Related posts
નવી દિલ્હી/ભોપાલ/જયપુર/શ્રીનગર27 મિનિટ પેહલા
- કૉપી લિંક
દેશના ઉત્તરીય રાજ્યોમાં કડકડતી ઠંડી પડવાનું યથાવત છે. જમ્મુ-કાશ્મીર, લદ્દાખ અને હિમાચલ પ્રદેશના ઘણા વિસ્તારોમાં તાપમાન 0 ડિગ્રીથી નીચે ગગડ્યું છે. હિમાચલમાં પણ આજે હિમવર્ષાનું એલર્ટ આપવામાં આવ્યું છે. જેના કારણે તાપમાન હજુ વધુ ઘટી શકે છે.
પંજાબ-હરિયાણામાં પણ ઠંડીના કારણે તાપમાનમાં ઘટાડો નોંધાયો છે. ચંદીગઢમાં તાપમાન 0.8 ડિગ્રી નોંધાયું હતું. પંજાબના આદમપુર વિસ્તારમાં પારો 1.8 ડિગ્રી નોંધાયો હતો.
પંજાબમાં પણ ગાઢ ધુમ્મસ જોવા મળ્યું હતું. અમૃતસર, તરનતારન, ભટિંડા, લુધિયાણા અને બરનાલામાં 100 મીટર પર વિઝિબિલિટી નોંધાઈ હતી.
હિમવર્ષા અને તીવ્ર ઠંડીની સાથે હવામાન વિભાગે કેટલાક રાજ્યોમાં વરસાદનું એલર્ટ પણ જાહેર કર્યું છે. ઉત્તર પ્રદેશના 6 જિલ્લાઓમાં આજે વરસાદનું એલર્ટ પણ આપવામાં આવ્યું છે. તેમજ, આવતીકાલથી મધ્યપ્રદેશ અને રાજસ્થાનમાં વરસાદ પડવાની શક્યતા છે.
હવામાનની 5 તસવીરો…
શ્રીનગરમાં તાપમાન માઈનસ 8.7 ડિગ્રી નોંધાયું હતું. દાલ તળાવ થીજી ગયું છે.
શનિવારે સવારે દિલ્હીમાં ગાઢ ધુમ્મસ જોવા મળ્યું હતું.
વારાણસીમાં ગાઢ ધુમ્મસના કારણે વિઝિબિલિટી 200 મીટરથી ઓછી હતી. અહીં 3 દિવસ માટે ધુમ્મસનું એલર્ટ આપવામાં આવ્યું છે.
રાજસ્થાનના અજમેરમાં ગાઢ ધુમ્મસના કારણે ટ્રેનો મોડી પડી હતી.
જમ્મુ અને કાશ્મીરના બારામુલ્લામાં ચિલ્લાઇ કલાં (ભારે ઠંડી) શરૂ થઈ ગઈ છે. બારામુલ્લામાં તાપમાન માઈનસ નોંધાયું હતું.
જમ્મુ-કાશ્મીરમાં ચિલ્લાઇ કલાં, 27 ડિસેમ્બરથી કોલેજો બંધ
- જમ્મુ-કાશ્મીરમાં આજથી ચિલ્લાઇ કલાં શરૂ થઈ ગયું છે. ચિલ્લાઇ એ ફારસી શબ્દ છે, હિન્દીમાં તેનો અર્થ ‘ખૂબ જ ઠંડી’ થાય છે. હવે આગામી 40 દિવસ સુધી અહીં ભારે હિમવર્ષા થશે.
- હવામાન વિભાગે કહ્યું કે ચિલ્લાઇ કલાં શરૂ થઈ ગયું છે. અનંતનાગ, શોપિયાં, પહેલગામ, ગુલમર્ગ અને કાશ્મીર ઘાટીના કેટલાક ભાગોમાં પારો માઈનસ 10 ડિગ્રીથી નીચે પહોંચી શકે છે.
- જમ્મુ-કાશ્મીર સરકારના ઉચ્ચ શિક્ષણ વિભાગે શુક્રવારે કોલેજોમાં શિયાળુ વેકેશનની જાહેરાત કરી હતી. કાશ્મીરની સરકારી ડિગ્રી કોલેજો અને જમ્મુ વિભાગની વિન્ટર ઝોનની કોલેજોમાં 27 ડિસેમ્બરથી 14 ફેબ્રુઆરી 2025 સુધી શિયાળુ વેકેશન રહેશે.
- જમ્મુ વિભાગના સમર ઝોનની કોલેજો 1 જાન્યુઆરીથી 10 જાન્યુઆરી, 2025 સુધી રજાઓ રહેશે. સરકારે કાશ્મીર ઝોન અને જમ્મુ ડિવિઝનના વિન્ટર ઝોનની શાળાઓ માટે શિયાળુ વેકેશનની જાહેરાત કરી દીધી છે.
આગામી 3 દિવસમાં કેવું રહેશે હવામાન?
23 ડિસેમ્બર: 3 રાજ્યોમાં વરસાદ, 2 રાજ્યોમાં ધુમ્મસ રહેશે
- પંજાબ-હરિયાણામાં ગાઢ ધુમ્મસ જોવા મળશે.
- જમ્મુ-કાશ્મીર, લદ્દાખ, હિમાચલ પ્રદેશ અને રાજસ્થાનમાં કોલ્ડવેવ રહેશે.
- આંધ્રપ્રદેશ, ઓડિશા અને પશ્ચિમ બંગાળમાં વરસાદ પડી શકે છે. પવન પણ 55 કિમી પ્રતિ કલાકની ઝડપે ફૂંકાશે.
- હિમાચલના લાહૌલ સ્પીતિ, ચંબા અને કુલ્લુના ઊંચા શિખરો પર હળવી હિમવર્ષા થઈ શકે છે. 7 જિલ્લામાં પણ કોલ્ડવેવ રહેશે.
24 ડિસેમ્બર: 4 રાજ્યોમાં ગાઢ ધુમ્મસ, 2 રાજ્યોમાં વરસાદ
- પંજાબ, હરિયાણા, આસામ, મેઘાલયમાં ગાઢ ધુમ્મસ રહેશે.
- હિમાચલ પ્રદેશ, જમ્મુ-કાશ્મીર, લદ્દાખમાં કોલ્ડવેવનું એલર્ટ.
- દક્ષિણના રાજ્યો (તમિલનાડુ, કેરળ)માં હળવો વરસાદ પડી શકે છે.
25 ડિસેમ્બર: 2 રાજ્યોમાં તીવ્ર કોલ્ડવેવનું એલર્ટ
- હિમાચલ પ્રદેશ, પંજાબમાં તીવ્ર ઠંડીનું એલર્ટ
- જમ્મુ-કાશ્મીર, લદ્દાખ, હરિયાણા, રાજસ્થાનમાં કોલ્ડ વેવ એલર્ટ
- હિમાચલ પ્રદેશમાં જમીન હિમ સ્થિતિની શક્યતા
