બુલાવાયો ટેસ્ટ: રહમત શાહની ડબલ સેન્ચુરી: કેપ્ટન શાહિદી સાથે 361 રનની ભાગીદારી કરી; ત્રીજા દિવસે અફઘાનિસ્તાને એકપણ વિકેટ ગુમાવી નહીં

રહમત શાહે કારકિર્દીની પ્રથમ બેવડી સદી ફટકારી હતી.

રહેમત શાહે બુલાવાયો ટેસ્ટમાં અફઘાનિસ્તાન માટે બેવડી સદી ફટકારી હતી. તેણે કેપ્ટન હશમતુલ્લાહ શાહિદી સાથે ત્રીજી વિકેટ માટે 361 રનની ભાગીદારી કરી, બંને હજુ પણ અણનમ છે. તેમની બંને ઇનિંગ્સની મદદથી ટીમે ત્રીજા દિવસની રમતના અંતે 425 રન બનાવ્યા હતા.

મજબૂત ભાગીદારી છતાં અફઘાનિસ્તાનની ટીમ ઝિમ્બાબ્વેના પ્રથમ દાવના સ્કોરથી 161 રન પાછળ છે. ઝિમ્બાબ્વેએ પ્રથમ ઇનિંગમાં 586 રન બનાવ્યા હતા, ટીમના 3 ખેલાડીઓએ સદી ફટકારી હતી.

અફઘાનિસ્તાને ત્રીજા દિવસે એક પણ વિકેટ ગુમાવી નહીં શનિવારે અફઘાનિસ્તાને ટેસ્ટના ત્રીજા દિવસની શરૂઆત 95/2ના સ્કોરથી કરી હતી. રહમત શાહે 49 અને શાહિદીએ 16 રનના સ્કોર સાથે પોતાની ઇનિંગ આગળ ધપાવી હતી. બંનેએ આખો દિવસ બેટિંગ કરી અને ટીમની વિકેટ પડવા દીધી નહીં.

રહમત શાહ અને હશમતુલ્લાહ શાહિદીએ 361 રનની ભાગીદારી કરી હતી.

રહમત શાહની બેવડી સદી પ્રથમ બે વિકેટ વહેલી પડી ગયા બાદ રહમત અને શાહિદીએ સાવધાનીપૂર્વક બેટિંગ કરી હતી. ત્રીજા દિવસે પિચ બેટિંગ માટે અનુકૂળ હતી. બંનેએ આનો ફાયદો ઉઠાવ્યો અને ટીમનો સ્કોર 400ની પાર પહોંચાડ્યો. રહમતે 371 બોલમાં બેવડી સદી ફટકારી હતી, તેણે ઈનિંગમાં 23 ચોગ્ગા અને 3 છગ્ગા ફટકાર્યા હતા. તે 231 રન બનાવીને નોટઆઉટ રહ્યો હતો.

રહમત શાહે પોતાની ટેસ્ટ કારકિર્દીની પ્રથમ ડબલ સેન્ચુરી ફટકારી હતી.

શાહિદી સાથે 361 રનની ભાગીદારી રહમત સાથે કેપ્ટન હશમતુલ્લાહ શાહિદીએ સદી ફટકારી હતી. તે પણ દિવસની રમતના અંત સુધી અણનમ રહ્યો, તેણે 141 રન બનાવ્યા. તેની ઇનિંગમાં 16 ચોગ્ગા સામેલ હતા. શાહિદીએ રહમત સાથે ત્રીજી વિકેટ માટે 361 રનની ભાગીદારી પણ કરી હતી.

ઝિમ્બાબ્વેએ પ્રથમ ઇનિંગમાં 586 રન બનાવ્યા

શોન વિલિયમ્સે 154 રન બનાવ્યા હતા.

બુલાવાયોમાં ઝિમ્બાબ્વે અને અફઘાનિસ્તાન વચ્ચે ટેસ્ટ સિરીઝની પ્રથમ મેચ રમાઈ રહી છે. ટીમ તરફથી શોન વિલિયમ્સ, કેપ્ટન ક્રેગ ઈરવિન અને બ્રાયન બેનેટે સદી ફટકારી હતી. ટીમ 586 રન બનાવીને ઓલઆઉટ થઈ ગઈ હતી. સંપૂર્ણ સમાચાર વાંચો…