દુબઈ4 મિનિટ પેહલા
- કૉપી લિંક
પાકિસ્તાનની ટીમ ICC ટેસ્ટ રેન્કિંગમાં આઠમા નંબરે સરકી ગઈ છે. બાંગ્લાદેશ સામેની સિરીઝની હારને કારણે તેને 2 સ્થાનનું નુકસાન થયું છે. હાલમાં પાકિસ્તાનના 76 રેટિંગ પોઈન્ટ છે. 1965 પછી પાકિસ્તાની ટીમનું આ સૌથી ઓછું રેટિંગ છે.
બુધવારે જાહેર કરવામાં આવેલી રેન્કિંગમાં ભારતીય ટીમ 120 પોઈન્ટ સાથે બીજા સ્થાને છે જ્યારે ઓસ્ટ્રેલિયા (124 પોઈન્ટ) ટોપ પર છે. ટીમ ટેસ્ટ ક્રિકેટના ઈતિહાસમાં પ્રથમ વખત બાંગ્લાદેશ સામે સિરીઝ હારી છે. બાંગ્લાદેશે પાકિસ્તાન સામેની 2 મેચની શ્રેણીમાં 2-0થી ક્લીન સ્વીપ કર્યું હતું. યજમાન ટીમ પ્રથમ ટેસ્ટ 10 વિકેટે અને બીજી ટેસ્ટ 6 વિકેટથી હારી ગઈ હતી. જોકે બાંગ્લાદેશને શ્રેણી જીતીને રેન્કિંગમાં વધુ ફાયદો થયો નથી. ટીમ 13 રેટિંગ પોઈન્ટ મેળવીને 66 રેટિંગ પોઈન્ટ સાથે નવમા સ્થાને છે.
પાકિસ્તાન બાંગ્લાદેશ સામેની ટેસ્ટ શ્રેણી 0-2થી હારી ગયું છે.
શ્રીલંકા અને વેસ્ટ ઈન્ડિઝને ફાયદો થયો
પાકિસ્તાનના ખરાબ પ્રદર્શનનો ફાયદો શ્રીલંકા અને વેસ્ટ ઈન્ડિઝની ટીમને મળ્યો છે. બંને ટીમ રેન્કિંગમાં એક-એક સ્થાન ઉપર પહોંચી ગઈ છે. શ્રીલંકા 83 રેટિંગ પોઈન્ટ સાથે છઠ્ઠા નંબર પર છે. જ્યારે વેસ્ટ ઈન્ડિઝ 77 રેટિંગ પોઈન્ટ સાથે સાતમા નંબર પર છે.
ટૉપ-5 ટીમના રેન્કિંગમાં કોઈ ફેરફાર નહીં
ICCની તાજેતરની ટેસ્ટ રેન્કિંગમાં ટૉપ-5 ટીમની સ્થિતિમાં કોઈ ફેરફાર થયો નથી. પહેલાની જેમ ઓસ્ટ્રેલિયા 124 રેટિંગ પોઈન્ટ સાથે પ્રથમ સ્થાને છે, ભારત 120 રેટિંગ પોઈન્ટ સાથે બીજા સ્થાને છે, ઇંગ્લેન્ડ 108 રેટિંગ પોઈન્ટ સાથે ત્રીજા સ્થાને છે, સાઉથ આફ્રિકા 104 રેટિંગ પોઈન્ટ સાથે ચોથા સ્થાને છે અને ન્યૂઝીલેન્ડ ચોથા સ્થાને છે. 96 રેટિંગ પોઈન્ટ સાથે પાંચમા ક્રમે છે.
