11મી ડિસેમ્બરે બુધવાર અને એકાદશીનો સંયોગ: મોક્ષદા એકાદશી પર ભગવાન ગણેશ અને શ્રીકૃષ્ણની પૂજા કરો, શ્રીમદ ભગવદ ગીતાનો પાઠ કરો

બુધવાર, 11 ડિસેમ્બર માગશર શુક્લ એકાદશી છે, તેને મોક્ષદા એકાદશી કહેવામાં આવે છે, આ તિથિએ ગીતા જયંતિ ઉજવવામાં આવે છે. ગીતા એકમાત્ર એવો ગ્રંથ છે જેની જન્મજયંતિ ઉજવવામાં આવે છે. એવું માનવામાં આવે છે કે દ્વાપર યુગમાં મહાભારતના યુદ્ધની શરૂઆતના થોડા સમય પહેલા ભગવાન શ્રીકૃષ્ણએ માગશર શુક્લ એકાદશીના રોજ અર્જુનને ગીતાનો ઉપદેશ આપ્યો હતો. આ દિવસે પવિત્ર ગ્રંથ ગીતાનું દાન કરવું જોઈએ, જેથી અન્ય લોકો પણ આ પુસ્તક વાંચી શકે અને ગીતાના કારણે તેમના જીવનમાં સુખ-શાંતિ આવે.

શ્રીમદ ભગવદ્ ગીતા ગ્રંથનું મહત્ત્વ ઘણું વધારે છે, કારણ કે આ ગ્રંથ સ્વયં ભગવાન શ્રીકૃષ્ણના મુખમાંથી પ્રગટ થયો છે. ગીતામાં ભગવાને અર્જુનને આપેલા ઉપદેશને કારણે અર્જુનની શંકા દૂર થઈ અને તે યુદ્ધ માટે તૈયાર થઈ ગયો. આજે પણ જે લોકો ગીતાનો પાઠ કરે છે, તેમના તમામ દુ:ખ અને શંકાઓ દૂર થાય છે અને તેમના મનને શાંતિ મળે છે.

ઉજ્જૈનના જ્યોતિષ પં. મનીષ શર્માના જણાવ્યા અનુસાર બુધવાર અને એકાદશીના સંયોગમાં ભગવાન વિષ્ણુ તેમજ ભગવાન ગણેશ અને શ્રી કૃષ્ણની વિશેષ પૂજાની શુભ સંભાવના છે. બુધવારના સ્વામી ગણેશ છે, એકાદશી તિથિના સ્વામી વિષ્ણુ માનવામાં આવે છે અને આ એકાદશી પર શ્રી કૃષ્ણએ ગીતાનો ઉપદેશ આપ્યો હતો, તેથી અગિયારસે આ ત્રણેય દેવતાઓની પૂજા કરો.

આ શુભ કાર્ય પણ એકાદશી પર કરો