સ્પોર્ટ્સ ડેસ્ક17 મિનિટ પેહલા
- કૉપી લિંક
સર્બિયન ટેનિસ ખેલાડી નોવાક જોકોવિચ એટીપી માસ્ટર્સ 1000 ટુર્નામેન્ટના સેમિફાઈનલમાં પહોંચનાર સૌથી મોટી ઉંમરનો ખેલાડી બન્યો છે. તેણે રોજર ફેડરરનો 6 વર્ષ જૂનો રેકોર્ડ તોડ્યો. રોજર ફેડરરે 2019માં ઇન્ડિયન વેલ્સ અને મિયામી ઓપનની સેમિફાઈનલમાં પહોંચીને આ રેકોર્ડ બનાવ્યો હતો. ત્યારે તે 37 વર્ષ અને 7 મહિનાનો હતો.
શુક્રવારે, જોકોવિચ 37 વર્ષ અને 10 મહિનાની ઉંમરે મિયામી ઓપનની સેમિફાઈનલમાં પહોંચ્યો. જો જોકોવિચ શનિવારે સેમિફાઈનલ મેચ જીતે છે, તો તે તેની 100મી પ્રોફેશનલ જીત હશે.
જોકોવિચ તેની 100મી પ્રોફેશનલ જીતથી માત્ર એક ડગલું દૂર છે.
કોર્ડાને હરાવ્યો, દિમિત્રોવનો સામનો કરશે ચોથા ક્રમાંકિત જોકોવિચે ક્વાર્ટર ફાઈનલમાં 14મા ક્રમાંકિત અમેરિકાના સેબેસ્ટિયન કોર્ડાને 6-3, 7-6થી હરાવ્યો. શનિવારે સેમિફાઈનલમાં જોકોવિચનો મુકાબલો બલ્ગેરિયાના ગ્રિગોર દિમિત્રોવ સામે થશે.
અત્યાર સુધીમાં બંને વચ્ચે 13 મેચ રમાઈ છે, જેમાંથી જોકોવિચે ૧૨ મેચ જીતી છે. દિમિત્રોવે 1 મેચ જીતી છે. ગયા વર્ષે, ગ્રિગોર દિમિત્રોવ મિયામી ઓપનની ફાઈનલમાં પહોંચ્યો હતો, જેમાં તે જાનિક સિનર સામે હારી ગયો હતો.
ગ્રિગોર દિમિત્રોવ ATP રેન્કિંગમાં વિશ્વના ત્રીજા ક્રમે છે.
જોકોવિચે અત્યાર સુધીમાં 24 ગ્રાન્ડ સ્લેમ જીત્યા નોવાક જોકોવિચે અત્યાર સુધીમાં 24 ગ્રાન્ડ સ્લેમ ટાઇટલ જીત્યા છે. તેણે 10 ઓસ્ટ્રેલિયન ઓપન, 3 ફ્રેન્ચ ઓપન, 7 વિમ્બલ્ડન અને 4 યુએસ ઓપન ટાઇટલ જીત્યા છે. તે ઘણી વખત વિશ્વ નંબર 1 રહ્યો છે અને વધુમાં વધુ અઠવાડિયા સુધી ટોચના રેન્કિંગ પર રહેવાનો રેકોર્ડ પણ ધરાવે છે.
સબાલેન્કા મિયામી ઓપનની ફાઈનલમાં પહોંચી શુક્રવારે મહિલા સેમિફાઈનલ રાઉન્ડમાં આરીના સબાલેન્કાએ ઇટાલીની જાસ્મીન પાઓલિનીને 6-2, 6-2થી હરાવી. હવે શનિવારે ફાઈનલમાં સબાલેન્કાનો મુકાબલો અમેરિકાની જેસિકા પેગુલા સામે થશે. પેગુલાએ ફિલિપાઇન્સની 19 વર્ષીય એલેક્ઝાન્ડ્રા ઇલાને ત્રણ સેટમાં હરાવી.
