મુલતાન8 મિનિટ પેહલા
- કૉપી લિંક
ઇંગ્લેન્ડની ટીમ પાકિસ્તાન સામે મુલ્તાન ટેસ્ટમાં જીતની નજીક પહોંચી ગઈ છે. મેચના ચોથા દિવસે ગુરુવારે ઇંગ્લેન્ડે 823/7ના સ્કોર પર પ્રથમ દાવ ડિકલેર કર્યો હતો. ટીમને 267 રનની લીડ મળી હતી. જેના જવાબમાં દિવસની રમતના અંત સુધીમાં પાકિસ્તાને બીજા દાવમાં 152 રનમાં 6 વિકેટ ગુમાવી દીધી હતી.
ઇંગ્લિશ ટીમે ચોથા દિવસની શરૂઆત 492/3ના સ્કોરથી કરી હતી. આ પહેલા પાકિસ્તાનની ટીમ પ્રથમ દાવમાં 556 રનમાં ઓલઆઉટ થઈ ગઈ હતી.
આગા સલમાન 41 રન બનાવીને અણનમ રહ્યો પાકિસ્તાન માટે બીજા દાવમાં આઘા સલમાન 41 રન બનાવીને અને આમિર જમાલ 27 રન બનાવીને અણનમ પરત ફર્યા હતા. સઈદ શકીલ 29 રન, સૈમ અયુબ 25, શાન મસૂદ 11, બાબર આઝમ 5 રન અને મોહમ્મદ રિઝવાન 10 રન બનાવીને આઉટ થયા હતા. ઇંગ્લેન્ડ તરફથી અત્યાર સુધી ગુસ એટકિન્સન અને બ્રાઈડન કારસે બીજી ઇનિંગમાં 2-2 વિકેટ લીધી છે. જેક લીચ અને ક્રિસ વોક્સને 1-1 વિકેટ મળી હતી.
બ્રુકે સેહવાગનો રેકોર્ડ તોડ્યો ઇંગ્લેન્ડ તરફથી પ્રથમ દાવમાં ક્રિસ વોક્સ 17 રને અણનમ અને બ્રાઈડન કાર્સે 2 રને અણનમ પરત ફર્યા હતા. હેરી બ્રુકે 317 રનની ઇનિંગ રમી હતી. તેણે મુલ્તાનમાં વીરેન્દ્ર સેહવાગનો 20 વર્ષ જૂનો રેકોર્ડ તોડ્યો હતો. સેહવાગે 2004માં પાકિસ્તાન સામે 309 રનની ઇનિંગ રમી હતી. ત્યારબાદ સેહવાગને ‘સુલ્તાન ઓફ મુલ્તાન’નું ટેગ આપવામાં આવ્યું હતું. બ્રુક સિવાય જો રૂટ 262 રન બનાવીને આઉટ થયો હતો. બેન ડકેટે 84 અને જેક ક્રોલીએ 78 રન બનાવ્યા હતા.
262 રન બનાવીને જો રૂટ આઉટ થયો, 454 રનની ભાગીદારી તૂટી જો રૂટ અને હેરી બ્રુક વચ્ચે 454 રનની ભાગીદારી થઈ હતી. આગા સલમાને રૂટને આઉટ કરીને આ ભાગીદારીને તોડી હતી. ઓલી પોપ 4 રને આઉટ થયા બાદ રૂટ રમવા આવ્યો હતો.
ત્રીજા દિવસે ઇંગ્લેન્ડનો સ્કોર 500ની નજીક હતો એક દિવસ પહેલા બુધવારે ઇંગ્લેન્ડની ટીમ 500ની નજીક પહોંચી ગઈ હતી. ત્રીજા દિવસની રમતના અંતે ટીમે ત્રણ વિકેટે 492 રન બનાવી લીધા હતા. જો રૂટ અને હેરી બ્રુક અણનમ રહ્યા હતા. રૂટ 176 રન બનાવીને બેવડી સદીની નજીક છે. જ્યારે હેરી બ્રુકે 141 રન બનાવ્યા છે. બંને વચ્ચે અણનમ 243 રનની ભાગીદારી રહી છે. બેન ડકેટ (84 રન) આમિર જમાલની બોલિંગમાં LBW આઉટ થયો હતો.
રૂટ ટેસ્ટમાં ઇંગ્લેન્ડનો ટોપ સ્કોરર બની ગયો છે. રૂટે પોતાના જ દેશના ભૂતપૂર્વ ઓપનર એલિસ્ટર કૂક (12472 રન)ને પાછળ છોડી દીધો છે. સૌથી વધુ રન બનાવનાર બેટર્સની યાદીમાં તે પાંચમાં નંબર પર છે.
