ગાયના21 મિનિટ પેહલા
- કૉપી લિંક
ક્રિકેટ વેસ્ટ ઈન્ડિઝ નવી T-20 લીગ શરૂ કરવા જઈ રહ્યું છે. ગ્લોબલ સુપર લીગ નામની આ ટુર્નામેન્ટમાં વિવિધ દેશોની પાંચ ટીમ ભાગ લેશે. તે ગયાનામાં 26 નવેમ્બરથી 7 ડિસેમ્બર દરમિયાન યોજાશે.
ચેમ્પિયન્સ લીગની તર્જ પર શરૂ થઈ રહેલી આ ટુર્નામેન્ટમાં ગયાના એમેઝોન વોરિયર્સ (CPL), લાહોર કલંદર્સ (PSL), હેમ્પશાયર હોક્સ (T20 બ્લાસ્ટ), રંગપુર રાઈડર્સ (BPL) અને વિક્ટોરિયા (ઓસ્ટ્રેલિયા સ્ટેટ ટીમ) સામેલ છે.
પ્રથમ મેચ 26 નવેમ્બરે કેરેબિયન પ્રીમિયર લીગની ટીમ ગયાના એમેઝોન વોરિયર્સ અને પાકિસ્તાન સુપર લીગની ટીમ લાહોર કલંદર્સ વચ્ચે રમાશે.
કેરેબિયન પ્રીમિયર લીગ 2024ની ફાઈનલ ગયાના એમેઝોન વોરિયર્સ અને સેન્ટ લુસિયા કિંગ્સ વચ્ચે રમાઈ હતી.
ટોચની 2 ટીમ વચ્ચે ફાઈનલ રમાશે આ લીગની પ્રથમ સિઝનમાં ESPNના રિપોર્ટ અનુસાર, 5 ટીમ એકબીજા સાથે સ્પર્ધા કરશે એટલે કે ટીમ ગ્રૂપ સ્ટેજમાં 4-4 મેચ રમશે. ટોચની 2 ટીમ વચ્ચે ફાઈનલ રમાશે. જેમાં ટુર્નામેન્ટમાં 11 દિવસમાં કુલ 11 મેચ રમાશે. ફાઈનલ મેચ 7 ડિસેમ્બરે રમાશે.
મોટા ખેલાડીઓ માટે રમવું મુશ્કેલ ગ્લોબલ લીગ એવા સમયે શરૂ થઈ રહી છે જ્યારે ઘણા દેશો આંતરરાષ્ટ્રીય ક્રિકેટમાં દ્વિપક્ષીય શ્રેણી રમી રહ્યા છે. દરમિયાન, T10 લીગ સિઝન પણ અબુ ધાબીમાં 21 નવેમ્બરથી 2 ડિસેમ્બર સુધી રમાવવાની છે.
આવી સ્થિતિમાં, ઘણા મોટા નામ ગ્લોબલ સુપર લીગની પ્રથમ સિઝનમાં પોતપોતાની ટીમ સાથે રમતા જોવા નહીં મળે. વેસ્ટ ઈન્ડિઝના ખેલાડીઓ પણ આમાં સામેલ છે કારણ કે વેસ્ટ ઈન્ડિઝની ટીમે બાંગ્લાદેશ સામે 22 નવેમ્બરથી ઘરઆંગણે 2 મેચની ટેસ્ટ, 3 મેચની વન-ડે અને એટલી જ મેચની T20 શ્રેણી રમવાની છે.
T10 લીગ સીઝન પણ અબુ ધાબીમાં 21 નવેમ્બરથી 2 ડિસેમ્બર વચ્ચે રમાશે.
