દેહરાદૂન36 મિનિટ પેહલા
- કૉપી લિંક
વડાપ્રધાન નરેન્દ્ર મોદીએ મંગળવારે દેહરાદૂનના રાજીવ ગાંધી સ્ટેડિયમમાં 38મી નેશનલ ગેમ્સનું ઉદ્ઘાટન કર્યું. આ પ્રસંગે શાળાના 2025 વિદ્યાર્થીઓએ શંખ ફૂંક્યા હતા. પીએમ મોદીએ સમારોહમાં કહ્યું, ‘અમે રમતગમતના વિકાસને પ્રાથમિકતા આપી છે. સ્પોર્ટ્સ બજેટમાં ત્રણ ગણો વધારો કરવામાં આવ્યો છે. દેશના ખેલાડીઓ મને પીએમ એટલે કે વડાપ્રધાન નહીં પણ બેસ્ટ ફ્રેન્ડ કહે છે.’
‘બાબા કેદારની પૂજા સાથે નેશનલ ગેમ્સની શરૂઆત થઈ રહી છે. દેશના દરેક ખૂણેથી યુવાનો આ ગેમ્સમાં પોતાનું કૌશલ્ય પ્રદર્શિત કરશે. અહીં મને એક ભારત, શ્રેષ્ઠ ભારતનું ચિત્ર દેખાય છે. આ વખતે નેશનલ ગેમ્સ પણ ગ્રીન ગેમ્સ ઓફ યુનિટી છે. આમાં પર્યાવરણને અનુકૂળ વસ્તુઓનો ઉપયોગ કરવામાં આવી રહ્યો છે.’
અહીં ભારતીય બેડમિન્ટન ખેલાડી લક્ષ્ય સેન મશાલ લઈને આવ્યો હતો. રાજ્યોની પરેડમાં તમામ રાજ્યોના ખેલાડીઓએ ભાગ લીધો હતો. સમારોહમાં ઉત્તરાખંડના ગવર્નર લેફ્ટનન્ટ જનરલ ગુરમીત સિંહ (નિવૃત્ત), સીએમ પુષ્કર સિંહ ધામી અને IOA પ્રમુખ પીટી ઉષા હાજર હતા. પ્લેબેક સિંગર જુબીન નૌટિયાલે 25 હજાર દર્શકોની સામે પરફોર્મ કર્યું હતું.
પીએમ નરેન્દ્ર મોદીએ સીએમ ધામીની સાથે કારમાં બેસીને મેદાનની આસપાસ ફરી દર્શકોનું અભિવાદન કર્યું હતું.
પીએમ મોદીના મુખ્ય વાતો…
- દેવભૂમિ આજે વધુ દિવ્ય બની છે. બાબા કેદારની પૂજા સાથે નેશનલ ગેમ્સની શરૂઆત થઈ રહી છે. ઉત્તરાખંડનું આ 25મું વર્ષ છે. દેશના દરેક ખૂણેથી યુવાનો આ ગેમ્સમાં પોતાનું કૌશલ્ય પ્રદર્શિત કરશે.
- અહીં એક ભારત, શ્રેષ્ઠ ભારતનું ચિત્ર દેખાય છે. આ વખતે નેશનલ ગેમ્સ પણ ગ્રીન ગેમ્સ ઓફ યુનિટી છે. આમાં પર્યાવરણને અનુકૂળ વસ્તુઓનો ઉપયોગ કરવામાં આવી રહ્યો છે.
- દેશના ખૂણે ખૂણેથી યુવાનો પોતાની ક્ષમતા બતાવશે. આ વખતે નેશનલ ગેમ્સમાં ઘણી પરંપરાગત રમતોનો સમાવેશ કરવામાં આવ્યો છે. તેને ગ્રીન ગેમ પણ કહેવામાં આવે છે. હું તમામ ખેલાડીઓને સારા પ્રદર્શનની શુભેચ્છા પાઠવું છું.
- આજે સમગ્ર વર્ષ દરમિયાન અનેક ટુર્નામેન્ટનું આયોજન કરવામાં આવે છે. ખેલ ઈન્ડિયા યુથ ગેમ્સ દ્વારા ઘણા યુવાનોને આગળ વધવાની તક મળી. હવે થોડા દિવસો પહેલા ખેલો ઈન્ડિયા વિન્ટર ગેમ્સની પાંચમી આવૃત્તિનું આયોજન કરવામાં આવ્યું હતું.
- થોડા દિવસ પહેલા જ આપણી ખો-ખો ટીમ વર્લ્ડ કપ જીતી હતી. ગુકેશ ચેસમાં સૌથી યુવા વર્લ્ડ ચેમ્પિયન બન્યો છે. ભારત 2036 ઓલિમ્પિકની યજમાની માટે પૂરા પ્રયાસો કરી રહ્યું છે.
ઓપનિંગ સેરેમની દરમિયાન પીએમ નરેન્દ્ર મોદી, સીએમ પુષ્કર સિંહ ધોની.
સાંસ્કૃતિક પ્રસ્તુતિઓની ઝલક
