મજબૂત કદકાઠી, અરબી ડ્રેસ, આફ્રિકન-અમેરિકન જેવી ભાષા: કન્નડ અભિનેત્રી રાન્યાએ સપ્લાયરના દેખાવનો ખુલાસો કર્યો, સોનાની દાણચોરીમાં કોર્ટે જામીન ફગાવ્યા

સોનાની દાણચોરીના ગંભીર કેસમાં આરોપી રાન્યા રાવની જામીન અરજી સ્પેશિયલ કોર્ટે ફગાવી દીધી છે. જજ વિશ્વનાથ સી ગોવદારે આરોપોની ગંભીરતાને ધ્યાનમાં રાખીને ચુકાદો સંભળાવ્યો. હવે રાન્યાના વકીલ સેશન્સ કોર્ટમાં અપીલ દાખલ કરવાની તૈયારી કરી રહ્યા છે.

કર્ણાટક સોનાની દાણચોરીના કેસમાં, કન્નડ અભિનેત્રી રાન્યા રાવે દુબઈ એરપોર્ટ પર મળેલા માણસના દેખાવનો ખુલાસો કર્યો છે. આ વ્યક્તિએ જ તેણીને સોનું આપ્યું હતું, જેના સાથે તેણીની બેંગલુરુ કેમ્પાગૌડા આંતરરાષ્ટ્રીય એરપોર્ટ પર ધરપકડ કરવામાં આવી હતી.

ડિરેક્ટોરેટ ઓફ રેવન્યુ ઇન્ટેલિજન્સ (DRI) દ્વારા પૂછપરછ દરમિયાન, 33 વર્ષીય અભિનેત્રીએ કહ્યું કે તેને એક ઇન્ટરનેટ કોલ આવ્યો હતો. દુબઈ ઈન્ટરનેશનલ એરપોર્ટના ટર્મિનલ 3ના ગેટ A પર ડાઇનિંગ લાઉન્જમાં એસ્પ્રેસો મશીન પાસે એક માણસને મળવા માટે કોલ પર તેને સૂચના આપવામાં આવી હતી.

તેણીને કહેવામાં આવ્યું કે તે જે માણસને મળવાની હતી તેણે અરબી ડ્રેસ પહેર્યો હતો. રાન્યા રાવે કહ્યું કે તે જે માણસને મળી હતી તે સારી કદકાઠીનો હતો. તે 6 ફૂટથી વધુ ઊંચો હતો. તેનું ઉચ્ચારણ આફ્રિકન-અમેરિકન જેવું હતું અને તેનો રંગ ઘઉંવર્ણ હતો.

રાન્યા કહ્યું કે જ્યારે તે એ માણસને મળી ત્યારે તેમની વચ્ચે ખૂબ જ ટૂંકી વાતચીત થઈ. આ પછી તે માણસે જાડા પ્લાસ્ટિકમાં લપેટેલા બે પેકેટ આપ્યા, જેમાં સોનું હતું. રાન્યાએ દાવો કર્યો હતો કે આ પહેલીવાર હતું જ્યારે તે સોનાની દાણચોરી કરી રહી હતી.

કોન્સ્ટેબલનો દાવો- રાન્યાના ડીજીપી પિતાએ તેને મદદ કરી હતી રાન્યાને મદદ કરનાર એક કોન્સ્ટેબલે દાવો કર્યો હતો કે કર્ણાટકના ડીજીપી અને રાન્યાના સાવકા પિતા રામચંદ્ર રાવે તેમને પ્રોટોકોલ મુજબ તેમની પુત્રીને એરપોર્ટની બહાર લઈ જવાનો આદેશ આપ્યો હતો.

રાન્યા વિરુદ્ધ ત્રણ એજન્સીઓ તપાસ કરી રહી છે ડીઆરઆઈ ઉપરાંત, સીબીઆઈ અને હવે ઇડી પણ રાન્યા સામે તપાસ કરી રહી છે. ગુરુવારે, એન્ફોર્સમેન્ટ ડિરેક્ટોરેટ (ED)એ કન્નડ અભિનેતા વિરુદ્ધ મની લોન્ડરિંગનો કેસ નોંધ્યો. બીજી તરફ, કર્ણાટક સરકારે રાન્યાના સાવકા પિતા સામે તપાસનો આદેશ આપ્યો. જોકે થોડા સમય પછી તે પાછો ખેંચી લેવામાં આવ્યો.