મુંબઈ20 મિનિટ પેહલા
- કૉપી લિંક
મહારાષ્ટ્રના પૂર્વ મુખ્યમંત્રી ઉદ્ધવ ઠાકરે રિલાયન્સ હોસ્પિટલમાં દાખલ છે.
મહારાષ્ટ્રના પૂર્વ મુખ્યમંત્રી અને શિવસેના (UBT)ના વડા ઉદ્ધવ ઠાકરેને હૃદયની તકલીફ બાદ એન્જિયોપ્લાસ્ટી સર્જરી કરવામાં આવી હતી. આજે સવારે 8 વાગ્યે તેમને હોસ્પિટલમાં દાખલ કરવામાં આવ્યા હતા. તેમણે છાતીમાં દુખાવો થતા રિલાયન્સ હોસ્પિટલમાં તપાસ કરાવી હતી. તપાસ પછી તેમની એન્જિયોગ્રાફી સર્જરી કરવામાં આવી હતી. હાલમાં ઉદ્ધવ હોસ્પિટલમાં દાખલ છે અને ડોક્ટરોની ટીમ તેની સારવાર કરી રહી છે. એવું કહેવામાં આવી રહ્યું છે કે 12 ઓક્ટોબરે દશેરાની રેલી બાદ તેમની તબિયત લથડી હતી.
શિવસેના યુબીટી નેતા અને ઉદ્ધવ ઠાકરેના પુત્ર આદિત્ય ઠાકરેએ ટ્વિટર પર જણાવ્યું કે આજે સવારે ઉદ્ધવ ઠાકરેજીએ સર એચએન રિલાયન્સ હોસ્પિટલમાં તપાસ કરાવી હતી. તમારી શુભેચ્છાઓ સાથે તેમને સારું છે. તેઓ કામ કરવા અને લોકોની સેવા કરવા માટે સંપૂર્ણપણે તૈયાર છે.
2012માં તેમની બે વખત એન્જીયોપ્લાસ્ટી કરવામાં આવી હતી. 16 જુલાઈ, 2012ના રોજ, છાતીમાં દુખાવાની ફરિયાદ બાદ તેમને બાંદ્રાની લીલાવતી હોસ્પિટલમાં દાખલ કરવામાં આવ્યા હતા. તપાસમાં જાણવા મળ્યું કે તેમના હૃદયની ત્રણ મુખ્ય ધમનીઓમાંથી બેમાં 100% બ્લોકેજ હતું.
આ પછી ડોક્ટરે બે એન્જીયોપ્લાસ્ટી કરાવવાની સલાહ આપી હતી. 20 જુલાઈએ પહેલીવાર તેમની એન્જિયોપ્લાસ્ટી કરવામાં આવી હતી. ત્યારબાદ તેના હૃદયની ધમનીઓમાં આઠ સ્ટેન્ટ નાખવામાં આવ્યા હતા. આ પછી નવેમ્બર 2012માં બીજી વખત એન્જિયોપ્લાસ્ટી કરવામાં આવી હતી. આ વખતે લેફ્ટ એન્ટેરિયર ડિસેન્ડિંગ (LAD) આર્ટિલરીમાં બ્લોકેજ દૂર કરવા માટે ઓપરેશન કરવામાં આવ્યું હતું. મેડિકલ રિપોર્ટમાં જાણવા મળ્યું કે આ ધમનીમાં લગભગ 60% બ્લોકેજ હતું.
ઉદ્ધવ ઠાકરેએ 12 ઓક્ટોબરે દાદરના શિવાજી પાર્કમાં દશેરા રેલી યોજી હતી. રેલીની શરૂઆત પિતા બાળા સાહેબ ઠાકરેની તસવીર પર ફૂલ અર્પણ કરીને કરવામાં આવી હતી.
હાલમાં જ, ઉદ્ધવ ઠાકરેએ દશેરાના અવસરે એક રેલીમાં સંબોધન કર્યુ હતું અને તેમણે રાજ્યના સીએમ એકનાથ શિંદે પર નિશાન સાધ્યું હતું.
દશેરા રેલીમાં ઉદ્ધવે કહ્યું- અમે જ અસલી શિવસેના:ભાગવતનું સન્માન, પણ વિચાર પસંદ નથી; શિંદેએ કહ્યું- બળવો ન કર્યો હોત તો શિવસૈનિકોને કચડી નાખ્યા હોત
ઉદ્ધવે કહ્યું- શિવાજી મહારાજ મહાયુતિ માટે વોટબેંક છે
શનિવારે સાંજે મુંબઈમાં મુખ્યમંત્રી એકનાથ શિંદેની શિવસેના અને ઉદ્ધવ ઠાકરેની આગેવાની હેઠળની શિવસેના (UBTના દશેરા કાર્યક્રમ યોજાયો. શિંદે જૂથે દક્ષિણ મુંબઈના આઝાદ મેદાનમાં રેલી યોજી હતી, જ્યારે ઉદ્ધવ જૂથે દાદરના શિવાજી પાર્કમાં રેલી યોજી હતી.
ઉદ્ધવે કહ્યું- અમે અસલી શિવસેના છીએ અને મારી સાથે બાળાસાહેબ ઠાકરેનું નામ છે. હું RSSના વડા મોહન ભાગવતનું સન્માન કરું છું, પરંતુ મને તેમના વિચારો પસંદ નથી. તેઓ કહી રહ્યા છે કે હિન્દુત્વ બચાવવા માટે એકસાથે આવો, તમે કે મોદીએ છેલ્લા 10 વર્ષમાં હિન્દુત્વ કેમ ન બચાવ્યું.
છત્રપતિ શિવાજી મહારાજ મહાયુતિ માટે વોટબેંક છે, પરંતુ અમારા માટે તેઓ ભગવાન છે. હું દિલ્હીના આ શાસન અને ભ્રષ્ટ સરકાર સામે લડવા તૈયાર છું.
અહીં આઝાદ મેદાનમાં સીએમ શિંદેએ કહ્યું- પહેલા બધાને લાગતું હતું કે શિંદે સરકાર 2-3 મહિનામાં પડી જશે, પરંતુ સરકારે 2 વર્ષ પૂરા કર્યા. બાળા સાહેબે કહ્યું હતું કે અન્યાય સહન ન કરો. જ્યારે અન્યાય થવા લાગ્યો ત્યારે અમે બળવો કર્યો. જો અમે બળવો ન કર્યો હોત તો શિવસૈનિકોને કચડી નાખ્યા હોત. સાચા શિવસૈનિકોનું અપમાન થતું. મહારાષ્ટ્ર ઘણા વર્ષો પાછળ જતું રહ્યું હોત.
આદિત્યએ કહ્યું- આ પાર્ટીનું નામ મારા પિતા અને દાદાના નામ પર રાખતા મને ગર્વ છે. આદિત્ય ઠાકરેએ કહ્યું હતું કે તેઓ (મહાયુતિ સરકાર) માત્ર ભ્રષ્ટાચાર કરે છે, તમારે બધાએ તેને રોકવું પડશે અને અણને મત આપીને તેમને મહારાષ્ટ્રની તાકાત બતાવવી પડશે.
સંજય રાઉતે કહ્યું – હરિયાણામાં સવારે ચૂંટણીમાં, ચૂંટણી પંચની વેબસાઇટ પર કોંગ્રેસને 72 સીટો મળતી બતાવવામાં આવી હતી, પરંતુ બપોરે ભાજપે સરકાર બનાવી. આ ચમત્કાર કેવી રીતે થયો? આ માત્ર EVM છેતરપિંડી છે અને બીજું કંઈ નથી, પરંતુ મહારાષ્ટ્રની ચૂંટણીમાં આવું નહીં થાય.
