સ્પોર્ટ્સ ડેસ્ક5 મિનિટ પેહલા
- કૉપી લિંક
ભારત અને સાઉથ આફ્રિકા વચ્ચે સેન્ચુરિયનમાં પ્રથમ ટેસ્ટ રમાઈ રહી છે. ત્રીજા દિવસની રમત શરૂ થઈ ગઈ છે. સાઉથ આફ્રિકાએ 256/5ના સ્કોરથી રમત શરૂ કરી હતી. ટીમ તરફથી ડીન એલ્ગર અને માર્કો યાન્સેન ક્રિઝ પર છે. ડીન એલ્ગરે 150 રન ફટકાર્યા છે. આ સાથે જ સાઉથ આફ્રિકાની લીડ 100 રનને પાર કરી ગઈ છે.
આ પહેલા બીજા દિવસે ભારત 245 રન બનાવીને ઓલઆઉટ થઈ ગયું હતું. કેએલ રાહુલે સદી ફટકારી હતી, તે 101 રન બનાવીને આઉટ થયો હતો. સાઉથ આફ્રિકા તરફથી કાગીસો રબાડાએ 5 અને નાન્દ્રે બર્જરે 3 વિકેટ ઝડપી હતી.
એલ્ગર 14મી ટેસ્ટ સદી ફટકારીને અણનમ રહ્યો
સાઉથ આફ્રિકાના પૂર્વ કેપ્ટન ડીન એલ્ગરે સદી ફટકારી હતી. તે 140 રન બનાવીને બીજા દિવસની રમતના અંત સુધી અણનમ રહ્યો હતો. તેણે ટોની ડીજ્યોર્જ સાથે 93 રન અને ડેવિડ બેડિંગહામ સાથે 131 રનની ભાગીદારી કરી હતી.
ડીન એલ્ગરે 140 બોલમાં તેની 14મી ટેસ્ટ સદી પૂરી કરી હતી. તે તેની આંતરરાષ્ટ્રીય કારકિર્દીની છેલ્લી શ્રેણી રમી રહ્યો છે, તેણે શ્રેણી પહેલા જ નિવૃત્તિની જાહેરાત કરી દીધી હતી.
મેચમાં અત્યાર સુધીના રેકોર્ડ બનાવ્યા છે
- કેએલ રાહુલ સેન્ચુરિયનમાં 2 સદી ફટકારનાર પ્રથમ વિદેશી ખેલાડી બન્યો છે. તેણે 2021માં પણ આ જ મેદાન પર સદી ફટકારી હતી.
- ડીન એલ્ગરે લગભગ 3 વર્ષ બાદ ટેસ્ટ સદી ફટકારી હતી. તેણે જાન્યુઆરી 2021માં શ્રીલંકા સામે તેની છેલ્લી સદી ફટકારી હતી. જાન્યુઆરી 2022માં, એલ્ગરે ભારત સામે અણનમ 96 રન બનાવીને સાઉથ આફ્રિકા માટે ટેસ્ટ જીતી હતી.
- કાગિસો રબાડાએ 500 આંતરરાષ્ટ્રીય વિકેટ લીધી છે. તેણે પ્રથમ દાવમાં 5 વિકેટ ઝડપી હતી, તેણે પ્રથમ વખત ભારત સામે 5 વિકેટ મેળવી હતી.
હવે દરરોજ 98 ઓવરની રમત રમાશે
વરસાદ અને ખરાબ પ્રકાશને કારણે સુપરસ્પોર્ટ પાર્ક સ્ટેડિયમમાં પ્રથમ અને બીજા દિવસે રમવાનું વહેલું સમાપ્ત થઈ ગયું હતું. ત્રીજાથી પાંચમા દિવસ સુધી દરરોજ વધુમાં વધુ 98 ઓવર રમાશે. પહેલા દિવસે માત્ર 59 ઓવર અને બીજા દિવસે 75 ઓવર જ રમાઈ શકી હતી. બંને દિવસે એકસાથે લગભગ 45 ઓછી ઓવર નાખવામાં આવી હતી, તેથી તેને આવરી લેવા માટે, હવે દરરોજ 8 વધુ ઓવર નાખવામાં આવશે. મેન્સ ટેસ્ટના એક દિવસમાં સામાન્ય રીતે 90 ઓવરની રમત હોય છે.
બીજા દિવસે એલ્ગર અને રાહુલની સદી
બીજા દિવસે ભારતે 208/8ના સ્કોરથી રમવાનું શરૂ કર્યું. કેએલ રાહુલે 101 રન બનાવ્યા અને ટીમ 245 રન બનાવીને ઓલઆઉટ થઈ ગઈ. કાગીસો રબાડાએ 5 વિકેટ લીધી હતી. સાઉથ આફ્રિકાએ પ્રથમ દાવમાં 5 વિકેટે 256 રન બનાવ્યા હતા અને 11 રનની લીડ મેળવી હતી. ડીન એલ્ગર 140 રન બનાવીને ટીમ તરફથી નોટઆઉટ રહ્યો હતો.
સાઉથ આફ્રિકા તરફથી ડેવિડ બેડિંગહામે 56 અને ટોની ડી જ્યોર્જીએ 28 રન બનાવ્યા હતા. ભારત તરફથી જસપ્રીત બુમરાહ અને મોહમ્મદ સિરાજને 2-2 સફળતા મળી છે. જ્યારે પ્રસિદ્ધ ક્રિષ્નાને પણ એક વિકેટ મળી હતી. પૂરા સમાચાર અહીં વાંચો…
ભારતે પહેલા દિવસે 8 વિકેટ ગુમાવી દીધી હતી
પ્રથમ ટેસ્ટના પ્રથમ દિવસે સાઉથ આફ્રિકાએ ટોસ જીતીને પ્રથમ બોલિંગ કરવાનું પસંદ કર્યું હતું. 24 રનમાં 3 વિકેટ લીધા બાદ પણ ટીમે દિવસની રમત પૂરી થવા સુધી ભારતને 208 રન બનાવવા દીધા હતા. દક્ષિણ આફ્રિકા તરફથી કાગિસો રબાડાએ 5 વિકેટ લીધી હતી. જ્યારે નાન્દ્રે બર્જરને 2 અને માર્કો જેન્સનને એક સફળતા મળી હતી.
ભારત તરફથી કેએલ રાહુલ 70 રન બનાવીને નોટઆઉટ રહ્યો હતો. જ્યારે વિરાટ કોહલીએ 38, શ્રેયસ અય્યરે 31, શાર્દૂલ ઠાકુરે 24 અને યશસ્વી જયસ્વાલે 17 રન બનાવ્યા હતા. બાકીના બેટર્સ 10 રનના સ્કોર સુધી પણ પહોંચી શક્યા ન હતા. પૂરા સમાચાર અહીં વાંચો…
બન્ને ટીમની પ્લેઇંગ-11
ભારત: રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, શ્રેયસ અય્યર, કેએલ રાહુલ (વિકેટકીપર), રવિચંદ્રન અશ્વિન, શાર્દૂલ ઠાકુર, જસપ્રીત બુમરાહ, મોહમ્મદ સિરાજ અને પ્રસિદ્ધ ક્રિષ્ના.
સાઉથ આફ્રિકા: ટેમ્બા બાવુમા (કેપ્ટન), ડીન એલ્ગર, એડન માર્કરમ, ટોની ડીજ્યોર્જ, કીગન પીટરસન, ડેવિડ બેડિંગહામ, કાયલ વેરીયન (વિકેટમકીપર), માર્કો યાન્સેન, કાગીસો રબાડા, ગેરાલ્ડ કોત્ઝી, નાન્દ્રે બર્જર.
