Related posts
મુંબઈ5 કલાક પેહલા
- કૉપી લિંક
વુમન્સ વન-ડે સિરીઝની પહેલી મેચમાં ભારતને 6 વિકેટે હારનો સામનો કરવો પડ્યો હતો. મુંબઈના વાનખેડે સ્ટેડિયમમાં પ્રથમ બેટિંગ કરતા ભારતે 8 વિકેટે 282 રન બનાવ્યા હતા. ઓસ્ટ્રેલિયાએ 283 રનનો ટાર્ગેટ 46.3 ઓવરમાં 4 વિકેટ ગુમાવીને હાંસલ કર્યો હતો.
ટીમ માટે ફોબી લીચફિલ્ડે 78, એલિસ પેરીએ 75, બેથ મૂનીએ 42 અને તાહલિયા મેકગ્રાએ 68 રન બનાવ્યા હતા. ભારત તરફથી જેમિમા રોડ્રિગ્ઝે 82 રન અને પૂજા વસ્ત્રાકરે 62 રન બનાવ્યા હતા. ઓસ્ટ્રેલિયાએ વન-ડે સિરીઝમાં 1-0ની લીડ મેળવી છે, બીજી વન-ડે 30 ડિસેમ્બરે મુંબઈમાં રમાશે.
પૂજાએ 62 રનની અણનમ ઇનિંગ રમી
પ્રથમ બેટિંગ કરવા આવેલી ભારતીય ટીમની શરૂઆત સારી રહી ન હતી. ટીમને પહેલો ફટકો માત્ર 12 રનના સ્કોર પર લાગ્યો હતો. ઓપનર શેફાલી વર્મા 1 રન બનાવીને આઉટ થઈ ગઈ હતી. તે મેગન શટની બોલિંગમાં જ્યોર્જિયા વેરહેમના હાથે કેચઆઉટ થઈ હતી. ટીમ માટે જેમિમાએ સૌથી વધુ 82 રન બનાવ્યા હતા. જેમિમાની વન-ડે કારકિર્દીની આ પાંચમી અડધી સદી છે. તે એશ્લે ગાર્ડનરની બોલિંગમાં આઉટ થઈ હતી.
તેના સિવાય પૂજાએ 62 રનની અણનમ ઇનિંગ રમી હતી. પૂજાની આ ચોથી વન-ડે અડધી સદી છે. ઓપનર યાસ્તિકા ભાટિયા 49 રન બનાવીને આઉટ થયો હતો.
ગાર્ડનરે બે મહત્વની વિકેટ લીધી
ઓસ્ટ્રેલિયા તરફથી જ્યોર્જિયા વેરહેમ અને એશ્લે ગાર્ડનરે બે-બે વિકેટ લીધી હતી. સ્પિનર ગાર્ડનરે બે મહત્વની વિકેટ લીધી હતી. તેણે રોડ્રિગ્ઝ અને કેપ્ટન હરમનપ્રીત કૌરની વિકેટ લીધી હતી. તેના સિવાય ડાર્સી બ્રાઉન, મેગન શટ, એનાબેલ સધરલેન્ડ અને એલાના કિંગે એક-એક વિકેટ લીધી હતી.
લિચફિલ્ડ, પેરી અને તાહલિયાની અડધી સદીથી ઓસ્ટ્રેલિયા જીત્યું
ઓસ્ટ્રેલિયા તરફથી 3 બેટર્સે અડધી સદી ફટકારી હતી. ઓપનિંગ કરવા આવેલી કેપ્ટન એલિસા હિલી 0 રન પર આઉટ થઈ ગઈ હતી. અહીંથી ફોબી લિચફિલ્ડ અને એલિસ પેરીએ ત્રીજી વિકેટ માટે 148 રનની શાનદાર ભાગીદારી કરી હતી. પેરીએ 72 બોલમાં 75 રન બનાવ્યા હતા. જ્યારે લિચફિલ્ડે 78 રનની ઇનિંગ રમી હતી. બેથ મૂનીએ 42 રન બનાવ્યા હતા, જ્યારે તાહલિયા મેકગ્રાએ એશ્લે ગાર્ડનર સાથે 68 રનની અણનમ ઇનિંગ સાથે મેચ સમાપ્ત કરી હતી.
ભારત તરફથી રેણુકા સિંહ, પૂજા વસરાકર, સ્નેહ રાણા અને દીપ્તિ શર્માએ 1-1 વિકેટ લીધી હતી.
બન્ને ટીમની પ્લેઇંગ-11
ભારત: હરમનપ્રીત કૌર (કેપ્ટન), યાસ્તિકા ભાટિયા, શેફાલી વર્મા, રિચા ઘોષ, જેમિમા રોડ્રિગ્ઝ, દીપ્તિ શર્મા, અમનજોત કૌર, સ્નેહ રાણા, પૂજા વસ્ત્રાકર, રેણુકા સિંહ અને સાયકા ઈશાક.
ઓસ્ટ્રેલિયા: એલિસા હીલી (કેપ્ટન), ફોબી લિચફિલ્ડ, એલિસ પેરી, બેથ મૂની, તાહલિયા મેકગ્રા, એનાબેલ સધરલેન્ડ, એશ્લે ગાર્ડનર, જ્યોર્જિયા વેરહેમ, એલાના કિંગ, મેગન શુટ અને ડાર્સી બ્રાઉન.
ટ્રોફી સાથે ભારતીય કેપ્ટન હરમનપ્રીત કૌર (જમણે) અને ઓસ્ટ્રેલિયન કેપ્ટન એલિસા હીલી.
ભારતે ઓસ્ટ્રેલિયાને ટેસ્ટમાં હરાવ્યું હતું
ઓસ્ટ્રેલિયાની ટીમ ત્રણેય ફોર્મેટની શ્રેણી માટે ભારતીય પ્રવાસ પર છે. આ પહેલા ભારતીય મહિલા ટીમે મુંબઈના વાનખેડે સ્ટેડિયમમાં રમાયેલી એકમાત્ર ટેસ્ટ મેચમાં ઓસ્ટ્રેલિયાને 8 વિકેટે હરાવ્યું હતું. મહિલા ટેસ્ટ ક્રિકેટના ઈતિહાસમાં ઓસ્ટ્રેલિયા સામે ભારતની આ પ્રથમ ટેસ્ટ જીત હતી.
24 ડિસેમ્બરે ટેસ્ટના ચોથા દિવસે ઓસ્ટ્રેલિયા 161 રનમાં ઓલઆઉટ થઈ ગયું હતું. ભારતને જીતવા માટે માત્ર 75 રનનો ટાર્ગેટ મળ્યો હતો. ભારતે બે વિકેટ ગુમાવીને આ સિદ્ધિ મેળવી હતી. સ્નેહ રાણાને પ્લેયર ઓફ ધ મેચ જાહેર કરવામાં આવી હતી.
