સ્પોર્ટ્સ ડેસ્ક41 મિનિટ પેહલા
- કૉપી લિંક
ભારત અને સાઉથ આફ્રિકા વચ્ચે કેપટાઉનમાં રમાયેલી ટેસ્ટ મેચ માત્ર 2 દિવસમાં જ પૂરી થઈ ગઈ. ભારતીય ટીમે સાઉથ આફ્રિકાને 7 વિકેટે હરાવ્યું છે.
ટેસ્ટ ક્રિકેટના 147 વર્ષના ઈતિહાસમાં આવું માત્ર 25મી વખત બન્યું છે. ભારત માટે આ ત્રીજી વખત છે જ્યારે તેમની મેચનું પરિણામ બે દિવસમાં આવ્યું છે. ભારતે આવી ત્રણેય ટેસ્ટ જીતી છે.
1% કરતા ઓછા ટેસ્ટ 2 દિવસમાં પૂરી થઈ
ટેસ્ટ ક્રિકેટની શરૂઆત 1877માં થઈ હતી. ત્યારથી અત્યાર સુધીમાં 2522 ટેસ્ટ મેચ રમાઈ છે. તેમાંથી માત્ર 25 ટેસ્ટ મેચ એવી છે જેના પરિણામ બે દિવસમાં આવી ગયા હતા. તેનો અર્થ એ કે માત્ર 0.99% ટેસ્ટ આટલી ઝડપથી સમાપ્ત થઈ છે.
ઇંગ્લેન્ડ આમાંથી 12 ટેસ્ટ મેચનો ભાગ ધરાવે છે. તો, ઓસ્ટ્રેલિયન ટીમની 12 ટેસ્ટ મેચ બે દિવસમાં સમાપ્ત થઈ ગઈ છે. સાઉથ આફ્રિકા 10 મેચનો ભાગ હતા. ઝિમ્બાબ્વે 4, વેસ્ટ ઈન્ડિઝ 2 અને પાકિસ્તાન 1 મેચના ભાગ રહ્યા છે. ઓસ્ટ્રેલિયા વિરુદ્ધ ઇંગ્લેન્ડ વચ્ચેની મહત્તમ 6 ટેસ્ટ મેચ 2 દિવસમાં સમાપ્ત થઈ ગઈ છે. સાઉથ આફ્રિકા વિરુદ્ધ ઇંગ્લેન્ડ વચ્ચેની ચાર ટેસ્ટ પણ 2 દિવસમાં સમાપ્ત થઈ ગઈ.
જેમાંથી મોટાભાગની ટેસ્ટ ઇંગ્લેન્ડના મેદાન પર 2 દિવસમાં પૂર્ણ થઈ હતી. તેમાંથી 4 ટેસ્ટ હતી જે લંડનના ધ ઓવલ મેદાન પર રમાઈ હતી.
ક્રિકેટના શરૂઆતના વર્ષોમાં 2 દિવસનો ટ્રેન્ડ વધુ હતો
1882માં પ્રથમ વખત ટેસ્ટ મેચ 2 દિવસમાં સમાપ્ત થઈ હતી. આ મેચ ઓસ્ટ્રેલિયા અને ઇંગ્લેન્ડ વચ્ચે 1882માં ધ ઓવલ (લંડન) ખાતે રમાઈ હતી. 19મી સદી (1801-1900)માં 9 ટેસ્ટ મેચ 2 દિવસમાં પૂરી થઈ હતી. 20મી સદીની 8 ટેસ્ટ (1901-2000) અને 21મી સદીની 8 ટેસ્ટ (2001થી અત્યાર સુધી) પૂરી થઈ છે.
એક તરફ, છેલ્લા 3 વર્ષમાં 4 ટેસ્ટ એવી છે કે જેના પરિણામ 2 દિવસમાં જાહેર કરવામાં આવ્યા, તો બીજી તરફ, માર્ચ 1946થી ઓગસ્ટ 2000 વચ્ચે 54 વર્ષ વીતી ગયા જ્યારે એક પણ ટેસ્ટ મેચ 2 દિવસમાં પૂરી થઈ ન હતી.
ભારતનો સક્સેસ રેટ 100%
2 દિવસમાં પૂરી થનારી ટેસ્ટ મેચમાં ભારતીય ટીમનો સફળતાનો દર 100% રહ્યો છે. જૂન 2018માં, બેંગલુરુમાં ભારત અને અફઘાનિસ્તાન વચ્ચે રમાયેલી ટેસ્ટ મેચ 2 દિવસમાં સમાપ્ત થઈ હતી. અફઘાનિસ્તાનના ક્રિકેટ ઇતિહાસમાં આ પ્રથમ ટેસ્ટ હતી. તે સમયે, ભારતીય ક્રિકેટના ઈતિહાસમાં આ પહેલી ટેસ્ટ હતી જે બે દિવસમાં પૂરી થઈ ગઈ હતી.
આ પછી, ફેબ્રુઆરી 2021માં, અમદાવાદમાં ભારત અને ઇંગ્લેન્ડ વચ્ચે રમાયેલી ડે-નાઈટ ટેસ્ટ મેચ 2 દિવસમાં પૂરી થઈ ગઈ હતી. માત્ર બે દિવસમાં પરિણામ આપનારી ભારતની આ બીજી ટેસ્ટ હતી. આમાં પણ ટીમ ઈન્ડિયાનો વિજય થયો હતો. હવે કેપટાઉનમાં ભારતે સાઉથ આફ્રિકાને 2 દિવસમાં હરાવ્યું છે.
ટેસ્ટ 2 દિવસમાં સમાપ્ત થવાના 2 મોટા કારણો
- પહેલું: પિચ બોલિંગ માટે અનુકૂળ- ક્રિકેટ એ બેટ અને બોલ વચ્ચે સંપૂર્ણ સંતુલનની રમત છે. જ્યારે આ સંતુલન ખોરવાઈ જાય છે ત્યારે પરિણામો પણ વિચિત્ર દેખાવા લાગે છે. જ્યારે પિચ બેટને ખૂબ અનુકૂળ બનાવે છે, ત્યારે તે મેચમાં ઘણા રન બને છે અને ઘણી ઓછી વિકેટો પડે છે. પરિણામ- કંટાળાજનક ડ્રો. બીજી તરફ, જ્યારે પિચ બોલરો માટે ખૂબ અનુકૂળ બની જાય છે, ત્યારે મેચ ટૂંકા સમયમાં પૂરી થઈ જાય છે. ક્યારેક ત્રણ દિવસમાં તો ક્યારેક માત્ર 2 દિવસમાં. આજ સુધી કોઈ ટેસ્ટ મેચ 1 દિવસમાં પરિણામ આપી શકી નથી.
- બીજું: T20ને કારણે બેટિંગ ટેકનિક નબળી પડી રહી છે- મેચ ઓછા સમયમાં સમાપ્ત થવાને કારણે બેટર્સની ડિફેન્સિવ ટેકનિક પણ નબળી પડી રહી છે. આ માટે T20 ફોર્મેટ જવાબદાર છે. T20 લીગ રમીને વધુ કમાણી કરવાનો પ્રયાસ કરી રહેલા બેટર્સ આક્રમક શોટની ઘણી પ્રેક્ટિસ કરે છે, પરંતુ તેમની ડિફેન્સિવ ટેક્નિક નબળી પડી જાય છે. આ વલણ તમામ દેશોમાં જોવા મળે છે અને તેની અસર ટેસ્ટ મેચ પર પણ પડી રહી છે.
