સેન્ચ્યુરીયન10 કલાક પેહલા
- કૉપી લિંક
સાઉથ આફ્રિકાનો કેપ્ટન ટેમ્બા બાવુમા ભારત સામે 3 જાન્યુઆરીથી કેપટાઉનમાં રમાનારી બીજી ટેસ્ટ મેચમાંથી બહાર થઈ ગયો છે. ડીન એલ્ગર બીજી ટેસ્ટમાં તેના સ્થાને ટીમનું સુકાન સંભાળશે.
મેચ સમાપ્ત થતાં, દક્ષિણ આફ્રિકાના મુખ્ય કોચ શુક્રી કોનરાડએ પુષ્ટિ કરી કે ટેમ્બા બાવુમા હેમસ્ટ્રિંગના તાણ સાથે બહાર છે. તે આગામી મેચ ચૂકી જશે.
સેન્ચુરિયનમાં રમાયેલી પ્રથમ ટેસ્ટમાં ભારતને ઇનિંગ્સ અને 32 રને હરાવીને દક્ષિણ આફ્રિકાએ બે ટેસ્ટ મેચની શ્રેણીમાં 1-0ની લીડ મેળવી લીધી છે.
બાવુમા પ્રથમ ટેસ્ટ મેચના પહેલા દિવસે ઈજાગ્રસ્ત થયો હતો
સેન્ચુરિયન ટેસ્ટ મેચના પહેલા દિવસે 20મી ઓવરમાં લોંગ-ઓફમાં બાઉન્ડરી પહેલા બોલને રોકવામાં બાવુમા ઈજાગ્રસ્ત થયો હતો. ત્યારબાદ તે તરત જ મેદાન છોડી ગયો અને તેને સ્કેન માટે મોકલવામાં આવ્યો, જેમાં તાણ હોવાનું બહાર આવ્યું.
ટેસ્ટના પહેલા જ દિવસે ટેમ્બા બાવુમા ઈજાગ્રસ્ત થયો હતો. તે આખી મેચમાં ફરી મેદાન પર આવી શક્યો નહોતો.
મુખ્ય કોચે નિવેદન આપ્યું
ટીમના મુખ્ય કોચ શુક્રી કોનરાડે મેચ બાદ કહ્યું કે બાવુમાની શારીરિક સ્થિતિ બહુ સારી નથી. તે દરેક વળાંક પર ટીમ માટે બેટિંગ કરવા તૈયાર હતો. અમે તેની ઈજા પર નજર રાખી રહ્યા હતા. તેની હાલત જોઈને અમને લાગ્યું કે જો તેને બેટિંગ માટે મોકલવામાં આવે તો તેની ઈજા વધુ બગડી શકે છે.
જો અમે વહેલી વિકેટ ગુમાવી દીધી હોત તો કદાચ તેને બેટિંગમાં મોકલવામાં આવ્યો હોત. 150 રનથી આગળ હોવાથી મને લાગ્યું કે જોખમ ઉઠાવવું જરૂરી નથી.
દક્ષિણ આફ્રિકા 10 ખેલાડીઓ સાથે પણ ભારે પડ્યું
10 ખેલાડીઓ સાથે પણ દક્ષિણ આફ્રિકાએ ટીમ ઈન્ડિયાના 11 ખેલાડીઓને પછાડી દીધા. ટીમનો કેપ્ટન ટેમ્બા બાવુમા પ્રથમ દાવની 20મી ઓવરમાં ફિલ્ડિંગ કરતી વખતે ઈજાગ્રસ્ત થયો હતો. તે મેચમાં ફરીથી મેદાનમાં ઉતરી શક્યો ન હતો. ટીમે પણ પ્રથમ દાવમાં 9 વિકેટના નુકસાન પર 408 રન બનાવ્યા હતા. બાવુમા ઈજાના કારણે બેટિંગ કરવા આવ્યો ન હતો.
આટલું જ નહીં દક્ષિણ આફ્રિકાના 10 બેટર્સની પ્રથમ ઈનિંગ પણ ટીમ ઈન્ડિયાના 11-11 ખેલાડીઓની બે ઈનિંગ્સ કરતાં ભારે હતી. કારણ કે ટીમ ઈન્ડિયા 2 ઈનિંગ્સ રમીને પણ દક્ષિણ આફ્રિકા દ્વારા એક દાવમાં બનાવેલા 408 રનના સ્કોરને પાર કરી શકી નથી. ટીમ પ્રથમ દાવમાં 245 રન અને બીજી ઈનિંગમાં 131 રન જ બનાવી શકી હતી.
