ભારત અને ઇંગ્લેન્ડ વચ્ચે આજે પ્રથમ T20: બંને ટીમ બીજીવાર કોલકાતામાં ટકરાશે, મોહમ્મદ શમી 14 મહિના પછી પરત ફર્યો; ટીમની સંભવિત પ્લેઇંગ-11

ભારત અને ઇંગ્લેન્ડ વચ્ચે 5 મેચની T20 સિરીઝની પ્રથમ મેચ આજે રમાશે. કોલકાતાના ઈડન ગાર્ડન્સ સ્ટેડિયમમાં 13 વર્ષ બાદ બંને ટીમ ટકરાશે. છેલ્લી વખત બંને ટીમ અહીં 2011માં આવી હતી, જ્યારે ઇંગ્લેન્ડે 6 વિકેટે જીત મેળવી હતી.

મેચ ડિટેઇલ્સ તારીખ- 22 જાન્યુઆરી, 2025 સ્થાન- ઈડન ગાર્ડન્સ, કોલકાતા સમય- ટૉસ- 6:30 PM, મેચ શરૂ- 7:00 PM

ભારતે ઇંગ્લેન્ડ સામે 54% મેચ જીતી 2007ના વર્લ્ડ કપમાં ભારત અને ઇંગ્લેન્ડ વચ્ચે પ્રથમ T-20 મેચ રમાઈ હતી. 2007 થી, બંને ટીમ વચ્ચે 24 T-20 રમાઈ હતી. ભારતે 54% એટલે કે 13 અને ઇંગ્લેન્ડ 11 જીત્યા. બંને ટીમે ભારતમાં 11 મેચ રમી છે, અહીં પણ ટીમ ઈન્ડિયા આગળ છે. ટીમે 6 મેચ જીતી હતી અને ઇંગ્લેન્ડે 5 મેચ જીતી હતી.

ઇંગ્લિશ ટીમે ભારતમાં આ ફોર્મેટની છેલ્લી સિરીઝ 14 વર્ષ પહેલા 2011માં જીતી હતી. ઇંગ્લેન્ડને ઘરઆંગણે છેલ્લી સફળતા 2014માં મળી હતી. બંને વખત ભારતનો કેપ્ટન એમએસ ધોની હતો. આ પછી બંને ટીમે 4 T-20 સિરીઝ રમી, જે તમામ ભારતે જીતી.

શમીનું કમબેક ભારતીય ઝડપી બોલર મોહમ્મદ શમી આ મેચમાંથી વાપસી કરી શકે છે. તે 2023 ODI વર્લ્ડ કપ ફાઈનલના 14 મહિના પછી આંતરરાષ્ટ્રીય મેચ રમશે. તેણે તેની છેલ્લી મેચ 19 નવેમ્બર 2023ના રોજ ઓસ્ટ્રેલિયા સામે રમી હતી.

રોહિત ભારતનો ટોપ સ્કોરર T-20માં ભારતનો ટૉપ સ્કોરર રોહિત શર્મા છે. તેના નામે 159 મેચમાં 4231 રન છે. જ્યારે બીજા સ્થાને રહેલા વિરાટ કોહલીએ 125 મેચમાં 4188 રન બનાવ્યા છે. જોકે, આ બંને ખેલાડીઓ આ ફોર્મેટમાંથી નિવૃત્તિ લઈ ચૂક્યા છે. ત્રીજા નંબર પર સૂર્યકુમાર યાદવ છે. જેણે 78 મેચમાં 2570 રન બનાવ્યા છે.

બોલિંગમાં યુઝવેન્દ્ર ચહલે સૌથી વધુ 96 વિકેટ લીધી છે, પરંતુ તે આ સિરીઝનો ભાગ નથી. અર્શદીપ સિંહ 95 વિકેટ સાથે બીજા સ્થાને છે. આજે અર્શદીપ 2 વિકેટ લેતા જ ચહલને પાછળ છોડી દેશે.

બટલરે સૌથી વધુ રન બનાવ્યા ઇંગ્લેન્ડનો વ્હાઇટ બોલનો કેપ્ટન જોસ બટલર ટીમનો સૌથી વધુ રન બનાવનાર ખેલાડી છે. તેણે 129 T20માં 3389 રન બનાવ્યા છે. આદિલ રાશિદ ઇંગ્લિશ ખેલાડી છે જેણે સૌથી વધુ 126 વિકેટ ઝડપી છે.

પિચ રિપોર્ટ ઈડન ગાર્ડન્સની પિચ બેટિંગ માટે અનુકૂળ છે. આવી સ્થિતિમાં અહીં હાઈ સ્કોરિંગ મેચ જોવા મળી શકે છે. જો મેચ સાંજે હશે તો ઝાકળનું મહત્વ પણ વધી જશે. ઝાકળને કારણે બોલરોને મુશ્કેલીનો સામનો કરવો પડી શકે છે. આવી સ્થિતિમાં ટીમ ટૉસ જીત્યા બાદ પહેલા બોલિંગ કરવાનું પસંદ કરી શકે છે. શરૂઆતમાં ફાસ્ટ બોલરોને અહીં મદદ મળે છે.

અત્યાર સુધી અહીં 11 T-20 આંતરરાષ્ટ્રીય મેચ રમાઈ છે. પ્રથમ બેટિંગ કરનાર ટીમે 5 મેચ જીતી છે અને બીજી ઇનિંગમાં બેટિંગ કરનારી ટીમે 6 મેચ જીતી છે. અહીં સૌથી વધુ ટીમનો સ્કોર 201/5 છે, જે પાકિસ્તાને 2016માં બાંગ્લાદેશ સામે બનાવ્યો હતો.

હવામાન અહેવાલ બુધવારે કોલકાતામાં હવામાન ઘણું સારું રહેશે. વરસાદની કોઈ શક્યતા નથી. આ દિવસે અહીં તાપમાન 16 થી 28 ડિગ્રી સેલ્સિયસની વચ્ચે રહેશે.

બન્ને ટીમ ભારતની સંભવિત પ્લેઇંગ-11: સૂર્યકુમાર યાદવ (કેપ્ટન), અક્ષર પટેલ (વાઈસ-કેપ્ટન), સંજુ સેમસન, અભિષેક શર્મા, તિલક વર્મા, રિંકુ સિંહ, હાર્દિક પંડ્યા, નીતિશ કુમાર રેડ્ડી, વરુણ ચક્રવર્તી, અર્શદીપ સિંહ અને મોહમ્મદ શમી.

ઇંગ્લેન્ડની પ્લેઇંગ-11: જોસ બટલર (કેપ્ટન), બેન ડકેટ, ફિલ સોલ્ટ (વિકેટ-કીપર), હેરી બ્રૂક, લિયામ લિવિંગ્સ્ટન, જેકબ બેથેલ, જેમી ઓવરટોન, ગસ એટકિન્સન, જોફ્રા આર્ચર, આદિલ રશીદ અને માર્ક વુડ.