સરળ સ્વભાવના સચિન તેંડુલકરે રસ્તા પર ફેનનો પીછો કર્યો: માસ્ટર બ્લાસ્ટરે એરપોર્ટનો રસ્તો પૂછવાના બહાને ચાહકને સરપ્રાઇઝ આપી

ક્રિકેટની દુનિયાના ભગવાન ગણાતા સચિન તેંડુલકર પોતાના સરળ સ્વભાવ માટે પણ જાણીતા છે. સચિને પોતાના એક ફેનને રસ્તા પર મળીને તેને સરપ્રાઇઝ આપી. આ ઘટનાનો વીડિયો ખુદ સચિન તેંડુલકરે પોતાના એક્સ એકાઉન્ટ પર શેર કર્યો છે. ઘટના કંઇક એવી હતી કે સચિન પોતાના ડ્રાઇવર સાથે કારમાં જઇ રહ્યા હતા ત્યારે તેની કારની આગળ એક વ્યક્તિ વાહન પર જઇ રહ્યો હતો. જેણે સચિનની 10 નંબરની જર્સી પહેરી હતી અને તેના પર લખેલું હતું મિસ યુ સચિન. આ જોઇને સચિનને અંદાજો આવી ગયો કે આગળ જઇ રહેલો વ્યક્તિ તેનો ફેન છે પછી સચિન થોડે સુધી પોતાની કારમાં તેની પાછળ-પાછળ ગયા અને આગળ જઇને એરપોર્ટ જવાનો રસ્તો પૂછવાના બહાને તેને ઊભો રાખી સરપ્રાઇઝ આપી હતી.