તનિષા-અશ્વિનીએ ગુવાહાટી માસ્ટર્સ વુમન્સ ડબલ્સ બેડમિન્ટન ટાઇટલ જીત્યું: ફાઈનલમાં તાઇવાનના સાંગ શુઓ યુન અને યુ ચિન હુઇને પરાજય આપ્યો

ભારતની અશ્નિની પોનપ્પા અને તનિશ ક્રાસ્ટોની જોડીએ રવિવારે તેમનું બીજું સુપર 100 ટાઇટલ જીત્યું. તેઓએ ગુવાહાટી માસ્ટર્સ બેડમિન્ટનની ફાઈનલમાં તાઇવાનના સાંગ શુઓ યુન અને યુ ચિન હુઇને 21-13, 21-19થી હરાવ્યાં. અગાઉ તેમણે અબુ ધાબીમાં માસ્ટર્સ સુપર 100 ટાઈટલ જીત્યું હતું. જ્યારે થાઈલેન્ડની લલિનરાત ચાઈવાને વિમેન્સ સિંગલ્સમાં અને ઈન્ડોનેશિયાની યોહાન્સ સોટ માર્સેલિનોએ મહિલા સિંગલ્સની ફાઈનલમાં જીત મેળવી હતી.

ગયા અઠવાડિયે લખનઉમાં આયોજિત સૈયદ મોદી ઈન્ટરનેશનલ સુપર 300 ઈવેન્ટમાં અશ્નિની પોનપ્પા અને તનિશ ક્રાસ્ટો રનર્સ અપ રહ્યા હતા. ચોત્રીસ વર્ષની અશ્વિની અને 20 વર્ષની તનિષાએ આ વર્ષે જાન્યુઆરીમાં સાથે રમવાનું શરૂ કર્યું હતું.

તેઓ હાંગઝોઉ એશિયન ગેમ્સમાં પણ ભારતીય ટીમના ભાગ હતા. આ પહેલાં પોનપ્પાએ જ્વાલા ગટ્ટા સાથે ઘણી સફળતા મેળવી હતી. તેણે 2011 વર્લ્ડ ચેમ્પિયનશિપમાં જ્વાલા સાથે બ્રોન્ઝ અને 2010 અને 2014 કોમનવેલ્થ ગેમ્સમાં ગોલ્ડ અને સિલ્વર મેડલ જીત્યો હતો.

ગુવાહાટી માસ્ટર્સની ફાઈનલમાં જીત્યા બાદ તનિશા ક્રાસ્ટો અને અશ્નિની પોનપ્પા.

બીજી ગેમમાં પોનપ્પા અને તનિશ ક્રાસ્ટોને પડકાર આપ્યો હતો
પોનપ્પા અને તનિશ ક્રાસ્ટોએ ફાઇનલમાં તેમની પ્રથમ ગેમ સરળતાથી જીતી લીધી હતી. પરંતુ બીજી ગેમમાં તેમને ચાઈનીઝ તાઈપેઈની જોડી તરફથી પડકારનો સામનો કરવો પડ્યો હતો. બીજી ગેમમાં ભારતીય જોડી 12-6થી આગળ હતી, પરંતુ તે પછી ચાઈનીઝ તાઈપેઈની જોડીએ સતત પાંચ પોઈન્ટ મેળવીને અશ્નીની પોનપ્પા અને તનિશ ક્રાસ્ટો સામે પડકાર ઉભો કર્યો હતો. જે બાદ ભારતીય જોડીએ પુનરાગમન કર્યું અને અંતે બીજી ગેમ 21-19થી જીતી લીધી.

થાઈલેન્ડની લલિનરાત ચાઈવાન મહિલા સિંગલ્સમાં જીતી
થાઈલેન્ડની લલિનરાત ચાઈવાને વિમેન્સ સિંગલ્સની ફાઇનલમાં ટૂર્નામેન્ટની ચોથી ક્રમાંકિત ડેનમાર્કની લાઇન ક્રિસ્ટોફરસનને 21-14, 17-21, 21-16થી પરાજય આપ્યો હતો, જ્યારે ઈન્ડોનેશિયાની માર્સેલિનોએ તેની સાથી ખેલાડી અલ્વી વિજયા ચૈરુલ્લાને 21-14, 17-216થી પરાજય આપ્યો હતો. મેન્સ સિંગલ્સની ફાઇનલમાં -12, 21-17થી હાર આપી.

સિંગાપોરની હી યોંગ કાઈ ટેરી અને તાન વેઈ હાન જેસિકાએ મિક્સ ડબલ્સમાં જીત મેળવી હતી.
ટુર્નામેન્ટમાં બીજા ક્રમાંકિત યોંગ કાઈ ટેરી અને તાન વેઈ હાન જેસિકાની સિંગાપોરની જોડીએ મિક્સ ડબલ્સનો ખિતાબ જીત્યો હતો. ફાઇનલમાં આ જોડીએ ડેનમાર્કની મેડ્સ વેસ્ટરગાડ અને ક્રિસ્ટીન બુશની જોડીને 21-19, 21-11થી હરાવી હતી. જ્યારે મલેશિયાના ચુંગ હોન જિયાન અને મુહમ્મદ હાઈકલની જોડીએ મેન્સ ડબલ્સનો ખિતાબ જીત્યો હતો.