સુપ્રીમ કોર્ટે કહ્યું- રેપ પર અલ્હાબાદ હાઈકોર્ટની ટિપ્પણી અસંવેદનશીલ: હાઈકોર્ટેના નિર્ણય પર સ્ટે આપ્યો; હાઈકોર્ટે કહ્યું હતું- સગીરાની છાતીને સ્પર્શવું, નાડું ખોલવું એ રેપ નથી

અલ્હાબાદ હાઈકોર્ટે શું કહ્યું?

છોકરીના પ્રાઈવેટ પાર્ટને સ્પર્શવું, તેના પાયજામાનું નાડું ખોલવું અને તેને બળજબરીથી પુલ નીચે ખેંચવાનો પ્રયાસ કરવો એ રેપ અથવા ‘અટેમ્પ ટુ રેપ’નો મામલો નથી.

સામવારે અલ્હાબાદ હાઈકોર્ટના જસ્ટિસ રામ મનોહર નારાયણ મિશ્રાએ બંને આરોપીઓ સામેની કલમો બદલી નાખી. 3 આરોપીઓ સામે કરાયેલી ફોજદારી રીવીઝન અરજી સ્વીકારવામાં આવી હતી.

હાઈકોર્ટે કહ્યું હતું કે આરોપીઓ સામે ‘અટેમ્પ ટુ રેપ’નો આરોપ પડતો મુકવો જોઈએ. તેના પર જાતીય સતામણીની અન્ય કલમો હેઠળ કાર્યવાહી કરવાનો આદેશ આપવામાં આવ્યો હતો. (પ્રતિકાત્મક તસવીર)

3 વર્ષ જૂનો કેસ, માતાએ FIR નોંધાવી હતી

ખરેખરમાં, યુપીના કાસગંજની એક મહિલાએ 12 જાન્યુઆરી, 2022ના રોજ કોર્ટમાં ફરિયાદ નોંધાલી હતી. તેણે આરોપ લગાવ્યો હતો કે 10 નવેમ્બર, 2021ના રોજ તે તેની 14 વર્ષની પુત્રી સાથે કાસગંજના પટિયાલીમાં તેની ભાભીના ઘરે ગઈ હતી. તે જ દિવસે સાંજે તે ઘરે પરત ફરી રહી હતી. રસ્તામાં ગામના રહેવાસી પવન, આકાશ અને અશોક મળ્યા હતા. પવને તેની પુત્રીને તેની બાઇક પર બેસાડીને ઘરે મૂકી આવવાનું કહ્યું. માતાએ તેના પર વિશ્વાસ રાખીને તેને બાઇક પર બેસાડી, પરંતુ રસ્તામાં પવન અને આકાશે પુત્રીના ગુપ્ત ભાગ પર સ્પર્શ કર્યો. આકાશે તેને પુલ નીચે ખેંચી જવાનો પ્રયાસ કરતી વખતે તેના પાયજામાની નોડી તોડી નાખી હતી.

છોકરીની ચીસો સાંભળીને ટ્રેક્ટરમાં પસાર થઈ રહેલા સતીશ અને ભુરે સ્થળ પર પહોંચી ગયા હતા. જેના પર આરોપીઓએ દેશી બનાવટની પિસ્તોલ બતાવી બંનેને ધાકધમકી આપી ફરાર થઈ ગયા હતા.

પીડિતાની માતા FIR નોંધાવવા ગઈ હતી, પરંતુ પોલીસે કોઈ કાર્યવાહી કરી નહોતી

પીડિતાનીની માતા જ્યારે આરોપી પવનના ઘરે ફરિયાદ કરવા પહોંચી ત્યારે પવનના પિતા અશોકે તેની સાથે દુર્વ્યવહાર કર્યો અને જાનથી મારી નાખવાની ધમકી આપી. બીજા દિવસે માતા FIR નોંધાવવા પોલીસ સ્ટેશન ગઈ. તો ત્યાં પણ પોલીસે કોઈ કાર્યવાહી ન કરી. બાદમાં તેણે કોર્ટનો દરવાજો ખખડાવ્યો હતો.

21 માર્ચ, 2022ના રોજ, કોર્ટે અરજીને ફરિયાદ તરીકે ગણી અને કેસને આગળ ધપાવ્યો. ફરિયાદી અને સાક્ષીઓના નિવેદનો નોંધવામાં આવ્યા હતા. આરોપી પવન અને આકાશની સામે IPCની કલમ 376, 354, 354B અને POCSO એક્ટની કલમ 18 હેઠળ કેસ નોંધવામાં આવ્યો હતો. આરોપી અશોક વિરુદ્ધ આઈપીસીની કલમ 504 અને 506 હેઠળ કેસ નોંધવામાં આવ્યો હતો.

આરોપીએ સમન્સના આદેશને નકારી કાઢ્યો હતો અને હાઇકોર્ટ સમક્ષ રિવિઝન દાખલ કર્યું હતું. એટલે કે તેણે કોર્ટને કહ્યું કે આ આરોપો પર પુનર્વિચાર થવો જોઈએ. જસ્ટિસ રામ મનોહર નારાયણ મિશ્રાની સિંગલ બેન્ચે ક્રિમિનલ રિવિઝન પિટિશન સ્વીકારી હતી.

અલ્હાબાદ હાઈકોર્ટે 17 માર્ચે આ કેસની સુનાવણી કરી હતી.

સુપ્રીમ કોર્ટે બોમ્બે હાઈકોર્ટના સમાન નિર્ણયને રદ કર્યો હતો.

19 નવેમ્બર, 2021 ના ​​રોજ, સુપ્રીમ કોર્ટે સમાન અન્ય એક કેસમાં બોમ્બે હાઈકોર્ટની નાગપુર બેંચના નિર્ણયને પલટી નાખ્યો હતો. કોર્ટે કહ્યું કે બાળકના જાતીય અંગોને સ્પર્શ કરવો અથવા જાતીય ઈરાદાથી શારીરિક સંપર્ક સાથે સંકળાયેલા કોઈપણ કૃત્યને POCSO એક્ટની કલમ 7 હેઠળ જાતીય હુમલો ગણવામાં આવશે. તેમાં મહત્વપૂર્ણ ઇરાદો છે, સ્કીન ટુ સ્કીન સંપર્ક નહીં.