- Gujarati News
- Sports
- Cricket
- IPL 2025; LSG Vs PBKS LIVE Score Update; Rishabh Pant | Nicholas Pooran | Shreyas Iyer | Yuzvendra Chahal
સ્પોર્ટ્સ ડેસ્ક51 મિનિટ પેહલા
- કૉપી લિંક
IPL 2025ની 13મી મેચ લખનઉ સુપર જાયન્ટ્સ અને પંજાબ કિંગ્સ વચ્ચે રમાશે. આ મેચ લખનઉના એકાના (અટલ બિહારી વાજપેયી) સ્ટેડિયમ ખાતે સાંજે 7:30 વાગ્યાથી રમાશે. આ સીઝનમાં બંને ટીમ પહેલી વાર એકબીજાનો સામનો કરશે.
18મી સીઝનમાં આ LSGની ત્રીજી અને PBKSની બીજી મેચ હશે. પંજાબે પોતાની પહેલી મેચમાં ગુજરાત ટાઇટન્સને હરાવ્યું હતું. તે જ સમયે, લખનઉને તેની પહેલી મેચમાં દિલ્હી કેપિટલ્સ સામે હારનો સામનો કરવો પડ્યો હતો. જે બાદ બીજી મેચમાં ટીમે સનરાઇઝર્સ હૈદરાબાદ સામે જીત મેળવી.
મેચ ડિટેઇલ્સ, 13મી મેચ LSG Vs PBKS તારીખ: 1 એપ્રિલ સ્ટેડિયમ: અટલ બિહારી વાજપેયી (એકાના) સ્ટેડિયમ, લખનઉ ટૉસ: સાંજે 7:00 વાગ્યે, મેચ શરૂ – સાંજે 7:30 વાગ્યે
પંજાબ સામેની મેચમાં લખનઉનું પ્રભુત્વ IPLમાં અત્યાર સુધીમાં પંજાબ કિંગ્સ અને લખનઉ સુપર જાયન્ટ્સ વચ્ચે કુલ 4 મેચ રમાઈ છે. લખનઉ ત્રણમાં જીત્યું. જ્યારે પંજાબ કિંગ્સ (PBKS)એ એક મેચ જીતી.

નિકોલસ પૂરન લખનઉનો ટૉપ સ્કોરર નિકોલસ પૂરન LSGનો ટૉપ સ્કોરર છે. પોતાની છેલ્લી મેચમાં તેણે હૈદરાબાદ સામે 26 બોલમાં 70 રન બનાવ્યા હતા. દિલ્હી સામેની પહેલી મેચમાં તેણે 30 બોલમાં 75 રન બનાવ્યા હતા. જ્યારે શાર્દૂલ ઠાકુર, જેને રિપ્લેસમેન્ટ તરીકે સામેલ કર્યો હતો. તે લખનઉ માટે સૌથી વધુ વિકેટ લેનાર બોલર બની ગયો છે. તેણે દિલ્હી સામે 2 અને હૈદરાબાદ સામે 4 વિકેટ લીધી હતી.

PBKSનો કેપ્ટન શ્રેયસ અય્યર ટૉપ ક્લાસ ફોર્મમાં ગુજરાત સામેની મેચમાં પંજાબના કેપ્ટન શ્રેયસ અય્યરે 42 બોલમાં 97 રન બનાવ્યા હતા. જ્યારે અર્શદીપ સિંહ 2 વિકેટ સાથે પંજાબનો ટોચનો બોલર છે.

પિચ રિપોર્ટ એકાના સ્ટેડિયમની પિચ બોલિંગ માટે અનુકૂળ છે. સ્પિનરોને અહીં વધુ મદદ મળે છે. આ સ્ટેડિયમમાં કુલ 14 IPL મેચ રમાઈ હતી. પહેલા બેટિંગ કરનારી ટીમે 7 મેચ જીતી અને પહેલા બોલિંગ કરનારી ટીમે 6 મેચ જીતી. 1 મેચ પણ રદ થઈ હતી. IPL 2024માં અહીં કોઈપણ ટીમ 200 રન બનાવી શકી ન હતી, પરંતુ આ વખતે પિચમાં ફેરફાર કરી શકાય છે.
વેધર અપડેટ મંગળવારે લખનઉમાં હવામાન સ્વચ્છ રહેશે. મેચમાં વરસાદની કોઈ શક્યતા નથી. તાપમાન 27 થી 31 ડિગ્રી સેલ્સિયસની આસપાસ રહેશે. પવન 13 કિલોમીટર પ્રતિ કલાકની ઝડપે ફૂંકાશે.
બન્ને ટીમની સંભવિત પ્લેઇંગ-11
લખનઉ સુપર જાયન્ટ્સ (LSG): રિષભ પંત (કેપ્ટન અને વિકેટકીપર), એડન માર્કરમ, મિચેલ માર્શ, નિકોલસ પૂરન, આયુષ બદોની, ડેવિડ મિલર, અબ્દુલ સમદ, રવિ બિશ્નોઈ, પ્રિન્સ યાદવ, શાર્દૂલ ઠાકુર, દિગ્વેશ સિંહ.
પંજાબ કિંગ્સ (PBKS): શ્રેયસ અય્યર (કેપ્ટન), પ્રિયાંશ આર્ય, પ્રભસિમરન સિંહ/જોશ ઇંગ્લિસ (વિકેટકીપર), માર્કસ સ્ટોઇનિસ, ગ્લેન મેક્સવેલ, નેહલ વાઢેરા/અઝમતુલ્લાહ ઓમરઝાઈ, શશાંક સિંહ, સૂર્યાંશ શેડગે, માર્કો યાન્સેન, અર્શદીપ સિંહ, યુઝવેન્દ્ર ચહલ.