સ્પોર્ટ્સ ડેસ્ક51 મિનિટ પેહલા
- કૉપી લિંક
ન્યૂઝીલેન્ડ ટીમે 3 મેચની ટેસ્ટ સિરીઝની પહેલી બે મેચ જીતીને ભારતીય ટીમ સામે આ ઐતિહાસિક સિરીઝ જીતી લીધી હતી. 12 વર્ષ પહેલાં ઇંગ્લેન્ડે ભારતને ઘરઆંગણે ટેસ્ટ સિરીઝમાં હરાવ્યું હતું. આ પછી 12 વર્ષ, 4331 દિવસ અને 18 સતત હોમ સિરીઝ પછી ટીમ ઈન્ડિયા પોતાના હોમ ગ્રાઉન્ડ પર ટેસ્ટ સિરીઝ હારી છે. જો કે, આજે અમે તમને તે 7 કારણો વિશે જણાવવા જઈ રહ્યા છીએ જેના કારણે ભારત ટેસ્ટ સિરીઝ હારી ગયું.
ભારતીય ટીમની ખરાબ બેટિંગ, રોહિત-વિરાટ ખરાબ રીતે નિષ્ફળ રહ્યા ભારતીય ટીમની બેટિંગ બંને ઇનિંગ્સમાં સંપૂર્ણ ફ્લોપ રહી હતી. ટીમ ઈન્ડિયા પહેલી ઇનિંગમાં માત્ર 156 રનમાં સમેટાઈ ગઈ હતી. તો આના પર બીજી ઇનિંગમાં 359 રનનો ટાર્ગેટ હતો. મોટી મેચમાં ટીમની નજર તેમના સૌથી સિનિયર ખેલાડીઓ પર હોય છે, જે ટીમ ઈન્ડિયા પાસે રોહિત શર્મા અને વિરાટ કોહલીના રૂપમાં છે. પરંતુ બંને દિગ્ગજો સંપૂર્ણપણે નિષ્ફળ રહ્યા હતા. જ્યાં રોહિતે પ્રથમ ઇનિંગમાં શૂન્ય અને બીજી ઇનિંગમાં 8 રન બનાવ્યા હતા. જ્યારે વિરાટ પહેલી ઇનિંગમાં 1 રન અને બીજી ઇનિંગમાં 17 રન બનાવીને આઉટ થયો હતો.
સ્પિન સ્ટ્રેટેજી કામ ન કરી, ટીમ ઈન્ડિયા પોતાની જ જાળમાં ફસાઈ પુણેના મહારાષ્ટ્ર ક્રિકેટ એસોસિયેશન સ્ટેડિયમની પિચ સ્પિનરો માટે સ્વર્ગથી ઓછી નહોતી. ભારતની યોજના કિવીઝ તેની જાળમાં ફસાવવાની હતી. પરંતુ ન્યૂઝીલેન્ડે બંને દાવમાં ભારત કરતાં વધુ સારી સ્પિન રમી હતી. જેના કારણે ટીમ ઈન્ડિયા પોતાની જ જાળમાં ફસાઈ ગઈ. મિચેલ સેન્ટનરની સામે ભારતીય બેટર્સ સંપૂર્ણપણે સ્તબ્ધ થઈ ગયા હતા.
પેસ બોલિંગ સૌથી વધુ નિષ્ફળ રહી, બુમરાહ અને આકાશદીપ વિકેટલેસ રહ્યા આ મેચમાં ભારતીય ટીમની પેસ બેટરી પણ કામ ન કરી શકી. ઝડપી બોલર જસપ્રીત બુમરાહ અને આકાશ દીપ તેમની બન્ને ઇનિંગ્સમાં એક પણ વિકેટ લઈ શક્યા ન હતા. આ ટેસ્ટ મેચમાં બંને બોલરોના નામે એક પણ વિકેટ નથી. સ્પિનરોને ફાસ્ટ બોલરોનો કોઈ સાથ મળ્યો ન હતો.
ન્યૂઝીલેન્ડને હળવાશથી લેવાનું પરિણામ ભોગવવું પડ્યું ન્યૂઝીલેન્ડની ટીમ 1955થી ભારતનો પ્રવાસ કરી રહી છે, પરંતુ તે પહેલા ક્યારેય અહીં ટેસ્ટ સિરીઝ જીતવામાં સફળ રહી ન હતી. આ કારણે ભારતીય મેનેજમેન્ટે કદાચ ન્યૂઝીલેન્ડને ગંભીરતાથી લીધું ન હતું. આ સિરીઝ પહેલાં કિવી ટીમને શ્રીલંકામાં હારનો સામનો કરવો પડ્યો હતો. મોટાભાગના ભારતીય ચાહકો અને નિષ્ણાતોને વિશ્વાસ હતો કે ન્યૂઝીલેન્ડ સામેની સિરીઝ જીતવી એ ભારત માટે કેક-વોક સાબિત થશે. પણ હવે ઊલટું થયું. કિવીઝને હળવાશથી લેવાનું પરિણામ ટીમ ઈન્ડિયાએ ભોગવ્યું છે.
ન્યૂઝીલેન્ડ સારી તૈયારી સાથે આવ્યું ભારતના પ્રવાસ પહેલા ન્યૂઝીલેન્ડની ટીમ શ્રીલંકા સામે બે ટેસ્ટ મેચની સિરીઝ રમીને ભારત આવી. ત્યાં કિવી ટીમને 0-2થી હારનો સામનો કરવો પડ્યો હતો, પરંતુ તેમના ખેલાડીઓને સ્પિન ફ્રેન્ડલી સ્થિતિમાં રમવાની સારી પ્રેક્ટિસ મળી હતી. આ પ્રેક્ટિસ ભારત સામેની પ્રથમ બે ટેસ્ટ મેચમાં કામ આવી.
વિકેટ વચ્ચે ખરાબ રનિંગ, રિષભ પંત રનઆઉટ થયો ભારતીય ટીમને જીતવા માટે 359 રનના ટાર્ગેટને ચેઝ કરવાનો હતો. આ ટાર્ગેટ ચેઝ કરવા માટે ભારતનો સૌથી મોટો મેચ વિનર રિષભ પંત જરૂરી હતો. પરંતુ વિરાટ કોહલી સાથે દોડતી વખતે ખોટા કોલના કારણે પંત 3 બોલ રમીને શૂન્ય પર રન આઉટ થયો હતો. આ રન આઉટ ભારતને ઘણું મોંઘુ પડ્યું.
કેપ્ટનની સ્ટ્રેટેજી સમજની બહાર, ગૌતમ ગંભીર દરેક મોરચે નિષ્ફળ ગયો પુણે ટેસ્ટમાં ભારતીય કેપ્ટન રોહિત શર્મા અને કોચ ગૌતમ ગંભીરની રણનીતિ સંપૂર્ણ રીતે કામ કરી શકી ન હતી. ટૉસ હાર્યા પછી પ્રથમ બોલિંગ કરવાનો હિટમેનનો પ્રયાસ સફળ રહ્યો ન હતો. જેમ જેમ રમત આગળ વધતી ગઈ, તેમ તેમ બેટિંગ માટે પિચ ખરાબ બનતી ગઈ. આવી સ્થિતિમાં ભારત પ્રથમ બેટિંગ કરી શક્યું હોત, તો સ્થિતિ કંઈ અલગ હોત. આ સિવાય ભારતની આટલી ઊંડી બેટિંગ કરવાની રણનીતિ પણ ફ્લોપ રહી હતી.
