પૂર્વ ક્રિકેટર હરભજને પાકિસ્તાની ક્રિકેટર કામરાનને તતડાવી નાખ્યો: અકમલે અર્શદીપ સિંહ પર વાંધાજનક ટિપ્પણી કરી, બાદમાં સોશિયલ મીડિયા પર માફી માગી

પૂર્વ ભારતીય ક્રિકેટર અને પંજાબના AAPના લોકસભા સાંસદ હરભજન સિંહ અને પૂર્વ પાકિસ્તાની ક્રિકેટર કામરાન અકમલ આમને-સામને છે. ગઈકાલે ભારત અને પાકિસ્તાન વચ્ચેની મેચ દરમિયાન હારથી નારાજ કામરાન અકમલે ભારતીય ટીમના બોલર અર્શદીપ સિંહ પર વાંધાજનક ટિપ્પણી કરી હતી.

આનાથી ગુસ્સે થઈને હરભજન સિંહે કહ્યું- ‘તું કામરાન અકમલ, તારે ગંદું મોઢું ખોલતા પહેલા શીખોનો ઈતિહાસ જાણી લેવો જોઈએ. જ્યારે હુમલાખોરોએ અપહરણ કર્યું ત્યારે અમે શીખોએ તમારી માતાઓ અને બહેનોને બચાવી હતી, સમય રાતના 12 વાગ્યાનો હતો. તમારે શરમ અનુભવવી જોઈએ, કંઈક માટે આભારી થવું જોઈએ.’

કામરાનની ક્લિપ પૂર્વ ક્રિકેટર હરભજન સિંહે શેર કરી છે.

કામરાને લગભગ 12 વાગ્યાને લઈને અર્શદીપ પર કોમેન્ટ કરી
પાકિસ્તાનના એક ટીવી શો દરમિયાન પૂર્વ ક્રિકેટર કામરાને વાંધાજનક ટિપ્પણી કરતા કહ્યું હતું કે 12 વાગી ગયા છે. વાસ્તવમાં 12 વાગ્યાની ટિપ્પણીથીરા શીખ સમુદાયને અપમાનિત કરવાનો પ્રયાસ કરવામાં આવી રહ્યો છે. જ્યારે આ સંદર્ભનો તદ્દન ઐતિહાસિક જોડાણ છે.

કામરાન અકમલે ઐતિહાસિક સંદર્ભને સમજ્યા વિના ખરાબ ટિપ્પણી કરી. આ વાત પર હરભજન સિંહને ગુસ્સો આવ્યો અને તેણે કામરાનને ખખડાવી નાખ્યો. હરભજને તેના X એકાઉન્ટ પર કામરાનને ટેગ કરીને તેની પર પ્રહારો કર્યા. જે બાદ કામરાને તરત જ માફી માગવી પડી હતી.

કામરાને માફી માગી.

કામરાને હરભજન અને અર્શદીપ સિંહની માફી માગી
પાકિસ્તાનના પૂર્વ ક્રિકેટર કામરાન અકમલે ઠપકો મળ્યા બાદ તેણે તેના સોશિયલ મીડિયા એકાઉન્ટ પર હરભજન અને અર્શદીપ સિંહની માફી પણ માગી હતી. કામરાને કહ્યું- ‘મારી તાજેતરની ટિપ્પણીઓ પર મને ખૂબ જ અફસોસ છે.

હું હરભજન સિંહ અને શીખ સમુદાયની દિલથી માફી માગુ છું. મારા શબ્દો અયોગ્ય અને અપમાનજનક હતા. દુનિયાભરના શીખો માટે મને ખૂબ જ આદર છે અને મારો ઈરાદો ક્યારેય કોઈને દુઃખી કરવાનો નહોતો. હું ખરેખર દિલગીર છું.’