાએ વાયનાડ બેઠક પરથી પેટાચૂંટણી જીતી છે. પ્રિયંકાની સાથે નાંદેડથી પેટાચૂંટણી જીતનાર રવિન્દ્ર ચૌહાણે પણ શપથ લીધા હતા.
29 નવેમ્બર: ચોથો દિવસ- સ્પીકરે કહ્યું- ગૃહ દરેકનું છે, દેશ ઈચ્છે છે કે સંસદ ચાલે ચોથા દિવસે વિપક્ષે ફરીથી અદાણી અને સંભાલનો મુદ્દો લોકસભા અને રાજ્યસભામાં ઉઠાવ્યો. વિપક્ષના સાંસદોએ કાર્યવાહી દરમિયાન હોબાળો ચાલુ રાખ્યો હતો. સ્પીકર ઓમ બિરલાએ કહ્યું, ‘સહમતિ-અસંમતિ લોકશાહીની તાકાત છે. ગૃહ દરેકનું છે, દેશ ઇચ્છે છે કે સંસદ ચાલે.
2 ડિસેમ્બર: પાંચમો દિવસ – પક્ષ-વિપક્ષના ફ્લોર લીડર વચ્ચે ગૃહ ચલાવવા અંગે સહમતિ થઈ પાંચમા દિવસે, લોકસભાના સ્પીકર ઓમ બિરલાએ પક્ષ અને વિપક્ષના ફ્લોર લીડર્સની બેઠક બોલાવી કારણ કે છેલ્લા ચાર દિવસથી સંસદની કાર્યવાહી હંગામાથી ઠપ થઈ ગઈ હતી. બેઠકમાં નિર્ણય લેવામાં આવ્યો હતો કે 3 ડિસેમ્બરથી બંને ગૃહો યોગ્ય રીતે ચલાવવામાં આવશે.
6 મિનિટ પેહલા
- કૉપી લિંક
સત્રમાં કુલ 16 બિલ રજૂ કરવામાં આવશે, 11 પર ચર્ચા થશે, 5 મંજૂરી માટે રજૂ કરવામાં આવશે
સંસદના શિયાળુ સત્ર દરમિયાન કુલ 16 બિલ રજૂ કરવામાં આવનાર છે. તેમાંથી 11 બિલ ચર્ચા માટે મૂકવામાં આવશે. જ્યારે 5 કાયદા બનવા માટે મંજૂરી માટે મૂકવામાં આવશે. વન નેશન વન ઇલેક્શન માટે પ્રસ્તાવિત બિલનો સમૂહ હજુ સુધી યાદીનો ભાગ નથી, જોકે કેટલાક અહેવાલો કહે છે કે સરકાર તેને સત્રમાં લાવી શકે છે.
તેમજ, રાજ્યસભાના બુલેટિનમાં કહેવામાં આવ્યું છે કે લોકસભા દ્વારા પસાર કરાયેલ એક વધારાનું બિલ, ભારતીય એરક્રાફ્ટ બિલ, રાજ્યસભામાં મંજૂરી માટે પેન્ડિંગ છે.
