આવતી કાલે રામનવમી: દાન, દીવો અને ઉપવાસની પરંપરા, જાણો પૂજાનાં મુહૂર્ત અને પૂજન વિધિની રીત

રવિવારે એટલે કે આવતી કાલે રામનવમી છે. આ દિવસે પૂજા માટેનો શુભ સમય લગભગ અઢી કલાકનો રહેશે. રામજન્મ બપોરના સમયે થયો હતો, તેથી પૂજાનો શુભ સમય સવારે 11 વાગ્યાથી શરૂ થશે. જન્મજયંતિ નિમિત્તે, રામ મંદિરના પૂજારી સંતોષ તિવારી ઘરે રામ નવમી પૂજા કેવી રીતે કરવી તે જણાવે છે.

શ્રીરામના મહત્ત્વપૂર્ણ મંત્રો અને તેમના અર્થ

आपदामपहर्तार दातारं सर्वसंपदाम्। लोकाभिरामं श्रीरामं भूयो भूयो नमाम्यहम्।। અર્થ: સૌથી સુંદર મારા આરાધ્ય શ્રીરામને હું વારંવાર નમન કરું છું. શ્રીરામ બધી આફતો દૂર કરે છે અને આપણને સુખ અને શાંતી પ્રદાન કરે છે.

रामाय रामभद्राय रामचंद्राय वेदसे। रघुनाथाय नाथाय सीताया: पतये नम:।। અર્થ: રામ, રામભદ્ર, રામચંદ્ર, રઘુનાથ અને સીતાજીના સ્વામીને હું નમસ્કાર કરું છું.

ऊँ दशारथाय विद्महे सीतावल्लभाय धीमहि तन्नो राम: प्रचोदयात्। અર્થ: રાજા દશરથના પુત્ર, સીતાજીના સ્વામી શ્રીરામનું આપણે ધ્યાન કરીએ છીએ. ભગવાન આપણને સારા કાર્યો કરવા માટે પ્રેરણા આપે.

ऊँ रां रामाय नम:।। અર્થ: આ મંત્રનો અર્થ છે કે આપણે શ્રીરામને નમસ્કાર કરીએ છીએ.

राम रामेति रामेति, रमे रामे मनोरमे। सहस्रनाम तत्तुल्यं रामनाम वरानने।। અર્થ: શિવ દેવી પાર્વતીને કહે છે- રામ નામ એટલું સુંદર છે કે આપણે તેમાં લીન થઈ જઈએ છીએ. હે પાર્વતી, હજારો નામોની સામે આ એક જ રામ નામ છે.

શ્રીરામના 5 પ્રાચીન મંદિરો ભગવાન રામ તેમના જીવનકાળ દરમિયાન જ્યાં જ્યાંથી પસાર થયા હતા તે બધા સ્થળોએ એક મંદિર અથવા સ્મારક છે. આ 5 મંદિરો રામાયણ અને મહાભારત કાળ સાથે સંબંધિત છે. જે રામના સૌથી જૂના મંદિરોમાં ગણાય છે.