ધોનીએ વિશાખાપટ્ટનમ ગ્રાઉન્ડ સ્ટાફ સાથે ફોટો ક્લિક કરાવ્યો: CSKએ તસવીર પોસ્ટ કરી; સાક્ષીએ કહ્યું- ખ્યાલ જ આવ્યો કે આપણે મેચ હારી ગયા છીએ

ચેન્નઈ સુપર કિંગ્સ (CSK)ના ભૂતપૂર્વ કેપ્ટન એમએસ ધોનીએ રવિવારે દિલ્હી કેપિટલ્સ (DC) સામેની મેચ બાદ વિશાખાપટ્ટનમના ગ્રાઉન્ડ સ્ટાફ સાથે ફોટો ક્લિક કરાવ્યો હતો. CSKએ ફોટો સોશિયલ મીડિયા પર પોસ્ટ કર્યો છે.

રવિવારે CSKનો સામનો વિશાખાપટ્ટનમમાં DC સામે થયો હતો, જ્યાં તે 20 રનથી હારી ગઈ હતી. મેચ બાદ ધોનીએ ગ્રાઉન્ડ સ્ટાફ સાથે ફોટો ક્લિક કરાવીને ચાહકોનું દિલ જીતી લીધું હતું.

ધોનીની ઈનિંગ પર સાક્ષીની પ્રતિક્રિયા
ધોનીની પત્ની સાક્ષીએ ઈન્સ્ટાગ્રામ પર સ્ટોરી શેર કરીને માહીની ઇનિંગ પર પ્રતિક્રિયા આપી છે. સાક્ષીએ તેની ઈન્સ્ટા સ્ટોરીમાં રિષભ પંતની પણ પ્રશંસા કરી છે. સાક્ષીએ ધોનીનો ફોટો શેર કર્યો અને લખ્યું, ‘સૌથી પહેલા રિષભ પંત, વેલકમ બેક. હાય માહી..મને ખ્યાલ જ ન રહ્યો કે આપણે મેચ હારી ગયા છીએ.’ સાક્ષીની આ પ્રતિક્રિયા સોશિયલ મીડિયા પર વાઇરલ થઈ રહી છે.

ધોનીએ 37 અણનમ રન બનાવ્યા
ધોની આ સિઝનમાં પ્રથમ વખત બેટિંગ કરવા આવ્યો હતો. તેણે દિલ્હી સામેની મેચમાં 16 બોલમાં 37 રન બનાવ્યા હતા. તેણે એનરિક નોર્કિયા સામેની મેચની છેલ્લી ઓવરમાં 20 રન બનાવ્યા, તેણે 2 ચોગ્ગા અને 2 છગ્ગા ફટકાર્યા. તેણે પોતાની ઇનિંગમાં 4 ફોર અને 3 સિક્સર ફટકારી હતી.

DCએ CSKને 20 રનથી હરાવ્યું
વિશાખાપટ્ટનમમાં રવિવારે સાંજે ટૉસ જીતીને બેટિંગ કરતા દિલ્હીએ 20 ઓવરમાં 191 રન બનાવ્યા હતા. 192 રનના ટાર્ગેટ સામે ચેન્નઈ 20 ઓવરમાં 6 વિકેટ ગુમાવીને માત્ર 171 રન જ બનાવી શકી હતી. ખલીલ અહેમદ પ્લેયર ઑફ ધ મેચ રહ્યો હતો. તેણે 21 રનમાં 2 વિકેટ લીધી હતી.