સુમિત નાગલે હેઇલબ્રોન નેકરકપ ટાઇટલ જીત્યું: ફાઈનલમાં સ્વિટ્ઝર્લેન્ડના એલેક્ઝાન્ડરને હરાવ્યો; કારકિર્દીનું છઠ્ઠું એટીપી ચેલેન્જર ટાઇટલ

સુમિતે સ્વિટ્ઝર્લેન્ડના એલેક્ઝાન્ડર રિચાર્ડને ત્રણ સેટમાં 6-1, 6(5)-7(7), 6-3થી હરાવ્યો હતો.

ભારતના નંબર 1 ટેનિસ ખેલાડી સુમિત નાગલે રવિવારે જર્મનીમાં હેઇલબ્રોન નેકરકપ 2024 એટીપી ચેલેન્જર ટેનિસ ટૂર્નામેન્ટમાં પુરૂષ સિંગલ્સનો ખિતાબ જીત્યો. મેન્સ સિંગલ્સની વર્લ્ડ રેન્કિંગમાં 95માં ક્રમે રહેલા ભારતીય ટેનિસ ખેલાડીએ બે કલાક અને 22 મિનિટ સુધી ચાલેલી ફાઈનલમાં વિશ્વના 184માં નંબરના સ્વિટ્ઝર્લેન્ડના એલેક્ઝાન્ડર રિચાર્ડને ત્રણ સેટમાં 6-1, 6(5)-7(7), 6-3થી હરાવ્યો હતો.

નાગલની કારકિર્દીની આ છઠ્ઠી ATP ચેલેન્જર જીત છે. આ વર્ષની શરૂઆતમાં ઘરની ધરતી પર ચેન્નઈ ઓપન ટાઈટલ જીત્યા બાદ આ વર્ષની બીજી ટાઈટલ જીત છે.

સુમિતે આ વર્ષે ફેબ્રુઆરીમાં ચેન્નઈ ઓપન જીતી હતી અને એટીપી રેન્કિંગમાં ટોપ 100માં સ્થાન મેળવ્યું હતું. ચેન્નઈ ઓપન પણ ચેલેન્જર ટુરનો એક ભાગ છે.

ATP ચેલેન્જર ટૂર શું છે?
એટીપી ચેલેન્જર ટૂર 2008ના અંત સુધી એટીપી ચેલેન્જર સિરીઝ તરીકે જાણીતી હતી. ઇન્ટરનેશનલ એ મેન્સની પ્રોફેશનલ ટેનિસ ટુર્નામેન્ટની સિરીઝ છે. ચેલેન્જર ટૂર પ્રોગ્રામ એટીપી ટૂર પછી બીજી સૌથી મોટી ટેનિસ સિરીઝ છે.

સુમિત નાગલનું પ્રદર્શન આ વર્ષે સારું રહ્યું
આ વર્ષે સુમિત નાગલનું પ્રદર્શન વધુ સારું રહ્યું છે. તે વર્ણેષની પહેલી ગ્રાન્ડ સ્લેમ ઓસ્ટ્રેલિયાન ઓપનમાં એલેક્ઝાન્ડર બુબ્લિકને હરાવીને વર્ષની શરૂઆત કરી. આ પછી, તેણે ચેન્નઈ ઓપન જીતી અને ATP રેન્કિંગમાં ટોચના 100માં સ્થાન મેળવ્યું. ભારતીય ટેનિસ ખેલાડીએ તાજેતરમાં ફ્રેન્ચ ઓપનમાં ભાગ લીધો હતો જ્યાં તે પહેલા રાઉન્ડમાં જ બહાર થઈ ગયો હતો.