bloemfontein2 કલાક પેહલા
- કૉપી લિંક
જુનિયર ટીમ ઈન્ડિયાએ દક્ષિણ આફ્રિકામાં ચાલી રહેલા અંડર-19 વર્લ્ડ કપમાં સતત બીજી જીત હાંસલ કરી છે. ટીમે ગુરુવારે આયર્લેન્ડને 201 રને હરાવ્યું હતું. આ જીત સાથે ટીમ પોઈન્ટ ટેબલમાં ટોપ પર છે. ભારતીય ટીમે તેની પ્રથમ મેચમાં બાંગ્લાદેશને 84 રને હરાવ્યું હતું.
બ્લૂમફોન્ટેનમાં આયર્લેન્ડે ટોસ જીતીને પ્રથમ બોલિંગ કરવાનો નિર્ણય લીધો હતો. ટીમ ઈન્ડિયાએ પ્રથમ બેટિંગ કરતા 50 ઓવરમાં 7 વિકેટે 301 રન બનાવ્યા હતા. 302 રનના ટાર્ગેટને ચેઝ કરવા આવેલી આયરિશ ટીમ 29.4 ઓવરમાં 100 રનમાં ઓલઆઉટ થઈ ગઈ હતી.
મુશીર ખાન પ્લેયર ઓફ ધ મેચ રહ્યો હતો. તેણે 118 રનની સદીની ઇનિંગ રમી હતી.
ભારતની જીતના હીરો
- મુશીર ખાનની સદીની ઇનિંગ્સ, 3 મહત્વની ભાગીદારી મુશીર ખાને 106 બોલમાં 118 રનની સદીની ઇનિંગ રમી હતી. તેણે 9 ચોગ્ગા અને 4 છગ્ગાની મદદથી 111.32ના સ્ટ્રાઈક રેટથી રન બનાવ્યા. મુશીરે બીજી વિકેટ માટે અર્શિન કુલકર્ણી સાથે 48 રન, ત્રીજી વિકેટ માટે ઉદય સહારન સાથે 156 રન અને ચોથી વિકેટ માટે અરવેલી અવનીશ રાવ સાથે 41 રનની ભાગીદારી કરી હતી.
- નમન તિવારીએ 4 વિકેટ લીધી હતી નમન તિવારીએ શાનદાર બોલિંગ કરી હતી. તેણે 10 ઓવરના ક્વોટામાં 53 રન આપીને ચાર વિકેટ લીધી હતી. તો સૌમ્ય પાંડેને પણ 3 વિકેટ મળી હતી.
ભારતે તેની બીજી મેચમાં આયર્લેન્ડને 100 રનમાં ઓલઆઉટ કરી દીધું.
મુશીર-ઉદરની ભાગીદારીના કારણે ભારત 300ને પાર કર્યું
ટોસ હાર્યા બાદ બેટિંગ કરવા આવેલી ટીમ ઈન્ડિયાની શરૂઆત ખાસ રહી ન હતી અને ટીમે 32 રનના સ્કોર પર પ્રથમ વિકેટ ગુમાવી દીધી હતી. અહીં આદર્શ સિંહ 17 રન બનાવીને આઉટ થયો હતો. ભારતીય ટીમે 80 રનના સ્કોર પર બીજા ઓપનર અર્શિન કુલકર્ણીની વિકેટ ગુમાવી દીધી હતી. તે 32 રન બનાવી શક્યો હતો.
આવી સ્થિતિમાં મુશીર ખાન અને ઉદય સહારનની જોડીએ ભારતને 236 રન સુધી પહોંચાડ્યું હતું. બંનેએ 151 બોલમાં 156 રનની ભાગીદારી કરી હતી. બાદમાં અરવેલ્લી અવનીશ રાવે 22 રન અને સચિન દાસે 21 રનનું યોગદાન આપ્યું હતું.
ઓલિવરની ત્રણ વિકેટ, મેકનીલને 2 સફળતા
આયર્લેન્ડ તરફથી ઓલિવર રેલીએ 3 જ્યારે જ્હોન મેકનાલીએ બે વિકેટ ઝડપી હતી. ફિન લ્યુટનને એક વિકેટ મળી હતી.
વર્લ્ડ કપ માટે ભારતીય ટીમની પસંદગી
ઉદય સહારન (કેપ્ટન), અરશિન કુલકર્ણી, આદર્શ સિંહ, રુદ્ર મયુર પટેલ, સચિન દાસ, પ્રિયાંશુ મોલિયા, મુશીર ખાન, અરવેલ્લી અવનીશ રાવ, સૌમ્ય કુમાર પાંડે (વાઈસકેપ્ટન), મુરુગન અભિષેક, ઇનેશ મહાજન (વિકેટકીપર), ધનુષ ગૌડા, આરાધ્યા શુક્લા., રાજ લિંબાણી અને નમન તિવારી.
સ્ટેન્ડબાય: પ્રેમ દેવકર, અંશ ગોસાઈ અને મો. અમાન.
