35 મિનિટ પેહલા
- કૉપી લિંક
દિલ્હીના સીએમ અરવિંદ કેજરીવાલની પત્ની સુનીતાએ બુધવારે એક વીડિયો સંદેશમાં દિલ્હીના સીએમનો સંદેશ લોકોને વાંચી સંભળાવ્યો. તેમણે કહ્યું કે દારૂ કૌભાંડની તપાસમાં EDને 250થી વધુ દરોડામાં કંઈ મળ્યું નથી. હવે 28 માર્ચે કેજરીવાલજી કોર્ટમાં પુરાવા આપશે કે કૌભાંડના પૈસા ક્યાં ગયા.
હું જેલમાં અરવિંદજીને મળવા ગઈ હતી. જ્યારે તેઓ દિલ્હીના લોકોની સમસ્યાઓના ઉકેલ માટે જેલમાંથી સૂચનાઓ મોકલી રહ્યા હતા ત્યારે કેન્દ્ર સરકારે તેમની સામે કેસ દાખલ કર્યો હતો. આનાથી તેમને ઘણું દુઃખ થયું છે.
કેજરીવાલના ED રિમાન્ડ 28 માર્ચે પૂરા થઈ રહ્યા છે. તેમની 21 માર્ચે ધરપકડ કરવામાં આવી હતી અને 23 માર્ચે તેને ED કસ્ટડીમાં મોકલવામાં આવ્યા હતા.
છેલ્લા પાંચ દિવસમાં સુનીતા કેજરીવાલનો આ બીજો વીડિયો સંદેશ છે. આ પહેલા 23 માર્ચે તેમણે પહેલા વીડિયો મેસેજમાં કેજરીવાલનો પત્ર વાંચ્યો હતો. તેમણે કહ્યું હતું કે કેજરીવાલજી જેલની અંદર પણ દિલ્હીના લોકો વિશે વિચારે છે.
આ તસવીર 22 માર્ચની છે જ્યારે કેજરીવાલને કોર્ટમાં હાજર થવા માટે લાવવામાં આવ્યા હતા.
સુનીતા કેજરીવાલનો આજનો સંદેશ…
ગઈકાલે સાંજે હું જેલમાં અરવિંદજીને મળવા ગઈ હતી. તેમને ડાયાબિટીસ છે, તેમનું શુગર લેવલ બરાબર નથી, પણ તેમનો નિશ્ચય મજબૂત છે. બે દિવસ પહેલાં તેમણે દિલ્હીના જળમંત્રી આતિશીને સંદેશો મોકલ્યો હતો કે લોકોની પાણી અને ગટરની સમસ્યાનું નિરાકરણ કરવામાં આવે.
લોકોના પ્રશ્નોનું નિરાકરણ આવવું જોઈએ. તેના પર પણ કેન્દ્ર સરકારે તમારા સીએમ વિરુદ્ધ કેસ દાખલ કર્યો. શું આ લોકો દિલ્હીને બરબાદ કરવા માગે છે? શું આ લોકો ઈચ્છે છે કે લોકો તેમની સમસ્યાઓ સાથે સંઘર્ષ કરતા રહે? આનાથી દિલ્હીના સીએમ ખૂબ જ દુઃખી છે.
