ચેમ્પિયન્સ ટ્રોફી પછી રોહિત લેશે નિવૃત્તિ?: વાઇસ-કેપ્ટન શુભમન ગિલે જવાબ આપ્યો, પ્રેક્ટિસ દરમિયાન કોચ ગંભીર સાથે સ્ટ્રેટેજી બનાવતા જોવા મળ્યા રોહિત-કોહલી

શુભમન ગિલ ટીમ ઈન્ડિયાનો વાઇસ-કેપ્ટન છે. તે ફાઈનલ પહેલા પ્રેસ કોન્ફરન્સમાં હાજર રહ્યો હતો.

ટીમ ઈન્ડિયાના વાઇસ-કેપ્ટન શુભમન ગિલે કેપ્ટન રોહિત શર્માના નિવૃત્તિની ચર્ચાઓને ફગાવી દીધી છે. કેટલાક અહેવાલોમાં દાવો કરવામાં આવી રહ્યો હતો કે રોહિત શર્મા ચેમ્પિયન્સ ટ્રોફીની ફાઈનલ મેચ પછી નિવૃત્તિની જાહેરાત કરી શકે છે.

ચેમ્પિયન્સ ટ્રોફી ફાઈનલ પહેલા, રોહિતની નિવૃત્તિના સવાલ પર, ગિલે કહ્યું- ‘ટીમમાં હજુ સુધી આવી કોઈ ચર્ચા થઈ નથી. મને લાગે છે કે રોહિત ભાઈ અત્યારે આ વિશે વિચારી રહ્યા નથી. અત્યારે તેમનું ધ્યાન આવતીકાલની મેચ પર છે. તે મેચ પછી નિર્ણય લેશે.’ ગિલને પૂછવામાં આવ્યું કે શું રોહિતે સાથી ખેલાડીઓ સાથે નિવૃત્તિ વિશે વાત કરી છે.

ભારતે ઓસ્ટ્રેલિયાને હરાવ્યું અને ન્યૂઝીલેન્ડે સાઉથ આફ્રિકાને હરાવીને ફાઈનલમાં પ્રવેશ કર્યો.

શુભમન ગિલે કયા મામલે શું કહ્યું?

બાંગ્લાદેશ સામે સદી ફટકારી હતી વાઇસ-કેપ્ટન શુભમન ગિલ આ વર્ષની ચેમ્પિયન્સ ટ્રોફીમાં ભારતનો ત્રીજો સૌથી વધુ રન બનાવનાર બોલર છે. તેણે 4 મેચમાં 157 રન બનાવ્યા છે. જેમાં બાંગ્લાદેશ સામે રમાયેલી 101 રનની અણનમ સદીનો પણ સમાવેશ થાય છે. આ સમયગાળા દરમિયાન તેનો સ્ટ્રાઇક રેટ 78.89 હતો. ગિલે 17 ચોગ્ગા અને 2 છગ્ગા પણ ફટકાર્યા. શુભમન ઉપરાંત, વિરાટ કોહલી (217 રન) અને શ્રેયસ અય્યર (195 રન) ભારતના ટોચના 3 હાઇ સ્કોરર્સની યાદીમાં સામેલ છે.

ગિલના કોન્ફરન્સ પહેલા ટીમ ઈન્ડિયાએ પ્રેક્ટિસ કરી, જુઓ ફોટોઝ

ફાઈનલ પહેલા ગિલ અને સાથી ખેલાડીઓ પ્રેક્ટિસ માટે સ્ટેડિયમ પહોંચ્યા.

ફાઈનલ પહેલા ચર્ચા કરતા કોચ ગૌતમ ગંભીર, કેપ્ટન રોહિત શર્મા અને વિરાટ કોહલી.

વિરાટ કોહલી પ્રેક્ટિસ દરમિયાન ફૂટબોલ રમ્યો. વિરાટે પાકિસ્તાન સામે સદી ફટકારી હતી.

પ્રેક્ટિસ દરમિયાન ભારતીય ટીમના ખેલાડીઓ ફૂટબોલ રમતા જોવા મળ્યા.

પ્રેક્ટિસ પહેલા ફૂટબોલ સાથે વોર્મઅપ કરતો અર્શદીપ સિંહ.