સાઉદી પ્રો-લીગમાં રોનાલ્ડોની આપત્તિજનક ઈશારા પર કોન્ટ્રવર્સી: ચાહકોએ મેસ્સી-મેસ્સીના નારા લગાવતા હતા, ત્યારે ફૂટબોલરે ઈશારો કર્યો હતો; તપાસ ચાલુ

સાઉદી પ્રો લીગ મેચ દરમિયાન દિગ્ગજ ફૂટબોલર ક્રિસ્ટિયાનો રોનાલ્ડોની વાંધાજનક હરકતોથી વિવાદ ઉભો થયો છે. તેની સામે પણ તપાસ ચાલી રહી છે.

રવિવારે અલ નસર અને અલ શબાબ મેસ્સી-મેસ્સીના નારા લગાવી રહ્યા હતા. આના પર પોર્ટુગલના ફૂટબોલર પોતાની ટીમ અલ નસરની હરીફ ટીમ અલ શબાબના સમર્થકોને વાંધાજનક હરકતો કરીને ચીડવતો જોવા મળ્યો હતો.

સોશિયલ મીડિયા પર ફરતા વીડિયોમાં સતત આપત્તિજનકપ હરકતો કરતો જોવા મળ્યો છે. આર્જેન્ટિનાના સુપરસ્ટાર લિયોનેલ મેસ્સી લાંબા સમયથી પોર્ટુગીઝ ખેલાડી રોનાલ્ડોનો હરીફ છે.

અલ નસર 3-2 થી જીતી, રોનાલ્ડોએ પણ એક ગોલ કર્યો
ત્રણ દિવસ પહેલા રમાયેલી આ મેચમાં અલ નસરે અલ શબાબને 3-2થી હરાવ્યું હતું. રોનાલ્ડોએ 21મી મિનિટે પેનલ્ટી પર ગોલ કર્યો હતો. જે બાદ તાલિસ્કાએ 46મી અને 86મી મિનિટમાં ગોલ કર્યા હતા. અલ શબાબ માટે, યાનિક ફેરેરાએ હાફ ટાઈમ પછી વધારાના સમયમાં (45+8મી મિનિટ) અને કાર્લોસે 67મી મિનિટે ગોલ કર્યો.

રોનાલ્ડોએ 21મી મિનિટે પેનલ્ટી પર ગોલ કર્યો હતો.

સાઉદી અરેબિયા ફૂટબોલ ફેડરેશન તપાસ કરી રહ્યું છે
39 વર્ષના અનુભવી ફૂટબોલરની તેના વાંધાજનક હરકતો માટે આકરી ટીકા થઈ રહી છે. જોકે, આ ઘટના ટેલિવિઝન કેમેરામાં કેદ થઈ નથી. સ્થાનિક મીડિયાના અહેવાલો અનુસાર સાઉદી અરેબિયન ફૂટબોલ ફેડરેશન આ ઘટનાની તપાસ કરી રહ્યું છે. તેને સસ્પેન્ડ કરવામાં આવી શકે છે. અલ નાસરની આગામી મેચ ગુરુવારે થશે.

રોનાલ્ડોએ અત્યાર સુધીમાં સૌથી વધુ 22 ગોલ કર્યા છે
રોનાલ્ડો ડિસેમ્બર 2022માં આ સાઉદી અરેબિયન ક્લબમાં જોડાયો હતો. તેણે લીગમાં અત્યાર સુધીમાં સૌથી વધુ 22 ગોલ કર્યા છે. જેમાં અલ શબાબ સામે પ્રથમ હાફમાં પેનલ્ટી પર કરવામાં આવેલ ગોલનો પણ સમાવેશ થાય છે.

રોનાલ્ડો ડિસેમ્બર 2022માં આ સાઉદી અરેબિયન ક્લબમાં જોડાયો હતો.