મહેલા જયવર્દને મુંબઈ ઈન્ડિયન્સના હેડ કોચ બન્યા: માર્ક બાઉચરનું સ્થાન લેશે; જયવર્દને 2017 થી 2022 સુધી કોચ પણ હતો

મુંબઈ ઈન્ડિયન્સ (MI)એ મહેલા જયવર્દનેને IPL 2025 માટે તેમના હેડ કોચ તરીકે નિયુક્ત કર્યો છે. તે માર્ક બાઉચરનું સ્થાન લેશે, જેઓ 2022 અને 2023માં ટીમનો હેડ કોચ હતો.

અગાઉ, જયવર્દને 2017 થી 2022 સુધી સતત પાંચ વર્ષ સુધી ટીમનો હેડ કોચ હતો. અન્ય લીગમાં MIના વૈશ્વિક વિસ્તરણને કારણે 2022માં તેને ફ્રેન્ચાઇઝીના ગ્લોબલ હેડ બનાવ્યો હોવા છતાં, તેને હવે ફરી લાવવામાં આવ્યો છે.

પારસ મ્હામ્બરે મુંબઈ ઈન્ડિયન્સમાં જોડાઈ શકે ભૂતપૂર્વ ભારતીય કોચ પારસ મ્હામ્બ્રે ઈન્ડિયન પ્રીમિયર લીગની આગામી સિઝનમાં મુંબઈ ઈન્ડિયન્સ સાથે જોડાઈ શકે છે. તે આ વર્ષના અંતમાં યોજાનારી મેગા ઓક્શનમાં પણ હાજર રહી શકે છે.

અહેવાલો દાવો કરી રહ્યા છે કે પારસ ટૂંક સમયમાં MI સાથે જોડાવા જઈ રહ્યો છે, જે IPLની સૌથી સફળ ફ્રેન્ચાઈઝીઓમાંની એક છે, જોકે ફ્રેન્ચાઈઝીએ હજુ સુધી કોઈ જાહેરાત કરી નથી. પારસ 29 જૂને T20 વર્લ્ડ કપ જીતનાર ભારતીય ટીમના બોલિંગ કોચ રહી ચૂક્યો છે.

T-20 વર્લ્ડ કપ જીતનાર ભારતીય ટીમના કોચિંગ સ્ટાફ સાથે પારસ મ્હામ્બરે (થમ્બ્સ અપ આપતા).

રાહુલ દ્રવિડ અને વિક્રમ રાઠોડ રાજસ્થાનના કોચ ગયા મહિને રાહુલ દ્રવિડ અને વિક્રમ રાઠોડ રાજસ્થાન રોયલ્સ સાથે જોડાયા હતા. ફ્રેન્ચાઇઝીએ 20 સપ્ટેમ્બરના રોજ બંને ભારતીય કોચને જોડવાની જાહેરાત કરી હતી. ભારતીય ટીમે દ્રવિડ અને રાઠોડના કોચિંગ હેઠળ T-20 વર્લ્ડ કપ જીત્યો હતો.

પારસ મ્હામ્બરે વિક્રમ રાઠોડ અને રાહુલ દ્રવિડ સાથે ભારતીય ટીમને કોચિંગ આપ્યું હતું.

પારસ એક ખેલાડી કરતાં કોચ તરીકે વધુ સફળ બન્યો પારસ મ્હામ્બરેએ ભારત માટે 2 ટેસ્ટ અને 3 વન-ડે રમી છે. તેની ફર્સ્ટ ક્લાસ કારકિર્દી શાનદાર રહી, પરંતુ તેને આંતરરાષ્ટ્રીય સ્તરે વધુ સફળતા મળી ન હતી. પારસ વિશે એવું કહેવાય છે કે તે એક ખેલાડી કરતાં વધુ પ્રતિભાશાળી કોચ છે.