Related posts
વેલિંગ્ટન29 મિનિટ પેહલા
- કૉપી લિંક
વેલિંગ્ટનમાં ઓસ્ટ્રેલિયા અને ન્યૂઝીલેન્ડ વચ્ચે ટેસ્ટ શ્રેણીની પ્રથમ મેચ રમાઈ રહી છે. ત્રીજા દિવસની રમતના અંત સુધીમાં ન્યૂઝીલેન્ડે તેના બીજા દાવમાં 3 વિકેટે 111 રન બનાવી લીધા હતા. ટીમને 369 રનનો ટાર્ગેટ મળ્યો છે, તેથી તેને 2 દિવસમાં વધુ 258 રનની જરૂર છે.
ત્રીજા દિવસે ઓસ્ટ્રેલિયા તેની બીજી ઇનિંગમાં માત્ર 164 રન બનાવી શકી હતી. ન્યૂઝીલેન્ડ તરફથી ઓફ સ્પિનર ગ્લેન ફિલિપ્સે 5 વિકેટ ઝડપી હતી. કેન વિલિયમસન પ્રથમ દાવમાં 0 રન અને બીજા દાવમાં 9 રનના સ્કોર પર પેવેલિયન પરત ફર્યો હતો.
ખ્વાજા-ગ્રીને ઓસ્ટ્રેલિયાની કમાન સંભાળી
ત્રીજા દિવસે ઓસ્ટ્રેલિયાએ તેનો બીજો દાવ 13/2ના સ્કોર સાથે આગળ ધપાવ્યો હતો. ઉસ્માન ખ્વાજા 5 રન બનાવીને નોટઆઉટ પરત ફર્યા હતા અને નાઈટ વોચમેન નાથન લાયને 6 રન બનાવ્યા હતા. બંનેએ ટીમના સ્કોરને 50 રનથી આગળ લઈ ગયા હતા, લાયન 41 રન બનાવીને આઉટ થયો હતો. તેના પછી ખ્વાજા પણ 28 રન બનાવી પેવેલિયન પરત ફર્યો હતો.
પ્રથમ દાવમાં સદી ફટકારનાર કેમરૂન ગ્રીને 34 રન અને ટ્રેવિસ હેડે 29 રન ફટકારીને ટીમનો સ્કોર 100 રન સુધી પહોંચાડ્યો હતો. હેડ 127 રનના સ્કોર સાથે પેવેલિયન પરત ફર્યો હતો.
ફિલિપ્સની 5 વિકેટ
ત્રીજા દિવસે પણ પિચ પર ઘણો ટર્ન જોવા મળ્યો હતો. આનો ફાયદો ન્યૂઝીલેન્ડના ઓફ સ્પિનર ગ્લેન ફિલિપ્સે લીધો હતો. તેણે 5 વિકેટ લઈને ઓસ્ટ્રેલિયાની ઇનિંગ્સને 164 રનમાં ઘટાડી દીધી હતી. મેટ હેનરીએ 3 અને ટિમ સાઉથીએ 2 વિકેટ ઝડપી હતી.
અંતે ઓસ્ટ્રેલિયા તરફથી એલેક્સ કેરી 3, મિચેલ સ્ટાર્ક 12, પેટ કમિન્સ 8 અને મિચેલ માર્શ ખાતું ખોલાવ્યા વગર આઉટ થઈ ગયા હતા. જોશ હેઝલવુડ એક રન બનાવીને નોટઆઉટ પરત ફર્યો હતો.
ન્યૂઝીલેન્ડની ખરાબ શરૂઆત, વિલિયમસન 9 રન બનાવીને આઉટ
પ્રથમ દાવમાં ઓસ્ટ્રેલિયાએ 383 રન અને ન્યૂઝીલેન્ડે 179 રન બનાવ્યા હતા. આથી ઓસ્ટ્રેલિયાએ બીજા દાવમાં 164 રન બનાવ્યા બાદ ન્યૂઝીલેન્ડને 369 રનનો ટાર્ગેટ મળ્યો હતો. ટોમ લાથમ 8, વિલ યંગ 15 અને ભૂતપૂર્વ કેપ્ટન કેન વિલિયમસન માત્ર 9 રન બનાવીને આઉટ થયા હતા.
કિવી ટીમે 59 રનના સ્કોર પર 3 વિકેટ ગુમાવી દીધી હતી. અહીંથી રચિન રવીન્દ્રએ ડેરિલ મિચેલ સાથે મળીને ટીમના સ્કોરને 100 રનની પાર પહોંચાડ્યો હતો. રચિન 56 રન બનાવીને નોટઆઉટ અને મિચેલ 12 રન બનાવીને અણનમ પરત ફર્યા હતા.
નાથન લાયનને 2 વિકેટ
ઓસ્ટ્રેલિયા તરફથી નાથન લાયને 2 વિકેટ લીધી હતી જ્યારે એક સફળતા ટ્રેવિસ હેડને મળી હતી. ત્રીજા દિવસની રમતના અંત સુધીમાં ન્યૂઝીલેન્ડે 3 વિકેટના નુકસાન પર 111 રન બનાવી લીધા હતા. ટીમ હજુ પણ લક્ષ્યાંકથી 258 રન પાછળ છે. ચોથા દિવસની રમત રવિવારે ભારતીય સમય અનુસાર સવારે 3.30 કલાકે શરૂ થશે.
