Related posts
પેરિસ3 મિનિટ પેહલા
- કૉપી લિંક
અમન સેહરાવત પેરિસ ઓલિમ્પિકની મેન્સ 57 કિગ્રા ફ્રી સ્ટાઇલની ક્વાર્ટર ફાઇનલમાં પહોંચી ગયો છે. તેણે રાઉન્ડ ઓફ 16માં મેસેડોનિયાના વ્લાદિમીર એગોરોવને 10-0થી હરાવ્યો. ગોલ્ફ વુમન્સ ઈન્ડિવિજ્યુઅલ ઈવેન્ટ શરૂ છે.
‘ધ મેન વિથ ગોલ્ડન આર્મ’ તરીકે જાણીતા નીરજ ચોપરા આજે પેરિસ ઓલિમ્પિકમાં મેન્સ જેવલિન થ્રો ઈવેન્ટની ફાઇનલમાં ભાગ લેશે. 26 વર્ષીય નીરજે બે દિવસ પહેલા ક્વોલિફિકેશનમાં તેના પ્રથમ પ્રયાસમાં 89.34 મીટર ભાલો ફેંક્યો હતો અને પ્રથમ સ્થાન મેળવ્યું હતું. આવી સ્થિતિમાં ભારત તેની પાસેથી ગોલ્ડ મેડલની અપેક્ષા રાખશે.
નીરજ ચોપરાની ઈવેન્ટ રાતે 11:55 વાગ્યાથી થશે. મેચમાં નીરજને ગ્રેનાડાના એન્ડરસન પીટર્સ, જર્મનીના જુલિયન વેબર અને પાકિસ્તાનના અહેમદ નદીમ જેવા પડકારોનો સામનો કરવો પડશે.
ગુરુવારે પેરિસમાં ચાલી રહેલી ગેમ્સમાં ભારત 2 મેડલ ઇવેન્ટમાં ભાગ લેશે. પ્રથમ- જેવલિન થ્રો અને દ્વિતીય- પુરુષોની હોકી.
લાઈવ અપડેટ્સ
17 મિનિટ પેહલા
- કૉપી લિંક
અંશુ પ્રી-ક્વાર્ટર ફાઇનલમાં હારી
અંશુ મલિક વુમન્સની 57 કિગ્રા વર્ગની પ્રી-ક્વાર્ટર ફાઇનલમાં હારીને બહાર થઈ ગઈ હતી. તેને અમેરિકાની હેલેન લુઈસ મેરોલીસ સામે 7-2થી હારનો સામનો કરવો પડ્યો હતો. જો હેલેન ફાઇનલમાં પહોંચશે તો અંશુ બ્રોન્ઝ મેડલ મેચ માટે રેપેચેજ રાઉન્ડ રમશે.
28 મિનિટ પેહલા
- કૉપી લિંક
અમન ક્વાર્ટર ફાઇનલમાં પહોંચ્યો
21 વર્ષીય અમન મેન્સ 57 કિગ્રા ફ્રી સ્ટાઇલની ક્વાર્ટર ફાઇનલમાં પહોંચી ગયો છે. તેણે રાઉન્ડ ઓફ 16માં મેસેડોનિયાના વ્લાદિમીર એગોરોવને 10-0થી હરાવ્યો. પેરિસ ઓલિમ્પિક માટે ક્વોલિફાય થનાર તે એકમાત્ર પુરુષ કુસ્તીબાજ છે.
28 મિનિટ પેહલા
- કૉપી લિંક
અમન સેહરાવતની મેચ શરૂ
ભારતના અમન સેહરાવતનો મુકાબલો મેન્સ 57 કિગ્રા વર્ગની પ્રી-ક્વાર્ટર ફાઇનલમાં મેસેડોનિયાના વ્લાદિમીર એગોરોવનો સામે શરૂ છે.
29 મિનિટ પેહલા
- કૉપી લિંક
100 મીટર હર્ડલ્સ: જ્યોતિ યારાજી ચોથા સ્થાને રહી
જ્યોતિ યારાજીએ મહિલાઓની 100 મીટર હર્ડલ્સના રિપેચેજ રાઉન્ડમાં 13.17 સેકન્ડના સમય સાથે ચોથું સ્થાન મેળવ્યું હતું. આ રાઉન્ડમાં 3 હીટ બનાવી હતી. જ્યોતિ હીટ-1માં હતી. અહીં તેણે ચોથા સ્થાને રેસ પૂરી કરી. દરેક હીટમાંથી ટોચના બે ખેલાડીઓ સેમિફાઇનલમાં પહોંચે છે.
30 મિનિટ પેહલા
- કૉપી લિંક
એક સવાલ… શું નીરજ સતત બીજો ગોલ્ડ જીતવામાં સફળ થશે?
નીરજ ચોપરા ડિફેન્ડિંગ ચેમ્પિયન તરીકે પ્રવેશ કરી રહ્યો છે. 140 કરોડથી વધુ ભારતીય ચાહકો નીરજ પાસેથી ગોલ્ડ મેડલની આશા રાખી રહ્યા છે. આવી સ્થિતિમાં સવાલ એ છે કે શું તેઓ ટોકિયોના પ્રદર્શનનું પુનરાવર્તન કરી શકશે.
જો તે આજે જીતશે તો નીરજ સતત બે ઓલિમ્પિક ગોલ્ડ જીતનાર પ્રથમ ભારતીય ખેલાડી બની જશે. દુનિયાભરના જેવલિન થ્રોઅરની વાત કરીએ તો, અત્યાર સુધીમાં માત્ર 4 જેવલિન ફેંકનારાઓ પોતાનો ગોલ્ડ બચાવી શક્યા છે. તેમાંથી, માત્ર એરિક લેમિંગ (સ્વીડન 1908 અને 1912), જોની માયરા (ફિનલેન્ડ 1920 અને 1924), ચોપરાના આદર્શ જાન ઝેલેન્જી (ચેક રિપબ્લિક 1992 અને 1996) અને એન્ડ્રેસ ટી (નોર્વે 2004 અને 2008) જ બે ઓલપિક ગોલ્ડ જીતી શક્યા છે.
33 મિનિટ પેહલા
- કૉપી લિંક
નીરજનું કરન્ટ ફોર્મ
આ વર્ષે 3 ટુર્નામેન્ટમાં ભાગ લીધો, 2માં ગોલ્ડ જીત્યો. ઓલિમ્પિક ચેમ્પિયન નીરજ ચોપરા આ વર્ષે માત્ર 3 ટુર્નામેન્ટ રમ્યો છે અને ત્રણેયમાં મેડલ જીત્યો છે. આ વર્ષે તેણે દોહા ડાયમંડ લીગમાં સિલ્વર મેડલ, નેશનલ ફેડરેશન કપમાં ગોલ્ડ મેડલ અને પાવો નુર્મી ગેમ્સમાં ગોલ્ડ મેડલ જીત્યો છે.
34 મિનિટ પેહલા
- કૉપી લિંક
4. સ્પર્ધક
એન્ડરસન પીટર્સ: 2 દિવસ પહેલા 88.63m સ્કોર કર્યો હતો. આ તેનો સિઝન બેસ્ટ છે. ક્વોલિફિકેશનમાં તે નંબર-2 રહ્યો. બે વખત વર્લ્ડ ચેમ્પિયન છે. ઓરેગોને 2022ની સિઝનમાં નીરજને હરાવીને ગોલ્ડ જીત્યો હતો. ગ્રેનાડાના પીટર્સનો ઓલટાઈમ બેસ્ટ 93.07 મીટર છે.
જુલિયન વેબરઃ જર્મનીના જુલિયન 87.76 મીટરનો ભાલો ફેંકીને ફાઇનલમાં જગ્યા બનાવી છે. તે ત્રીજા ક્રમે રહ્યો.
અરશદ નદીમ: ક્વોલિફિકેશનમાં 86.59 મીટરનો સ્કોર કર્યો, જે સિઝનનું સર્વશ્રેષ્ઠ પ્રદર્શન છે. પાકિસ્તાની સ્ટારે ગયા વર્ષે વર્લ્ડ ચેમ્પિયનશિપમાં સિલ્વર અને કોમનવેલ્થ ગેમ્સ 2022માં ગોલ્ડ મેડલ જીત્યો હતો.
જેકબ વડલેજચ: વર્લ્ડ નંબર 1 વડલેજ ડાયમંડ લીગનો ડિફેન્ડિંગ ચેમ્પિયન છે. નીરજનો ત્યાં પરાજય થયો. તે પેરિસની ક્વોલિફિકેશનમાં 85.63 મીટરનો સ્કોર કરીને નંબર-7 પર રહ્યો હતો. ટોક્યોમાં સિલ્વર મળ્યો હતો.
39 મિનિટ પેહલા
- કૉપી લિંક
મેન્સ હોકી ટીમ બ્રોન્ઝ મેડલ મેચ રમશે
મેન્સ હોકીની બ્રોન્ઝ મેડલ મેચમાં ભારતનો મુકાબલો સ્પેન સામે થશે. સેમિફાઇનલમાં ભારતીય ટીમને જર્મની દ્વારા 3-2થી હાર મળી હતી, જ્યારે સ્પેનને નેધરલેન્ડ્સ દ્વારા 4-0થી હાર મળી હતી. જો ભારતીય ટીમ સ્પેનને હરાવશે તો તે ઓલિમ્પિક ગેમ્સમાં સતત બીજો મેડલ જીતશે.
સેમિફાઇનલમાં હાર્યા બાદ ભારતીય ખેલાડીઓ નિરાશ થયા હતા.
