અમુક પળો પેહલા
- કૉપી લિંક
આજે મહાશિવરાત્રિ (8 માર્ચ) છે. એવું માનવામાં આવે છે કે આ દિવસે ભગવાન શિવ શિવલિંગમાં ભગવાન બ્રહ્મા અને ભગવાન વિષ્ણુ સમક્ષ પ્રગટ થયા હતા. બીજી માન્યતા અનુસાર આ દિવસે શિવ અને પાર્વતીના વિવાહ થયા હતા. આ તહેવાર પર ભગવાન શિવની પૂજા કરવાની અને તેમના મંદિરોમાં જવાની પરંપરા છે.
ઉજ્જૈનના જ્યોતિષ પં. મનીષ શર્માના જણાવ્યા અનુસાર જે લોકો પોતાના ઘરમાં શિવલિંગની સ્થાપના કરવા માગે છે તેમના માટે મહાશિવરાત્રિનો દિવસ ખૂબ જ શુભ છે. આજે ઘરમાં શિવલિંગની સ્થાપના કરી શકાય છે, પરંતુ શિવલિંગના કદ અને ધાતુ સાથે જોડાયેલી કેટલીક બાબતોનું ધ્યાન રાખો…
ઘરમાં કેટલું મોટું શિવલિંગ સ્થાપિત કરવું જોઈએ?
જો તમે ઘરમાં શિવલિંગ સ્થાપિત કરવા માગો છો તો શિવલિંગના કદ પર વિશેષ ધ્યાન આપવું જોઈએ. મોટા શિવલિંગની સ્થાપના મોટા મંદિરોમાં જ કરવી જોઈએ. ઘર માટે નાનું શિવલિંગ શુભ હોય છે.
શિવપુરાણમાં કહેવામાં આવ્યું છે કે ઘરમાં હાથના અંગૂઠાના પહેલા ભાગ કરતાં પણ મોટું શિવલિંગ રાખવાનું ટાળવું જોઈએ.
શિવલિંગની સાથે ગણેશજી, દેવી પાર્વતી, કાર્તિકેય સ્વામી અને નંદીની નાની મૂર્તિઓ પણ રાખો.
શિવ પરિવાર સાથે મળીને પૂજા કરવાથી પૂજાનું ફળ ઝડપથી પ્રાપ્ત થઈ શકે છે.
ઘરના મંદિરની આસપાસ સ્વચ્છતાનું ખાસ ધ્યાન રાખવું જોઈએ. દરરોજ સવાર-સાંજ શિવલિંગ પાસે દીવો પ્રગટાવવો જોઈએ. પૂજા કરો. બિલ્વના પાન અર્પણ કરો. દરરોજ ભગવાનને ભોજન અર્પણ કરો.
શિવલિંગ માટે કઈ ધાતુઓ શુભ છે?
માટી, પથ્થર, સોના, ચાંદી અને પિત્તળથી બનેલા શિવલિંગ પૂજા માટે ખૂબ જ શુભ હોય છે. આપણે શિવલિંગની ધાતુની પસંદગી આપણી શ્રદ્ધા અને ક્ષમતા અનુસાર કરવી જોઈએ.
આ ધાતુઓ સિવાય સ્ફટિક અને પારાના બનેલા શિવલિંગ પણ પૂજા માટે ખૂબ જ શુભ છે.
ધ્યાનમાં રાખો કે એલ્યુમિનિયમ, લોખંડ અથવા સ્ટીલથી બનેલા શિવલિંગની પૂજા કરવાનું ટાળવું જોઈએ. આ ધાતુઓને પૂજા માટે શુભ માનવામાં આવતી નથી.
શિવલિંગ તૂટી જાય તો શું કરવું જોઈએ?
શિવલિંગને ભગવાન શિવનું નિરાકાર સ્વરૂપ માનવામાં આવે છે. નિરાકાર એટલે કે શિવલિંગનો કોઈ ખાસ આકાર નથી. શિવલિંગ તૂટી જાય તો પણ પૂજાપાત્ર છે.
ધ્યાન રાખો કે જો ભગવાન શિવની મૂર્તિ તૂટી જાય તો તેને મંદિરમાંથી હટાવી દેવી જોઈએ. તૂટેલી મૂર્તિઓની પૂજા કરવાનું ટાળવું જોઈએ.
