‘ભાજપ સરકારમાં અંગ્રેજો જેવું શાસન’: લોકસભામાં પહેલી સ્પીચમાં કહ્યું, સંવિધાન ‘સંઘ’વિધાન નથી; રાજનાથે કહ્યું- નેહરુ-ઈન્દિરાએ બંધારણ બદલ્યું, જેથી વિપક્ષ ચૂપ રહે

સંસદના શિયાળુ સત્રના 14માં દિવસે શુક્રવારે લોકસભામાં બંધારણના 75 વર્ષ પૂર્ણ થવા પર ચર્ચા થઈ હતી. રક્ષા મંત્રી રાજનાથ સિંહે તેની શરૂઆત કરી હતી. 1 કલાક અને 10 મિનિટ સુધી ચાલેલા ભાષણમાં રાજનાથે કોંગ્રેસ પર બંધારણમાં ફેરફાર કરવાનો, ચૂંટાયેલી સરકારોને તોડી પાડવાનો, બંધારણથી ઉપર પોતાના હિતોની સેવા કરવાનો અને ઈમરજન્સી દ્વારા બંધારણને નુકસાન પહોંચાડવાનો આરોપ લગાવ્યો હતો.

રાજનાથ બાદ વિપક્ષ તરફથી પ્રિયંકા ગાંધીએ તેમના દરેક નિવેદનનો 31 મિનિટમાં જવાબ આપ્યો. પ્રિયંકાએ કહ્યું- સંરક્ષણ મંત્રી બંધારણ ઘડનારાઓમાં નેહરુજીનું નામ નથી લેતા. જ્યાં જરૂર હોય ત્યાં જરૂરથી લો છો. અગાઉ શું થયું, તેને હવે કહેવાનો શું અર્થ? હવે સરકાર તમારી છે, તમે શું કર્યું તે જનતાને કહો.

પ્રિયંકાએ કહ્યું- વડાપ્રધાન સંસદમાં પોતાના માથા પર બંધારણનું પુસ્તક રાખે છે. જ્યારે સંભલ, હાથરસ, મણિપુર હિંસા પર ન્યાયનો મુદ્દો ઉભો થાય છે, ત્યારે તેમના કપાળ પર એક સળ પણ નથી પડી. રાજા વેશપલટો કરે છે, પણ ટીકા સાંભળવાની હિંમત નથી. સાંસદ તરીકે પ્રિયંકાનું લોકસભામાં આ પ્રથમ ભાષણ હતું.

સંસદના શિયાળુ સત્રના 14માં દિવસે શુક્રવારે લોકસભામાં બંધારણના 75 વર્ષ પૂર્ણ થવા પર ચર્ચા થઈ હતી. રક્ષા મંત્રી રાજનાથ સિંહે તેની શરૂઆત કરી હતી. 1 કલાક અને 10 મિનિટ સુધી ચાલેલા ભાષણમાં રાજનાથે કોંગ્રેસ પર બંધારણમાં ફેરફાર કરવાનો, ચૂંટાયેલી સરકારોને તોડી પાડવાનો, બંધારણથી ઉપર પોતાના હિતોની સેવા કરવાનો અને ઈમરજન્સી દ્વારા બંધારણને નુકસાન પહોંચાડવાનો આરોપ લગાવ્યો હતો.

રાજનાથ બાદ વિપક્ષ તરફથી પ્રિયંકા ગાંધીએ તેમના દરેક નિવેદનનો 31 મિનિટમાં જવાબ આપ્યો. પ્રિયંકાએ કહ્યું- સંરક્ષણ મંત્રી બંધારણ ઘડનારાઓમાં નેહરુજીનું નામ નથી લેતા. જ્યાં જરૂર હોય ત્યાં જરૂરથી લો છો. અગાઉ શું થયું, તેને હવે કહેવાનો શું અર્થ? હવે સરકાર તમારી છે, તમે શું કર્યું તે જનતાને કહો.

પ્રિયંકાએ કહ્યું- વડાપ્રધાન સંસદમાં પોતાના માથા પર બંધારણનું પુસ્તક રાખે છે. જ્યારે સંભલ, હાથરસ, મણિપુર હિંસા પર ન્યાયનો મુદ્દો ઉભો થાય છે, ત્યારે તેમના કપાળ પર એક સળ પણ નથી પડી. રાજા વેશપલટો કરે છે, પણ ટીકા સાંભળવાની હિંમત નથી. સાંસદ તરીકે પ્રિયંકાનું લોકસભામાં આ પ્રથમ ભાષણ હતું.

રાજનાથની સ્પીચ અને પ્રિયંકાનો જવાબ…

1. બંધારણ પર રાજનાથઃ છેલ્લા કેટલાક વર્ષોમાં દેશમાં એવું વાતાવરણ બનાવવાનો પ્રયાસ કરવામાં આવી રહ્યો છે કે બંધારણ એક પક્ષની ભેટ છે. તેને હાઇજેક કરવાના પ્રયાસો થયા છે. બંધારણના નિર્માણમાં અનેક લોકોની ભૂમિકા ભુલાઈ ગઈ છે. આ દેશમાં એક રાજ્ય એવું પણ હતું જ્યાં સંસદ અને બંધારણના કાયદા લાગુ નહોતા. અમે ત્યાં પણ બધું અમલમાં મૂક્યું.

પ્રિયંકા: વડાપ્રધાન ગૃહમાં તેમના માથા પર બંધારણનું પુસ્તક રાખે છે. સંભલ-હાથરસ-મણિપુરમાં જ્યારે ન્યાયનો મુદ્દો ઉઠાવવામાં આવે છે, ત્યારે કપાળ પર એક સળ પણ દેખાતી નથી. એક વાર્તા હતી- રાજા ટીકા અને લોકો શું કહે છે તે સાંભળવા વેશ બદલીને બજારમાં જતા. હું સાચા માર્ગ પર છું કે નહીં? આજના રાજાઓ વેશ બદલી નાખે છે. પણ જનતાની વચ્ચે નથી જતા કે ટીકા પણ નથી સાંભળતા.

2. પંડિત નેહરુ પર રાજનાથઃ આજે કોંગ્રેસ અને વિપક્ષના લોકો ખિસ્સામાં બંધારણની નકલો લઈને ફરે છે. પેઢીઓ સુધી તેઓએ બંધારણને પોતાના ખિસ્સામાં રાખ્યું. નેહરુ, ઈન્દિરા, રાજીવ અને મનમોહન સિંહના સમયમાં બંધારણીય સુધારા કરવામાં આવ્યા હતા. આ વિરોધીઓને શાંત કરવા માટે કરવામાં આવ્યું હતું. કોંગ્રેસની જેમ આપણે ક્યારેય બંધારણને રાજકીય હિત સાધવાનું માધ્યમ બનાવ્યું નથી.

પ્રિયંકાઃ તમે સારા કામ માટે પંડિત નેહરુનું નામ નથી લેતા. જ્યાં પણ તમને જરૂર છે, ત્યાં ચોક્કસપણે લો છો. નેહરુજીએ ઘણી પીએસયુ બનાવી. પુસ્તકો અને ભાષણોમાંથી તેમનું નામ હટાવી શકાય છે, પરંતુ સ્વતંત્રતા અને રાષ્ટ્ર નિર્માણમાં તેમણે ભજવેલી ભૂમિકા માટે તેમનું નામ ક્યારેય ભૂંસી શકાશે નહીં.

સત્તાધારી પક્ષ ભૂતકાળની વાતો કરે છે. 1921માં શું થયું, નેહરુએ શું કર્યું? અરે, વર્તમાનની વાત કરો. તમે શું કરો છો તે દેશને કહો. તમારી જવાબદારી શું છે? શું સમગ્ર જવાબદારી નેહરુજીની છે?

3. ઈન્દિરા ગાંધી પર રાજનાથઃ કોંગ્રેસના નેતાઓ સત્તા અને પોતાના અંગત હિતોને બંધારણથી ઉપર રાખે છે. રાષ્ટ્રપતિ વીવી ગિરી 1975માં ત્રણ વરિષ્ઠ ન્યાયાધીશોને સુપરસીડ કરવા સાથે સહમત ન હતા. તત્કાલિન વડાપ્રધાને જીદના કારણે આવું ન કર્યું. ઈન્દિરા ગાંધીએ ચૂંટાયેલી સરકારોને પાડવા માટે કલમ 356નો દુરુપયોગ કર્યો હતો.

પ્રિયંકા: શાસક પક્ષના સાથીદારે 1975ની વાતો ગણાવી, તમારે પણ તે શીખવું જોઈએ. તમે તમારી ભૂલ માટે માફી માગો. બેલેટ પર વોટ આપો અને દૂધનું દૂધ અને પાણીનું પાણી થઈ જશે. તમે પૈસાના આધારે સરકારોને પાડો છો.

4. સરમુખત્યારશાહી પર રાજનાથઃ કોંગ્રેસના બંધારણમાં સુધારો કર્યો. જો વડાપ્રધાન, રાજ્યપાલ અને મુખ્યમંત્રી શપથ લેશે તો તેમના તમામ ગુનાઓ માફ કરવામાં આવશે. લોકસભાનો કાર્યકાળ ઘટાડીને 6 વર્ષ કરવામાં આવ્યો. શું આ સરમુખત્યારશાહી ન હતી? આજે એ જ પક્ષના લોકો આવી વાતો કરી રહ્યા છે. રાજનીતિ કરવી હોય તો જનતાને ધ્યાનમાં રાખીને કરો. તેમની આંખોમાં ધૂળ નાખીને નહીં.

પ્રિયંકાઃ દેશના ખેડૂતોને ભગવાન ભરોસે છે. હિમાચલમાં સફરજનના ખેડૂતો રડી રહ્યા છે. એક વ્યક્તિ માટે બધું બદલાઈ રહ્યું છે. દેશ જોઈ રહ્યો છે કે એક અદાણીને બચાવવા માટે 142 કરોડ લોકોને નકારવામાં આવી રહ્યા છે. બંદરો, એરપોર્ટ, રોડ, રેલ્વેનું કામ, કારખાના, ખાણો અને સરકારી કંપનીઓ માત્ર એક વ્યક્તિને આપવામાં આવી રહી છે.

5. સરકાર પાડવા પર રાજનાથઃ 1992માં અયોધ્યામાં વિવાદિત ગુંબજને નુકસાન થવાની માહિતી મળી હતી. કલ્યાણ સિંહ સરકારે સાંજે પાંચ વાગ્યે રાજીનામું આપ્યું. રાજીનામું સ્વીકારવામાં આવ્યું ન હતું. તેમને નોકરીમાંથી કાઢી મૂકવામાં આવ્યા હતા. 1997માં અમે અમારી બહુમતી સાબિત કરી હતી. વિધાનસભા અધ્યક્ષે તેનો સ્વીકાર કર્યો. કોંગ્રેસીઓનું એક ટોળું રાજ્યપાલ પાસે ગયું અને તેમને કહેવામાં આવ્યું કે બહુમતી નથી. તે સરકાર બરતરફ કરવામાં આવી હતી.

પ્રિયંકા: પૈસાના આધારે મહારાષ્ટ્ર અને હિમાચલ સરકારને તોડવાનો પ્રયાસ કોણે કર્યો? શું સરકારો લોકો દ્વારા ચૂંટાયેલી ન હતી? તેમને બંધારણ લાગુ પડતું નથી. લોકો હસે છે, એ જાણીને કે તેમની પાસે અહીં વોશિંગ મશીન છે. જે અહીંથી ત્યાં જાય છે, તે ધોવાઇ જાય છે. મારા ઘણા મિત્રો છે જેઓ એ દિશામાં ગયા. સંભવતઃ વોશિંગ મશીનમાં ધોવાઇ ગયા છે.

6. જાતિની વસતિગણતરી પર રાજનાથઃ જો તમે જાતિની વસ્તીગણતરી કરો છો તો એ પણ જણાવો કે કોને કેટલી અનામત આપવામાં આવશે. તમે બ્લુ પ્રિન્ટ લાવો. હું કહું છું કે સંસદમાં પણ આ અંગે ચર્ચા થવી જોઈએ. અમે ઈમરજન્સીના કાળા દિવસોમાં પણ બંધારણને નુકસાન પહોંચાડવાના દરેક પ્રયાસનો વિરોધ કર્યો હતો. હું 18 મહિના જેલમાં પણ રહ્યો. જ્યારે મારી માતાનું અવસાન થયું, ત્યારે મુખાગ્નિ માટે પેરોલ પણ આપવામાં આવ્યો ન હતો.

પ્રિયંકાઃ સરકાર હારતા-હારતા જીતી ગઈ ત્યારે સ્પષ્ટ થઈ ગયું કે બંધારણ બદલવાની વાત નહીં ચાલે. તમે જાતિની વસતિગણતરીનો ઉલ્લેખ કર્યો છે કારણ કે ચૂંટણીના પરિણામો તમારી વિરુદ્ધ આવ્યા હતા. તેમની ગંભીરતાનો પુરાવો એ છે કે જ્યારે સમગ્ર વિપક્ષે ચૂંટણીમાં જાતિ ગણતરીનો મુદ્દો ઉઠાવ્યો ત્યારે તેઓએ કહ્યું હતું કે ભેંસ ચોરી લેશે, મંગળસૂત્ર ચોરી લેશ. બંધારણે જ તમને સ્ત્રી શક્તિનો અર્થ સમજાવ્યો છે. તેથી જ તમે નારી શક્તિ વંદન કાયદો પસાર કર્યો. ક્યારે થશે અમલ?

7. વિપક્ષની ભૂમિકા પર રાજનાથઃ આજે તેમના નેતાઓ (રાહુલ ગાંધીનું નામ લીધા વિના) જ્યારે તેઓ વિદેશની ધરતી પર જાય છે ત્યારે શું કહે છે, અટલ જી (અટલ બિહારી વાજપેયી)ની ઘટના વાર્તા જેવી લાગે છે. પરિપક્વ વિપક્ષની ભૂમિકા ભજવતા શીખો. 1996માં અટલજીની 13 દિવસની સરકાર હતી.

પ્રિયંકાઃ આજે લોકોને સત્ય બોલવા માટે ડરાવવામાં આવે છે અને ધમકાવવામાં આવે છે. ED, CBI, ઇન્કમટેક્સ, નકલી કેસ દાખલ કરે છે. વિપક્ષના નેતાઓને જેલમાં ધકેલી દેવાયા છે. બ્રિટિશ શાસન દરમિયાન દેશમાં ભયનું વાતાવરણ હતું. જ્યારે આ તરફ બેઠેલા ગાંધી વિચારધારા આઝાદી માટે લડી રહ્યા હતા ત્યારે બીજી બાજુ બેઠેલા લોકો (શાસક પક્ષ) અંગ્રેજો સાથે મિલીભગત કરી રહ્યા હતા.