કોલકાતા4 કલાક પેહલાલેખક: પ્રભાકર મણિ તિવારી
- કૉપી લિંક
2019ની લોકસભા ચૂંટણીમાં મમતા બેનર્જીની આગેવાની હેઠળની તૃણમૂલ કોંગ્રેસે 42માંથી 22 બેઠકો જીતી હતી, જ્યારે ભાજપને 18 બેઠકો મળી હતી.
પશ્ચિમ બંગાળમાં સત્તાધારી તૃણમૂલ કોંગ્રેસ ‘મોદીની ગેરંટી’ની સામે ‘દીદીની ગેરંટી’ને ચૂંટણીનું હથિયાર બનાવવા જઈ રહી છે. એપ્રિલના પ્રથમ સપ્તાહથી દીદીની ગેરંટીના નામથી બે ડઝન યોજનાઓની સફળતા રજૂ કરવામાં આવશે. સાથે જ તૃણમૂલના નેતાઓ એવો પ્રચાર કરશે કે મોદીની તમામ ગેરંટી ફોલ થઈ છે. મમતા સરકારના એક વરિષ્ઠ મંત્રીએ આ વાતની પુષ્ટિ કરી છે.
મંત્રીનું કહેવું છે કે અમે ઈચ્છીએ છીએ કે વોટિંગના દિવસે ઈવીએમ બટન દબાવતી વખતે મતદાર દીદીની ગેરંટી યાદ રાખે. પાર્ટીએ મોદીના ગેરંટી સ્લોગનને ફેલ કરવા માટે જ આ નિર્ણય લીધો છે. પક્ષના સૂત્રોનું કહેવું છે કે વિવિધ યોજનાઓનો ઉલ્લેખ કરવામાં આવશે. જેમ કે મમતાએ ખેડૂતોની આવક ત્રણ ગણી કરી, પરંતુ મોદીની તેને બમણી કરવાની ગેરંટી નિષ્ફળ ગઈ. રાજ્ય સરકારની લક્ષ્મી ભંડાર યોજનાએ બે કરોડ મહિલાઓને સહાય પૂરી પાડી હતી, જ્યારે કેન્દ્રના બેટી બચાવો અભિયાન હેઠળ ફાળવવામાં આવેલી રકમનો 80% જાહેરાત પાછળ ખર્ચવામાં આવ્યો હતો.
TMC નેતા અભિષેક બેનર્જીએ 10 માર્ચે તમામ 42 ઉમેદવારોના નામની જાહેરાત કરી હતી. આ પછી, મમતા બેનર્જી સાથે તમામ ઉમેદવારો રેમ્પ પર આગળ વધ્યા અને લોકોનું અભિવાદન કર્યું હતું.
બંગાળમાં મહિલાઓ પર તૃણમૂલનું ફોકસ
દીદીની ગેરંટી પર પ્રદેશ ભાજપ પ્રમુખ સુકાંત મજમુદારે ઉઠાવ્યા સવાલ, દીદી કયા આધારે આપી રહી છે ગેરંટી? તેની પોતાની વોરંટી સમાપ્ત થઈ ગઈ છે અને એકેસપાયરી ડેટ નજીક છે.
AI સાથે ચૂંટણી પ્રચાર
પશ્ચિમ બંગાળમાં કોમ્પ્યુટરાઈઝેશનનો વિરોધ કરવાના આરોપોનો સામનો કરી રહેલી સીપીઆઈ(એમ) હવે ચૂંટણી પ્રચાર માટે એઆઈની મદદ લેવા જઈ રહી છે. AIની મદદથી પાર્ટી પોતાના વિચારો લોકો સુધી પહોંચાડશે. પાર્ટીએ સમતા નામનો AI બોટ બનાવ્યો છે. પાર્ટીના નેતા સમિક લાહિરીએ કહ્યું કે સમતા બંગાળી ભાષામાં લોન્ચ કરવામાં આવી છે.
લોકસભા ચૂંટણી માટે બંગાળમાં તમામ 7 તબક્કામાં મતદાન
ચૂંટણી પંચે શનિવારે (16 માર્ચ) દેશના તમામ રાજ્યો અને કેન્દ્રશાસિત પ્રદેશોમાં લોકસભા ચૂંટણીની તારીખોની જાહેરાત કરી હતી. કુલ 543 બેઠકો માટે સાત તબક્કામાં ચૂંટણી યોજાશે. પ્રથમ તબક્કાનું મતદાન 19 એપ્રિલે અને છેલ્લા તબક્કાનું મતદાન 1 જૂને યોજાશે. પરિણામ 4 જૂને આવશે. પશ્ચિમ બંગાળની 42 લોકસભા સીટો માટે તમામ 7 તબક્કામાં મતદાન થશે.
2019ની લોકસભા ચૂંટણીમાં ટીએમસીએ 22 બેઠકો અને ભાજપે 18 બેઠકો જીતી હતી
2019ની લોકસભા ચૂંટણીમાં પશ્ચિમ બંગાળમાં ભાજપ અને ટીએમસી વચ્ચે ગાઢ મુકાબલો હતો. મમતા બેનર્જીની આગેવાની હેઠળની તૃણમૂલ કોંગ્રેસે 42માંથી 22 બેઠકો જીતી હતી, જ્યારે ભાજપને 18 બેઠકો મળી હતી. જ્યારે અન્ય બે બેઠકો કોંગ્રેસે જીતી હતી.
આ સમાચાર પણ વાંચો…
TMCએ 42 લોકસભા ઉમેદવારોની જાહેરાત કરી
તૃણમૂલ કોંગ્રેસ (TMC) એ પશ્ચિમ બંગાળમાં લોકસભાની 42 બેઠકો માટે તેના ઉમેદવારોની જાહેરાત કરી છે. પાર્ટીએ ક્રિકેટર યુસુફ પઠાણને કોંગ્રેસ સાંસદ અધીર રંજન ચૌધરી સામે બહેરામપુર સીટ પરથી મેદાનમાં ઉતાર્યા છે. આ સિવાય આસનસોલથી અભિનેતા શત્રુઘ્ન સિંહા અને દુર્ગાપુરના પૂર્વ ક્રિકેટર કીર્તિ આઝાદ મેદાનમાં છે. ટીએમસીએ બસીરહાટ લોકસભા સીટથી અભિનેત્રી નુસરત જહાં અને જાદવપુર સીટથી અભિનેત્રી મીમી ચક્રવર્તીની ટિકિટ કાપી છે.
