સિડની ટેસ્ટ: જસપ્રીત બુમરાહ સ્કેન માટે ગયો: સાઇડ સ્ટ્રેઇનની ફરિયાદ, કોહલી આ મેચમાં કેપ્ટનશિપ કરી રહ્યો છે

ભારતીય કેપ્ટન જસપ્રીત બુમરાહ શનિવારે સિડની ટેસ્ટના બીજા દિવસે રમત છોડીને મેદાનની બહાર નીકળી ગયો હતો. તેને સ્કેનિંગ માટે લઈ જવામાં આવ્યો છે. મીડિયા રિપોર્ટ્સ અનુસાર, તે સાઇડ સ્ટ્રેનની ફરિયાદ કરી હતી. બુમરાહની ગેરહાજરીમાં વિરાટ કોહલી કેપ્ટનશિપની જવાબદારી સંભાળી હતી. જોકે આ પછી દિવસના અંતે તે સ્ટેડિયમમાં પરત ફર્યો હતો.

બીજા દિવસે લંચ બાદ બુમરાહે એક ઓવર ફેંકી હતી. ત્યારબાદ તેને થોડી અસ્વસ્થતા અનુભવાઈ અને કોહલી સાથે વાત કર્યા બાદ તે મેદાનની બહાર નીકળી ગયો. ત્યારબાદ બ્રોડકાસ્ટરે તેને ટીમ સિક્યુરિટી લાયઝન ઓફિસર અંશુમન ઉપાધ્યાય અને ટીમ ડોક્ટર સાથે સ્ટેડિયમમાંથી બહાર નીકળતો બતાવ્યો.

રોહિત શર્માની જગ્યાએ બુમરાહ કેપ્ટનશિપ કરી રહ્યો હતો જસપ્રીત બુમરાહ સિડની ટેસ્ટમાં ભારતની કેપ્ટનશિપ કરી રહ્યો હતો. ટેસ્ટના પહેલા દિવસે બુમરાહ બ્લેઝર પહેરીને ભારતની ટૉસ માટે પહોંચ્યો હતો. કેપ્ટન રોહિત શર્માએ પોતાને પડતો મૂક્યો, તે પાંચમી ટેસ્ટ નથી રમી રહ્યો. તેમની જગ્યાએ શુભમન ગિલને તક મળી છે.

જસપ્રીત બુમરાહ (ડાબે) સિડની ટેસ્ટમાં કેપ્ટનશિપ કરી રહ્યો છે.

બુમરાહે સિરીઝમાં સૌથી વધુ 32 વિકેટ લીધી બુમરાહે આ સિરીઝની 5 મેચમાં અત્યાર સુધી 152 ઓવર ફેંકી છે. આ દરમિયાન તેણે 32 વિકેટ ઝડપી હતી. બુમરાહે આ મેચમાં 10 ઓવરમાં 33 રન આપીને 2 વિકેટ લીધી છે. તે સિરીઝમાં સૌથી વધુ વિકેટ લેનાર બોલર છે.

સિડની ટેસ્ટ માટે બંને ટીમ

ભારત: જસપ્રીત બુમરાહ (કેપ્ટન), યશસ્વી જયસ્વાલ, કેએલ રાહુલ, શુભમન ગિલ, વિરાટ કોહલી, રિષભ પંત (વિકેટકીપર), રવીન્દ્ર જાડેજા, નીતિશ રેડ્ડી, વોશિંગ્ટન સુંદર, મોહમ્મદ સિરાજ અને પ્રસિદ્ધ ક્રિષ્ના.

ઓસ્ટ્રેલિયા: પેટ કમિન્સ (કેપ્ટન), ઉસ્માન ખ્વાજા, સેમ કોન્સ્ટન્સ, માર્નસ લાબુશેન, સ્ટીવ સ્મિથ, ટ્રેવિસ હેડ, બ્યુ વેબસ્ટર, એલેક્સ કેરી (વિકેટકીપર), મિચેલ સ્ટાર્ક, નાથન લાયન અને સ્કોટ બોલેન્ડ.

સ્પોર્ટ્સના આ સમાચાર પણ વાંચો…

‘હું નિવૃત્તિ નથી લેવાનો…’ રોહિતે અફવાઓ પર પૂર્ણવિરામ મૂક્યું: કહ્યું- 2 બાળકનો પિતા છું, મેચ્યોર છું, મેં પોતાને ડ્રોપ કર્યો છે; વાંચો રોહિતનો નિખાલસ ઇન્ટરવ્યૂ

ભારત અને ઓસ્ટ્રેલિયા વચ્ચે સિડનીમાં રમાઈ રહેલી પાંચમી ટેસ્ટમાં રોહિત શર્મા નથી રમી રહ્યો. રોહિત પ્લેઇંગ-11માં નથી, ત્યારે અનેક સવાલો ઊભા થયા હતા. રોહિતે શનિવારે બ્રોડકાસ્ટર સ્ટાર સ્પોર્ટ્સ સાથે વાત કરતાં કહ્યું હતું કે ‘મેં નિવૃત્તિ લીધી નથી.’

રોહિતે કહ્યું, ‘સિડની ટેસ્ટમાં ખરાબ ફોર્મને કારણે તેણે પોતાને પડતો મૂક્યો હતો. આ નિર્ણય લેવો મુશ્કેલ હતો, પરંતુ ટીમના હિતમાં લીધો હતો. ટીમમાં કોણ રહેવું કે નહીં એ અમારો નિર્ણય છે, બીજું કોઈ નક્કી કરી શકતું નથી.’ સંપૂર્ણ ઇન્ટરવ્યૂ વાંચો…