16 મિનિટ પેહલા
- કૉપી લિંક
સોશિયલ મીડિયા પર નેશનલ હાઈવે NH 44ના નામે કેબલ બ્રિજનો વીડિયો વાઇરલ થઈ રહ્યો છે. વીડિયો સાથે દાવો કરવામાં આવી રહ્યો છે કે આ કેબલ બ્રિજ જમ્મુ-કાશ્મીરના નેશનલ હાઈવે NH 44નો છે. આ વિડિયો X પર ઘણા વેરિફાઇડ અને નોન-વેરિફાઇડ યૂઝર્સ દ્વારા શેર કરવામાં આવ્યો છે.
- એક્સપ્લોર ભારત નામના વેરિફાઈડ X હેન્ડલ દ્વારા આ જ દાવા સાથે આ વીડિયો શેર કરવામાં આવ્યો હતો. જેના કેપ્શનમાં લખ્યું છે- જમ્મુ કાશ્મીર NH 44, જય હિંદ. એક્સપ્લોર ભારત દ્વારા શેર કરવામાં આવેલ વીડિયોને અત્યાર સુધીમાં 1.2 મિલિયન એટલે કે 12 લાખથી વધુ લોકોએ જોયો છે. તે જ સમયે 14 હજારથી વધુ લોકોએ આ વીડિયોને લાઇક કર્યો છે અને 2 હજારથી વધુ લોકોએ તેને રીટ્વીટ કર્યો છે. ( આર્કાઇવ )
- પ્રિયંકા પાંડે નામના એક યૂઝરે લખ્યું- જમ્મૂ-કાશ્મીરમાં વિકાસ જુઓ NH 44, અખંડ ભારત. ( આર્કાઇવ )
- આ દાવા અને કેપ્શન સાથે એક અન્ય વેરિફાઇડ યૂઝરે પણ આ વીડિયો શેર કર્યો. ( આર્કાઇવ )
વાઇરલ વિડિયોનું સત્ય…
વાઇરલ વિડિયો વિશે સત્ય જાણવા માટે, અમે ગૂગલ પર તેના કી ફ્રેમને રિવર્સ સર્ચ કર્યા. સર્ચ કરવા પર અમને ચીનના ન્યૂઝ પ્લેટફોર્મ CGTNની YouTube ચેનલ પર કેબલ બ્રિજનો બીજો વીડિયો મળ્યો.
ચેનલના જણાવ્યા અનુસાર, બીપાંજિયાંગ બ્રિજ આ કેબલ બ્રિજ ચીનના હુનાન પ્રાંતમાં આવેલો છે. આ પુલ જમીનથી 1100 ફૂટથી વધુ ઊંચો અને 3800 ફૂટથી વધુ લાંબો છે. તે બે પર્વતીય ટનલને જોડે છે. આ પુલની એક તરફ ચાડોંગ ટાઉન છે અને બીજી તરફ જીશોઉ શહેર છે.
બીપાંજિયાંગ બ્રિજનું નિર્માણ કાર્ય 2007 માં શરૂ થયું હતું અને 2011 માં પૂર્ણ થયું હતું. તે જ સમયે, તેને 2012 માં લોકો માટે ખોલવામાં આવ્યો હતો. આ પુલનું નામ વિશ્વના સૌથી લાંબા પુલ તરીકે ગિનિસ વર્લ્ડ રેકોર્ડમાં સામેલ કરવામાં આવ્યું છે. તપાસ દરમિયાન અમને આ પુલ સાથે સંબંધિત ઘણા આંતરરાષ્ટ્રીય મીડિયા અહેવાલો પણ મળ્યા. સમાચારની લિંક…
જેથી સ્પષ્ટ છે કે સોશિયલ મીડિયા પર વાઇરલ વીડિયોમાં જે દાવો કરવામાં આવી રહ્યો છે તે સંપૂર્ણપણે ખોટો છે. આ પુલ જમ્મુ-કાશ્મીરમાં નહીં પરંતુ ચીનમાં આવેલો છે.
નકલી સમાચાર સામે અમારી સાથે જોડાઓ. જો તમને કોઈપણ માહિતી અંગે કોઈ શંકા હોય તો કૃપા કરીને અમને @[email protected] ઈમેલ કરો અને WhatsApp- 9201776050 કરો