સ્પોર્ટ્સ ડેસ્ક5 કલાક પેહલા
- કૉપી લિંક
દિલ્હી કેપિટલ્સ (DC)ના કેપ્ટન રિષભ પંતને 12 લાખ રૂપિયાનો દંડ ફટકાર્યો છે. રવિવારે વિશાખાપટ્ટનમમાં ચેન્નઈ સુપર કિંગ્સ (CSK) સામે રમાયેલી મેચ બાદ પંત પર આ દંડ લગાવવામાં આવ્યો હતો. પંતને સ્લો ઓવર રેટ માટે દોષિત ઠેરવવામાં આવ્યો છે. ઈન્ડિયન પ્રીમિયર લીગ (IPL)એ સોમવારે આ જાણકારી આપી.
ઈન્ડિયન પ્રીમિયર લીગ (IPL)ની 17મી સિઝનમાં રવિવારે દિલ્હી કેપિટલ્સે પ્રથમ જીત મેળવી હતી. ટીમે ડિફેન્ડિંગ ચેમ્પિયન અને ચેન્નઈ સુપર કિંગ્સ (CSK)ને હરાવ્યું, જેણે પ્રથમ 2 મેચ જીતી હતી. વિશાખાપટ્ટનમમાં દિલ્હીનો 20 રને વિજય થયો હતો. આ મેચ બાદ DC કેપ્ટન રિષભ પંતને સ્લો ઓવર રેટ માટે 12 લાખ રૂપિયાનો દંડ ફટકારવામાં આવ્યો હતો.
રિષભ પંતની કેપ્ટનશિપની દિલ્હી કેપિટલ્સે રવિવારે ચેન્નઈ સુપર કિંગ્સને 20 રને હરાવ્યું હતું. CSKના કેપ્ટન ઋતુરાજ ગાયકવાડ સાથે પંત (જમણે)નો આ ફોટો એ જ મેચનો છે.
IPLએ માહિતી આપી
IPLએ એક મીડિયા રિલીઝમાં જણાવ્યું હતું કે, 31 માર્ચે વિશાખાપટ્ટનમના ડો. વાયએસ રાજશેખરા રેડ્ડી સ્ટેડિયમમાં CSK સામે રમાયેલી મેચમાં સ્લો ઓવર રેટના કારણે દિલ્હી કેપિટલ્સના કેપ્ટન રિષભ પંતને દંડ ફટકારવામાં આવ્યો છે. આ સિઝનમાં ટીમની આ પહેલી ભૂલ હતી, તેથી IPLની આચાર સંહિતા અનુસાર ન્યૂનતમ દંડ આપવામાં આવ્યો છે. પંતને 12 લાખ રૂપિયાનો દંડ ફટકારવામાં આવ્યો છે.
આ સિઝનમાં ગિલને દંડ પણ ફટકારવામાં આવ્યો છે
IPLની આ સિઝનની 7મી મેચમાં ગુજરાત ટાઇટન્સ (GT)ના કેપ્ટન શુભમન ગિલને ચેન્નઈ સુપર કિંગ્સ (CSK) સામેની મેચમાં દંડ ફટકારવામાં આવ્યો હતો. સ્લો ઓવર રેટના કારણે ટીમના કેપ્ટન ગિલને 12 લાખ રૂપિયાનો દંડ પણ ફટકારવામાં આવ્યો હતો. આ મેચમાં ચેન્નઈએ ગુજરાત ટાઇટન્સ (GT) ને 63 રને હરાવ્યું હતું. ચેપોક સ્ટેડિયમમાં ગુજરાતે ટૉસ જીતીને ફિલ્ડીંગ પસંદ કરી હતી. પ્રથમ બેટિંગ કરતા ચેન્નઈએ 20 ઓવરમાં 6 વિકેટે 206 રન બનાવ્યા હતા. 207 રનના લક્ષ્યાંકનો ચેઝ કરતા ગુજરાત 20 ઓવરમાં 8 વિકેટે 143 રન જ બનાવી શક્યું હતું.
