સ્પોર્ટ્સ ડેસ્ક11 મિનિટ પેહલા
- કૉપી લિંક
સાઉથ આફ્રિકાના ભૂતપૂર્વ ઓલરાઉન્ડર જેક્સ કાલિસ SA20 લીગમાં ઇમ્પેક્ટ પ્લેયરના નિયમની વિરુદ્ધ છે. તે નથી ઇચ્છતો કે આ લીગમાં આ નિયમ લાવવામાં આવે.
SA20ની ત્રીજી સિઝન પહેલા મીડિયા સાથે વાત કરતા, લીગ એમ્બેસેડર જેક્સ કાલિસે કહ્યું, ‘મને ઇમ્પેક્ટ પ્લેયરનો નિયમ પસંદ નથી કારણ કે મને લાગે છે કે તેનાથી ઓલરાઉન્ડરોની તકો ઓછી થાય છે. અમે સાઉથ આફ્રિકામાં ઓલરાઉન્ડર વિકસાવવાનો પ્રયાસ કરી રહ્યા છીએ અને આ નિયમથી તે ભૂમિકા ઘટી જાય છે. તેથી હું તેને SA20માં જોવા માગતો નથી.’
ઇસ્ટર્ન કેપ ટાઇટલનો ડિફેન્ડ કરી શકે વાતચીત દરમિયાન ભાસ્કરના પ્રશ્નનો જવાબ આપતા કાલિસે કહ્યું કે, સનરાઈઝર્સ ઈસ્ટર્ન કેપ માટે સતત ત્રીજી સિઝનમાં ટાઇટલને ડિફેન્ડ કરવો મુશ્કેલ બનશે. તેઓ તેને બીજી વખત ડિફેન્ડ કરવામાં સફળ થયા, જે અદ્ભુત હતું. ત્રીજી વખત તે કરવું વધુ મુશ્કેલ હશે કારણ કે હવે દરેક ટીમ તેના માટે પાછળ પડશે. ઈસ્ટર્ન કેપની યોજનાઓ સારી રહી છે, અને તેમની પાસે એક સરસ કોચ છે જેણે ટીમ સાથે ખૂબ જ સારી રીતે કામ કર્યું છે. મને વિશ્વાસ છે કે તેઓ તેમના ટાઇટલને ડિફેન્ડ કરી શકશે. તેઓ તે કેવી રીતે કરે છે તે જોવાનું રસપ્રદ રહેશે.
સનરાઇઝર્સ ઇસ્ટર્ન કેપે પ્રારંભિક SA20ની બન્ને સિઝન બંને જીતી આ લીગની પ્રથમ બે સિઝન એડન માર્કરમની કેપ્ટનશિપ હેઠળ સનરાઈઝર્સ ઈસ્ટર્ન કેપ ટીમે જીતી છે. પ્રથમ સિઝનમાં, ઇસ્ટર્ન કેપે પ્રિટોરિયા કેપિટલ્સને હરાવીને ટાઇટલ જીત્યું હતું. જ્યારે ગત સિઝનમાં ટીમે ફાઈનલમાં ડર્બન સુપર જાયન્ટ્સને હરાવીને સતત બીજી વખત ટ્રોફી પોતાના નામે કરી હતી.
સનરાઇઝર્સ ઇસ્ટર્ન કેપે ડરબન સુપર જાયન્ટ્સને 89 રનથી હરાવીને 2024નું ટાઇટલ જીત્યું. ટીમ 2023માં પ્રથમ સિઝનમાં પણ ચેમ્પિયન બની હતી.
9 જાન્યુઆરીએ સનરાઇઝર્સ અને MI કેપટાઉન વચ્ચે પ્રથમ મેચ સાઉથ આફ્રિકાની ફ્રેન્ચાઇઝી લીગ SA20ની ત્રીજી સિઝન આવતા વર્ષે 9 જાન્યુઆરીથી શરૂ થશે. પહેલી મેચ 2 વખતની ચેમ્પિયન સનરાઈઝર્સ ઈસ્ટર્ન કેપ અને MI કેપટાઉન વચ્ચે કેબરાના સેન્ટ જ્યોર્જ પાર્કમાં રમાશે. જ્યારે લીગની ફાઈનલ 8 ફેબ્રુઆરીએ વાન્ડરર્સ ખાતે યોજાશે.
ટુર્નામેન્ટ પ્લેઓફ ત્રણ સ્થળોએ રમાશે ગ્રૂપ સ્ટેજ પછી ટોચની બે ટીમ ક્વોલિફાયર-1 રમશે. જે ટીમ આ મેચ જીતશે તે ફાઈનલમાં પહોંચશે. આ મેચ સેન્ટ જ્યોર્જ પાર્કમાં રમાશે. ત્રીજા અને ચોથા સ્થાનની ટીમ વચ્ચે એલિમિનેટર મેચ રમાશે. આ એલિમિનેટર મેચ જીતનારી ટીમનો સામનો ક્વોલિફાયર-2માં ક્વોલિફાયર-1માં હારનારી ટીમ સાથે થશે. આ બંને મેચ સેન્ચુરિયનમાં રમાશે.
