ઈજાગ્રસ્ત હાર્દિક પંડ્યા અફઘાનિસ્તાન સામે સિરીઝ નહીં રમે: IPL 2024 સુધી ફિટ થઈ શકે છે; T-20 શ્રેણી 11 જાન્યુઆરીથી રમાશે

હાર્દિક પંડ્યા અફઘાનિસ્તાન સામે T20 સિરીઝ રમી શકશે નહીં. ભારતે આવતા વર્ષે 11 જાન્યુઆરીથી અફઘાનિસ્તાન સામે 3 T-20 શ્રેણી રમવાની છે.

એક સૂત્રએ ટાઈમ્સ નાઉને જણાવ્યું કે, હાર્દિક પંડ્યા અફઘાનિસ્તાન સામેની T20 શ્રેણીમાં નહીં રમે. જોકે, તે ઈન્ડિયન પ્રીમિયર લીગ (IPL) 2024 પહેલા ફિટ થઈ જાય તેવી શક્યતા છે.

પંડ્યા વર્લ્ડ કપમાં ઈજાગ્રસ્ત થયો હતો
પંડ્યા ઈજાના કારણે વર્લ્ડ કપ 2023માંથી બહાર હતો. 19 ઓક્ટોબરે પુણેમાં રમાયેલી બાંગ્લાદેશ સામેની ટુર્નામેન્ટની મેચમાં તે ઈજાગ્રસ્ત થયો હતો. મેચની નવમી ઓવરના ત્રીજા બોલ પર તેની પગની ઘૂંટી વળી ગઈ હતી. તે પોતે ક્રિઝ પર બેસી ગયો. ગંભીર ઈજાના કારણે તે બાકીની મેચ રમી શક્યો નહોતો. તેની ઓવર પણ વિરાટ કોહલીએ પૂરી કરી હતી.

પગની ઘૂંટી વળી ગયા બાદ હાર્દિક મેદાન પર બેસી ગયો હતો.

પંડ્યા પોતાની ઓવર પૂરી કરી શક્યો ન હતો અને તેને મેદાનની બહાર જવું પડ્યું હતું.

ટીમ ઈન્ડિયા અફઘાનિસ્તાન સામે ત્રણ T-20 મેચની શ્રેણી રમશે
ભારતને જાન્યુઆરીમાં અફઘાનિસ્તાન સામે ત્રણ મેચની T20 શ્રેણી રમવાની છે. પ્રથમ T-20 મેચ 11 જાન્યુઆરીએ મોહાલીમાં રમાશે. બીજી T20 મેચ 14 જાન્યુઆરીએ ઈન્દોરમાં અને ત્રીજી T20 મેચ 17 જાન્યુઆરીએ બેંગલુરુના એમ ચિન્નાસ્વામી સ્ટેડિયમમાં રમાવાની છે.

હાર્દિક મુંબઈ ઈન્ડિયન્સનો કેપ્ટન રહેશે
ભારતીય ટીમનો ઓલરાઉન્ડર હાર્દિક પંડ્યા ઈન્ડિયન પ્રીમિયર લીગની 2024 સીઝનમાં મુંબઈ ઈન્ડિયન્સની કેપ્ટનશિપ કરશે. તે રોહિત શર્માનું સ્થાન લેશે, જેણે MIને 5 ટાઇટલ અપાવ્યું છે. મુંબઈ ઈન્ડિયને એક પ્રેસ રિલીઝ જારી કરીને આ માહિતી આપી છે.

ફ્રેન્ચાઇઝીએ પ્રથમ મહિનામાં પંડ્યાને ગુજરાત ટાઇટન્સ સાથે રૂ. 15 કરોડમાં સોદો કર્યો હતો. પંડ્યા માટે બે ફ્રેન્ચાઇઝી વચ્ચે તમામ રોકડ સોદો હતો. ત્યારથી પંડ્યાના કેપ્ટન બનવાની અટકળો ચાલી રહી હતી.