અર્જુન તેંડુલકરે તરખાટ મચાવ્યો: ગોવાને ઇનિંગ્સ અને 189 રનથી જીત અપાવી; કર્ણાટકમાં ડોમેસ્ટિક ક્રિકેટ રમી રહ્યો છે

સચિન તેંડુલકરના પુત્ર અર્જુન તેંડુલકરે ડોમેસ્ટિક મેચમાં 9 વિકેટ ઝડપી છે. કર્ણાટક ઇન્વિટેશનલ ટુર્નામેન્ટમાં ગોવા તરફથી રમતા અર્જુને પ્રથમ ઇનિંગમાં 5 અને બીજી ઇનિંગમાં 4 વિકેટ ઝડપી હતી. તેના પ્રદર્શનની મદદથી ગોવાએ કર્ણાટક-11 સામે ઇનિંગ્સ અને 189 રનથી જીત મેળવી હતી.

રણજી ટ્રોફીની નવી સિઝનની શરૂઆત પહેલા અર્જુને પોતાના પ્રદર્શનથી બધાને ચોંકાવી દીધા છે. ડોમેસ્ટિક ક્રિકેટને ધ્યાનમાં રાખીને કર્ણાટકે આમંત્રિત ટુર્નામેન્ટનું આયોજન કર્યું છે.

કર્ણાટકના નિકિન જોશ ખેલ કેપ્ટન થિમ્મપ્પિયા મેમોરિયલ ટુર્નામેન્ટમાં કર્ણાટક-11 અને ગોવા વચ્ચે મેચ રમાઈ હતી. ગોવાએ તેની સંપૂર્ણ તાકાતની ટીમને મેદાનમાં ઉતારી, જ્યારે કર્ણાટક અંડર-19 અને અંડર-23 ખેલાડીઓને તક આપી. તેમાંથી નિકિન જોશ અને વિકેટકીપર શરથ શ્રીનિવાસ જ બે સિનિયર ખેલાડીઓ હતા.

પ્રથમ દાવમાં 5 વિકેટ ઝડપી અર્જુને 2 ઇનિંગ્સમાં 26.3 ઓવર નાંખી અને 87 રન આપીને 9 વિકેટ લીધી. પ્રથમ દાવમાં તેણે 13 ઓવર નાંખી અને માત્ર 41 રન આપ્યા અને 5 વિકેટ લીધી. જેના કારણે કર્ણાટક માત્ર 103 રન બનાવી શક્યું હતું. જવાબમાં ગોવાએ અભિનવ તેજરાનાની સદી અને મંથન ખુટકરની ફિફ્ટીના આધારે 413 રન બનાવ્યા હતા.

અર્જુન તેંડુલકરે પ્રથમ દાવમાં 5 અને બીજી ઇનિંગમાં 4 વિકેટ ઝડપી હતી.

કર્ણાટક બીજા દાવમાં માત્ર 121 રન જ બનાવી શકી 310 રનથી પાછળ પડ્યા બાદ કર્ણાટક-11 બીજા દાવમાં પણ કંઈ ખાસ કરી શકી ન હતી. ટીમ 30.4 ઓવરમાં 121 રન જ બનાવી શકી હતી. આ વખતે અર્જુને 13.3 ઓવરમાં 46 રન આપીને 4 વિકેટ ઝડપી હતી.

અર્જુન આ મહિને 25 વર્ષનો થશે અર્જુન તેંડુલકર 24 સપ્ટેમ્બરે 25 વર્ષનો થશે. તેણે મુંબઈ માટે ડોમેસ્ટિક ક્રિકેટ રમવાનું શરૂ કર્યું, પરંતુ ઘણી તકો ન મળવાને કારણે તેણે ગોવા માટે રમવાનું શરૂ કર્યું. તેણે IPLમાં મુંબઈ ઈન્ડિયન્સ માટે 5 મેચ રમી છે.

અર્જુન તેંડુલકર મુંબઈ માટે IPL અને ડોમેસ્ટિક ક્રિકેટ રમી ચૂક્યો છે.

સિનિયર લેવલ પર અર્જુને 49 મેચમાં 68 વિકેટ લીધી છે. તેના નામે 13 ફર્સ્ટ ક્લાસ મેચમાં 21 વિકેટ છે. તેની શરૂઆતની કારકિર્દીમાં, અર્જુનને યુવરાજ સિંહના પિતા યોગરાજ સિંહે તાલીમ આપી હતી. તે ઓક્ટોબરમાં શરૂ થનારી રણજી ટ્રોફીમાં ગોવા તરફથી રમતા જોવા મળશે.