સ્પોર્ટ્સ ડેસ્ક20 મિનિટ પેહલાલેખક: રાજકિશોર
- કૉપી લિંક
વિરાટ કોહલી 12 વર્ષ પછી રણજી ટ્રોફીમાં પરત ફરી રહ્યો છે. તે અરુણ જેટલી સ્ટેડિયમમાં રેલવે સામે દિલ્હી તરફથી રમી રહ્યો છે. ગુરુવારે કોહલીની આ મેચ જોવા માટે 15 હજારથી વધુ ચાહકો અરુણ જેટલી સ્ટેડિયમમાં આવ્યા છે. ચાહકો RCB-RCB ના નારા લગાવીને કોહલીનો ઉત્સાહ વધારી રહ્યા છે.
આ દરમિયાન એક ચાહક મેદાનમાં ઘુસી ગયો. પ્રથમ દિવસના પ્રથમ સત્ર દરમિયાન એક ચાહક સુરક્ષા કોર્ડન તોડીને મેદાનમાં ઘુસ્યો હતો. આ સમયે દિલ્હી ફિલ્ડિંગ કરી રહ્યું હતું. ત્યારે અચાનક વિરાટ કોહલી પાસે ગયો અને તેના પગે પડી ગયો. આ પછી સિક્યોરિટીએ તરત જ તેને પકડીને મેદાનની બહાર લઈ ગયા.
દિલ્હીના ચાહકો કોહલીને જોવા માટે ઉત્સાહિત હતા અને સવારે 4 વાગ્યાથી જ સ્ટેડિયમની બહાર મોટી સંખ્યામાં એકઠા થયા હતા.
કોહલીને જોવા માટે સવારે 4 વાગ્યાથી જ અરુણ જેટલી સ્ટેડિયમની બહાર મોટી સંખ્યામાં ચાહકો ઉમટી પડ્યા હતા.
વિરાટે તેની છેલ્લી રણજી મેચ 2012માં રમી હતી કોહલીએ 2006માં તમિલનાડુ સામે રણજીમાં ડેબ્યૂ કર્યું હતું. વિરાટે તેની છેલ્લી રણજી મેચ 2012માં વીરેન્દ્ર સેહવાગની આગેવાનીમાં રમી હતી, જ્યારે ભૂતપૂર્વ ભારતીય ક્રિકેટર સુરેશ રૈનાએ યુપીની કમાન સંભાળી હતી. આ મેચ ગાઝિયાબાદના નેહરુ સ્ટેડિયમમાં રમાઈ હતી.
કેટલાક મુદ્દાઓમાં અન્ય મેચના અપડેટ્સ
કર્ણાટક-હરિયાણા: મયંક ફિફ્ટીની નજીક છે. કેએલ રાહુલ ક્રિઝ પર. બેંગલુરુમાં ચાલી રહેલી ગ્રૂપ-C મેચમાં કર્ણાટક અને હરિયાણા વચ્ચે મેચ રમાઈ રહી છે. હરિયાણાએ ટૉસ જીતીને બેટિંગ કરવાનો નિર્ણય લીધો. લંચ સુધીમાં, કર્ણાટકે પ્રથમ ઇનિંગમાં એક વિકેટે 88 રન બનાવ્યા છે. કેપ્ટન મયંક અગ્રવાલ 49 રન બનાવીને અણનમ છે જ્યારે કેએલ રાહુલ 16 રન બનાવીને રમતમાં છે. કેવી અનીશ 17 રન બનાવીને આઉટ થયો હતો.
પંજાબ-બંગાળ: લંચ સુધી પંજાબનો સ્કોર 95/6 છે. કોલકાતાના ઇડન ગાર્ડન સ્ટેડિયમ ખાતે પંજાબ અને બંગાળ વચ્ચે ગ્રુપ સીની મેચ ચાલી રહી છે. બંગાળે ટૉસ જીતીને ફિલ્ડિંગ પસંદ કરી. લંચ સુધીમાં 6 વિકેટ ગુમાવ્યા બાદ પંજાબે 96 રન બનાવી લીધા છે. અનમોલ મલ્હોત્રા 9 અને આરાધ્યા શુક્લા 3 રન બનાવીને અણનમ છે. કેપ્ટન મયંક માર્કંડે 9 રન બનાવીને આઉટ થયો. સૂરજ અને સુમિતે ૩-૩ વિકેટ મેળવી.
સૌરાષ્ટ્ર-આસામ: હાર્વિકની ફિફ્ટી થઈ ચૂકી છે. પૂજારા પણ ક્રિઝ પર છે; રાજકોટમાં ગ્રૂપ-D મેચમાં સૌરાષ્ટ્રએ આસામ સામે મજબૂત શરૂઆત કરી છે. ટીમે ટૉસ જીતીને બેટિંગ પસંદ કરી. ઓપનર હાર્વિક દેસાઈ 87 રન બનાવીને અણનમ છે. ચેતેશ્વર પૂજારા (14 રન) તેને સાથ આપી રહ્યા છે. આ દરમિયાન, ચિરાગ જાની 80 રન બનાવીને આઉટ થયો હતો.
કેએલ રાહુલ, સિરાજ અને કુલદીપ પણ રણજી રમી રહ્યા છે કોહલી સિવાય કેએલ રાહુલ કર્ણાટક માટે, મોહમ્મદ સિરાજ હૈદરાબાદ માટે અને કુલદીપ યાદવ યુપી માટે રણજી મેચ રમી રહ્યો છે. આ પહેલા 23 થી 26 જાન્યુઆરી સુધી ભારતીય કેપ્ટન રોહિત શર્મા, યશસ્વી જયસ્વાલ, શુભમન ગિલ અને રિષભ પંત જેવા ભારતીય ખેલાડીઓએ રણજી ટ્રોફી મેચમાં ભાગ લીધો હતો.
3 પોઈન્ટમાં સમજો કે વિરાટ રણજી ટ્રોફી રમવા માટે કેમ રાજી થયો
- ન્યૂઝીલેન્ડ અને ઓસ્ટ્રેલિયા સામે ખરાબ બેટિંગઃ ઓસ્ટ્રેલિયા અને ન્યૂઝીલેન્ડ સામે વિરાટ કોહલી ફ્લોપ રહ્યો હતો. તેણે બોર્ડર-ગાવસ્કર ટ્રોફીમાં 23.75ની એવરેજથી 190 રન બનાવ્યા હતા. જ્યારે ન્યૂઝીલેન્ડ સામેની 3 ટેસ્ટ મેચની શ્રેણીમાં તે 15.50ની એવરેજથી માત્ર 93 રન જ બનાવી શક્યો હતો. આ બંને શ્રેણીમાં વિરાટ વારંવાર ઓફ સ્ટમ્પની બહારના બોલમાં કેચ આઉટ થઈ રહ્યો છે. ઘણા દિગ્ગજ બેટર્સે તેને રણજી ટ્રોફી રમવાની સલાહ આપી છે.
- BGT હાર્યા પછી, ભારતીય ટીમના હેડ કોચ ગૌતમ ગંભીરે કહ્યું હતું કે ભારતીય ટીમના વરિષ્ઠ ખેલાડીઓએ તેમની બેટિંગ કુશળતા સુધારવા માટે સમયાંતરે રણજી અને અન્ય ડોમેસ્ટિક મેચ રમવી પડશે.
- ગયા અઠવાડિયે, BCCIએ મુંબઈમાં BCCI મુખ્યાલયમાં ભારતીય ટીમના પ્રદર્શનની સમીક્ષા કરી હતી. આ દરમિયાન ન્યૂઝીલેન્ડ સામેની હોમ સિરીઝ અને ઓસ્ટ્રેલિયા પ્રવાસમાં પ્રદર્શનની સમીક્ષા કરવામાં આવી હતી. બેઠક દરમિયાન બોર્ડના સભ્યોએ ડોમેસ્ટિક ક્રિકેટ રમતા વરિષ્ઠ ખેલાડીઓ પર ભાર મૂક્યો હતો. તેમજ ખેલાડીઓ માટે રણજી રમવાનું ફરજિયાત કરવામાં આવ્યું હતું.
