2 કલાક પેહલા
- કૉપી લિંક
7 સપ્ટેમ્બર શનિવારથી ગણેશ ઉત્સવનો પ્રારંભ થઈ રહ્યો છે. આ ઉત્સવ 17 સપ્ટેમ્બર સુધી ચાલશે. એવું માનવામાં આવે છે કે ભગવાન ગણેશ ભાદરવા મહિનાની શુક્લ ચતુર્થીના દિવસે પ્રગટ થયા હતા. આ કારણથી દર વર્ષે આ તિથિએ દરેક ઘરમાં ગણેશજીની મૂર્તિ સ્થાપિત કરવામાં આવે છે અને અનંત ચતુર્દશી સુધી વિશેષ પૂજા કરવામાં આવે છે. માટીની મૂર્તિ ઘરમાં સ્થાપિત કરવી શ્રેષ્ઠ છે. પીઓપીની મૂર્તિઓ સ્થાપિત કરવાનું ટાળવું જોઈએ.
ગણેશ ઉત્સવ શરૂ થવામાં હજુ થોડા દિવસો બાકી છે, તેથી જો તમે ઉત્સવની શરૂઆતના થોડા દિવસો પહેલા ભગવાનની મૂર્તિ બનાવશો તો તેને સૂકવવા માટે પૂરતો સમય મળશે. એકવાર મૂર્તિ સુકાઈ જાય, તમે તેને તમારી પસંદગીના રંગોથી સજાવી શકો છો.
જાણો ભગવાન ગણેશની મૂર્તિ ઘરે બનાવવાની સરળ રીત…
ભગવાન ગણેશની સ્થાપના કરતી વખતે આ વાતોનું ધ્યાન રાખો
ઉજ્જૈનના જ્યોતિષ પં. મનીષ શર્મા અનુસાર, ગણેશ મૂર્તિની સ્થાપના પૂર્વ અથવા ઉત્તર-પૂર્વ દિશામાં કરવી જોઈએ. ભગવાન ગણેશની મૂર્તિને દક્ષિણ અને દક્ષિણ-પશ્ચિમ દિશામાં સ્થાપિત કરવાનું ટાળો.
ઘરમાં ભગવાન ગણેશની મૂર્તિ એવી જગ્યાએ ન લગાવવી કે જ્યાંથી ભગવાનની પીઠ દેખાતી હોય. એવું માનવામાં આવે છે કે ભગવાન ગણેશની પીઠ પર ગરીબીનો વાસ હોય છે, જે લોકો ભગવાન ગણેશની પીઠના દર્શન કરે છે તેમને ગરીબીનો સામનો કરવો પડી શકે છે.
ઘરમાં માટીની જ મૂર્તિ સ્થાપિત કરવી જોઈએ. દસ દિવસ પછી આનંદ ચતુર્દશીના દિવસે ભગવાન ગણેશની મૂર્તિનું ઘરમાં વિસર્જન કરો.
