સ્પોર્ટ્સ ડેસ્ક1 કલાક પેહલા
- કૉપી લિંક
આજે ઈન્ડિયન પ્રીમિયર લીગ (IPL) 2025ની 16મી મેચમાં લખનઉ સુપરજાયન્ટ્સ મુંબઈ ઈન્ડિયન્સ સામે ટકરાશે. આ મેચ લખનઉના હોમ ગ્રાઉન્ડ ભારત રત્ન શ્રી અટલ બિહારી વાજપેયી, એકાના સ્ટેડિયમ ખાતે સાંજે 7:30 વાગ્યાથી રમાશે.
આ સીઝનમાં LSG અને MI વચ્ચે આ પહેલી મેચ હશે. આ સીઝનમાં બંને ટીમની ચોથી મેચ હશે. લખનઉને 3 મેચમાં 1 જીત અને 2 હાર મળી છે. મુંબઈને પણ 3 મેચમાં ફક્ત 1 જીત મળી છે.
મેચ ડિટેઇલ્સ, 16મી મેચ LSG Vs MI તારીખ: 4 એપ્રિલ સ્ટેડિયમ: અટલ બિહારી વાજપેયી (એકાના) સ્ટેડિયમ, લખનઉ ટૉસ: સાંજે 7:00 વાગ્યે, મેચ શરૂ – સાંજે 7:30 વાગ્યે
હેડ ટુ હેડમાં લખનઉનું પલડું ભારે
IPLમાં લખનઉ અને મુંબઈ વચ્ચે 6 મેચ રમાઈ હતી. લખનઉએ 5 અને મુંબઈએ માત્ર 1 જીત મેળવી. બંને ટીમ લખનઉમાં બે વાર એકબીજા સામે ટકરાઈ હતી. લખનઉ બંને વખત જીત્યું. લખનઉ સામે મુંબઈની એકમાત્ર જીત 2023 સીઝનના એલિમિનેટરમાં આવી હતી.
LSG માટે પૂરને સૌથી વધુ રન બનાવ્યા
આ સીઝનમાં LSG માટે નિકોલસ પૂરન સૌથી વધુ રન બનાવનાર ખેલાડી છે. તેણે એક મેચમાં 2 અડધી સદી અને 44 રન બનાવ્યા છે. શાર્દૂલ ઠાકુર, જેને રિપ્લેસમેન્ટ તરીકે સામેલ કરવામાં આવ્યો છે, તે લખનઉનો સૌથી વધુ વિકેટ લેનાર બોલર છે. તેણે 3 મેચમાં 6 વિકેટ લીધી છે.
MI બોલર અશ્વની ફોર્મમાં
મુંબઈ ઈન્ડિયન્સનો બેટર સૂર્યકુમાર યાદવ ટીમનો ટોપ સ્કોરર છે. તેણે 3 મેચમાં 104 રન બનાવ્યા છે. પોતાની છેલ્લી મેચમાં, તેણે કોલકાતા સામે 9 બોલમાં અણનમ 27 રન બનાવ્યા હતા. જ્યારે બોલર અશ્વની કુમાર મુંબઈ તરફથી સૌથી વધુ વિકેટ લેનાર બોલર છે. પોતાની છેલ્લી અને એકમાત્ર મેચમાં, તેણે કોલકાતા સામે 3 ઓવરમાં 24 રન આપીને 4 વિકેટ લીધી.
પિચ રિપોર્ટ લખનઉના એકાના સ્ટેડિયમની પિચ બોલિંગ માટે અનુકૂળ છે. સ્પિનરોને અહીં વધુ મદદ મળે છે. અહીં લો સ્કોરિંગ મેચ જોવા મળી છે. આ સ્ટેડિયમમાં કુલ 15 IPL મેચ રમાઈ હતી. પહેલા બેટિંગ કરનારી ટીમે 7 મેચ જીતી અને ચેઝ કરતી ટીમે પણ 7 મેચ જીતી. 1 મેચ રદ પણ થઈ હતી. મેદાન પર સૌથી વધુ ટીમ સ્કોર 235/6 છે, જે કોલકાતા નાઈટ રાઈડર્સે ગયા વર્ષે લખનઉ સુપરજાયન્ટ્સ સામે બનાવ્યો હતો.
વેધર અપડેટ શુક્રવારે લખનઉમાં તડકો અને ગરમી રહેશે. પવનની ગતિ 15 કિમી પ્રતિ કલાક રહેશે. અહીં તાપમાન 21 થી 36 ડિગ્રી સેલ્સિયસની વચ્ચે રહેશે.
બન્ને ટીમની સંભવિત પ્લેઇંગ-11 લખનઉ સુપર જાયન્ટ્સ (LSG): રિષભ પંત (કેપ્ટન અને વિકેટકીપર), એડન માર્કરમ, મિચેલ માર્શ, નિકોલસ પૂરન, આયુષ બદોની, દિગ્વેશ રાઠી, ડેવિડ મિલર, અબ્દુલ સમદ, રવિ બિશ્નોઈ, શાર્દૂલ ઠાકુર, આવેશ ખાન.
મુંબઈ ઈન્ડિયન્સ (MI): હાર્દિક પંડ્યા (કેપ્ટન), રોહિત શર્મા, રેયાન રિકલ્ટન (વિકેટકીપર), વિલ જેક્સ, સૂર્યકુમાર યાદવ, તિલક વર્મા, નમન ધીર, મિચેલ સેન્ટનર, દીપક ચહર, ટ્રેન્ટ બોલ્ટ, અશ્વની કુમાર.
