મીરપુર28 મિનિટ પેહલા
- કૉપી લિંક
સાઉથ આફ્રિકાએ મીરપુર ટેસ્ટમાં બાંગ્લાદેશને 7 વિકેટે હરાવ્યું છે. ગુરુવારે મેચના ચોથા દિવસે ટીમે પ્રથમ સેશનમાં 3 વિકેટ ગુમાવીને 106 રનનો ટાર્ગેટ ચેઝ કર્યો હતો. બાંગ્લાદેશ બીજી ઇનિંગમાં 307 રનમાં ઓલઆઉટ થઈ ગયું હતું.
શેર-એ-બાંગ્લા નેશનલ સ્ટેડિયમમાં ટૉસ જીતીને બેટિંગ કરવા ઉતરેલી બાંગ્લાદેશની ટીમ 106 રનમાં ઓલઆઉટ થઈ ગઈ હતી. ત્યારબાદ સાઉથ આફ્રિકાએ 308 રન બનાવ્યા અને 202 રનની લીડ લીધી. કાયલ વર્ન પ્લેયર ઓફ ધ મેચ રહ્યો હતો. તેણે પ્રથમ દાવમાં 114 રન બનાવ્યા હતા. કાગિસો રબાડાએ મેચમાં કુલ 9 વિકેટ લીધી હતી.
બાંગ્લાદેશે 106 રનનો ટાર્ગેટ આપ્યો હતો બાંગ્લાદેશે સાઉથ આફ્રિકાને 106 રનનો ટાર્ગેટ આપ્યો હતો. ટીમે મેચના ચોથા દિવસે 283 રનથી રમવાનું શરૂ કર્યું અને 307 રન પર સમેટાઈ ગઈ. મેહદી હસન મિરાજે 97 રનની ઇનિંગ રમી હતી. ઝાકિર હસને 58 રન બનાવ્યા હતા. ગુરુવારે દક્ષિણ આફ્રિકા તરફથી કાગિસો રબાડાએ 6 વિકેટ ઝડપી હતી. જ્યારે કેશવ મહારાજને 3 વિકેટ મળી હતી.
મેહદી હસન મિરાજે 97 રનની ઇનિંગ રમી હતી.
અહીંથી પ્રથમ 3 દિવસની રમત…
ત્રીજા દિવસની રમત… મીરપુર ટેસ્ટના ત્રીજા દિવસે બાંગ્લાદેશે બીજા દાવમાં 81 રનની લીડ મેળવી લીધી છે. ટીમે બુધવારે તેના ગઈકાલના 101 રનના સ્કોરથી આગળ રમવાનું શરૂ કર્યું હતું. ઓલરાઉન્ડર મેહદી હસન મિરાજની ફિફ્ટીને કારણે બાંગ્લાદેશે 7 વિકેટ ગુમાવીને 283 રન બનાવી લીધા છે. ખરાબ પ્રકાશને કારણે ત્રીજા દિવસે સ્ટમ્પ મોકૂફ રાખવામાં આવ્યા હતા.
પ્રોટીઝ ટીમ માટે કાગીસો રબાડાએ સૌથી વધુ 6 વિકેટ લીધી હતી. તેના સિવાય કેશવ મહારાજને 3 વિકેટ મળી હતી.
ઝાકર અલીએ ડેબ્યૂમાં જ ફિફ્ટી ફટકારી હતી. તેણે 58 રનની ઇનિંગ રમી હતી.
બીજા દિવસની રમત… મીરપુર ટેસ્ટના બીજા દિવસે બાંગ્લાદેશે બીજા દાવમાં 3 વિકેટ ગુમાવીને 101 રન બનાવ્યા હતા. ઓપનર મહમૂદ હસન 40 રન અને મુશફિકુર રહીમ 33 રન બનાવીને પેવેલિયન પરત ફર્યા હતા. આ પહેલા મંગળવારે સવારે દક્ષિણ આફ્રિકાએ પ્રથમ દાવમાં 202 રનની લીડ મેળવી હતી. પ્રોટીઝ ટીમ 308 રન બનાવીને ઓલઆઉટ થઈ ગઈ હતી.
ટીમે તેના 140 રનના સ્કોરથી આગળ રમવાનું શરૂ કર્યું અને વિકેટકીપર બેટર કાયલ વેરીનની શાનદાર સદી અને વિયાન મુલ્ડરની અર્ધશતકને કારણે ટર્નિંગ ટ્રેક પર 308 રન બનાવ્યા. બાંગ્લાદેશ તરફથી તૈજુલ ઈસ્લામે 5 વિકેટ લીધી હતી. જ્યારે હસન મહમૂદે 3 અને મેહદી હસન મિરાજને 2 વિકેટ મળી હતી.
તૈજુલ ઈસ્લામે 36 ઓવરમાં 122 રન આપીને 5 વિકેટ લીધી હતી.
પ્રથમ દિવસની રમત… આ પહેલા બાંગ્લાદેશની ટીમ પ્રથમ દાવમાં 106 રનમાં ઓલઆઉટ થઈ ગઈ હતી. મેચના પ્રથમ દિવસે બાંગ્લાદેશે ટૉસ જીતીને બેટિંગ કરવાનું પસંદ કર્યું હતું.
ટીમ માટે ઓપનર મહમુદુલ હસન જોયે સૌથી વધુ 30 રન બનાવ્યા હતા. ટીમના પાંચ બેટ્સમેન બે આંકડાને પાર કરી શક્યા ન હતા. ઓપનર શાદમાન ઈસ્લામ 0, મોમિનુલ હક 4, કેપ્ટન નઝમુલ હસન શાંતો 7, મુશફિકુર રહીમ 11, લિટન દાસ 1 અને મેહદી હસન મિરાજ 13 રન બનાવીને આઉટ થયા હતા. કાગીસો રબાડા, વિયાન મુલ્ડર અને કેશવ મહારાજે 3-3 વિકેટો લીધી હતી.
મીરપુર ટેસ્ટ પહેલા સ્ટેડિયમની બહાર ચાહકો વચ્ચે ઘર્ષણ થયું હતું. કેટલાક શાકિબ અલ હસનને રમવાના પક્ષમાં હતા જ્યારે કેટલાક તેના રમવાના વિરોધમાં હતા.
