રણજી ટ્રોફી: કોહલી ચોગ્ગો ફટકાર્યા બાદ બોલ્ડ થયો: હિમાંશુએ વિકેટ લીધી; સૌરાષ્ટ્રનો ચેતેશ્વર પૂજારા એક રને સદી ચૂક્યો

વિરાટ કોહલીનું 12 વર્ષ બાદ રણજી ટ્રોફીમાં વાપસી ખાસ રહી નથી. તે 15 બોલમાં 6 રન બનાવીને આઉટ થયો હતો. તેને રેલવેના હિમાંશુ સાંગવાને બોલ્ડ કર્યો હતો. શુક્રવારે મેચના બીજા દિવસે સ્ટમ્પ સુધી, દિલ્હીએ પ્રથમ દાવમાં 334/7 રન બનાવ્યા છે. સુમિત માથુર 78 રન અને સિદ્ધાંત શર્મા 15 રન સાથે ક્રિઝ પર છે.

કેપ્ટન આયુષ બદોની 99, સનત સાંગવાન 30 અને યશ ધૂલ 32 રન બનાવીને આઉટ થયા હતા. દિલ્હીએ આજે ​​41/1ના સ્કોરથી રમવાનું શરૂ કર્યું છે. રેલવેની ટીમ પ્રથમ દાવમાં 241 રનમાં ઓલઆઉટ થઈ ગઈ હતી. જ્યારે ઈન્દોરમાં મધ્યપ્રદેશના હર્ષ ગ્વાલી અને શુભમ શર્માએ બેવડી સદી ફટકારીને ટીમને મજબૂત સ્થિતિમાં પહોંચાડી દીધી છે. કર્ણાટક સામે હરિયાણાના કેપ્ટન અંકિત કુમારના 118 રનની મદદથી ટીમને પહેલી ઇનિંગમાં 232/5નો સ્કોર બનાવ્યો હતો.

જુઓ મેચની 3 તસવીરો…

યશ ધુલની વિકેટની ઉજવણી કરતા રેલવે ખેલાડીઓ. 10 હજારથી વધુ પ્રશંસકોએ પણ આ વિકેટની ઉજવણી કરી, કારણ કે કોહલી બેટિંગ કરવા આવી રહ્યો હતો.

હિમાંશુએ ઇનસ્વિંગ બોલ પર કોહલીને બોલ્ડ કર્યો હતો. બોલ કોહલીના મિડલ સ્ટમ્પને ઉખાડ્યું હતું.

વિરાટ 15 બોલમાં 6 રન બનાવીને આઉટ થયો હતો.

વિરાટે પાંચમાં બોલ પર પહેલો રન બનાવ્યો, તે આઉટ થતા જ સ્ટેડિયમ ખાલી થઈ ગયું કોહલીએ ઇનિંગ્સની શરૂઆત રક્ષણાત્મક રીતે કરી હતી. તેણે પાંચમો બોલ કવર તરફ ધકેલીને પોતાનો પહેલો રન બનાવ્યો. વિરાટે હિમાંશુની બોલ પર સ્ટ્રેટ ડ્રાઈવ પર ફોર ફટકારી હતી. ત્યારપછી બીજા જ બોલ પર તે ક્લીન બોલ્ડ થયો હતો.

કોહલીની બેટિંગ જોવા માટે 10 હજારથી વધુ દર્શકો આવ્યા હતા, પરંતુ તે આઉટ થતાં જ તેઓ નિરાશ થઈને ઘરે પરત ફર્યા હતા. દિલ્હીની પાયલે કહ્યું- ‘લાંબા રાહ બાદ કોહલી બેટિંગ કરવા આવ્યો, પરંતુ તે વહેલો આઉટ થઈ ગયો. આનાથી નિરાશ થયા છીએ.’

વિરાટ કોહલીએ ઇનિંગની સંયમિત શરૂઆત કરી હતી. તેણે પાંચમા બોલ પર પહેલો રન બનાવ્યો.

વિરાટે તેની છેલ્લી રણજી મેચ 2012માં રમી હતી કોહલીએ 2006માં તમિલનાડુ સામે રણજીમાં ડેબ્યૂ કર્યું હતું. વિરાટે તેની છેલ્લી રણજી મેચ 2012માં વીરેન્દ્ર સેહવાગની કઆગેવાનીમાં રમી હતી, જ્યારે ભૂતપૂર્વ ભારતીય ક્રિકેટર સુરેશ રૈનાએ યુપીની કમાન સંભાળી હતી. આ મેચ ગાઝિયાબાદના નેહરુ સ્ટેડિયમમાં રમાઈ હતી.

કેએલ રાહુલ, સિરાજ અને કુલદીપ પણ રણજી રમી રહ્યા છે કોહલી સિવાય કેએલ રાહુલ કર્ણાટક માટે, મોહમ્મદ સિરાજ હૈદરાબાદ માટે અને કુલદીપ યાદવ યુપી માટે રણજી મેચ રમી રહ્યો છે. આ પહેલા 23 થી 26 જાન્યુઆરી સુધી ભારતીય કેપ્ટન રોહિત શર્મા, યશસ્વી જયસ્વાલ, શુભમન ગિલ અને રિષભ પંત જેવા ભારતીય ખેલાડીઓએ રણજી ટ્રોફી મેચમાં ભાગ લીધો હતો. કેટલાક પોઇન્ટ્સમાં અન્ય મેચના અપડેટ્સ…

• સૌરાષ્ટ્ર-આસામ: પૂજારા 99 રન પર આઉટ, સૌરાષ્ટ્ર 474/10 રાજકોટમાં ગ્રૂપ ડીની મેચમાં આસામ સામે સૌરાષ્ટ્રે જોરદાર શરૂઆત કરી છે. ટીમે ટોસ જીતીને બેટિંગ પસંદ કરી હતી. ટીમે ઓપનર હાર્વિક દેસાઈ (130 રન)ની સદીની મદદથી પ્રથમ દાવમાં તમામ વિકેટ ગુમાવીને 474 રન બનાવ્યા હતા. ચેતેશ્વર પૂજારા 99 રન બનાવી આઉટ થયો હતો. આસામની ટીમ પ્રથમ દાવમાં 164 રન પર જ ઓલઆઉટ થઈ ગઈ હતી, જેના કારણે ટીમને ફોલોઓન રમવું પડ્યું હતું. સ્ટમ્પ સુધી, આસામે બીજી ઇનિંગમાં 67/1નો સ્કોર કર્યો છે.

આસામ સામે પૂજારા એક રને સેન્ચુરી ચૂક્યો હતો.

• પંજાબ-બંગાળ: પંજાબ 191 રનમાં ઓલઆઉટ, બંગાળ 224/7 કોલકાતાના ઈડન ગાર્ડન્સ સ્ટેડિયમમાં પંજાબ અને બંગાળ વચ્ચે ગ્રુપ સીની મેચ ચાલુ છે. બંગાળે ટોસ જીતીને ફિલ્ડીંગ પસંદ કરી હતી. પંજાબે અનમોલ મલ્હોત્રાના અણનમ 106 રનની મદદથી ટીમે 191 રન બનાવ્યા હતા. જવાબમાં બંગાળે લંચ બ્રેક સુધી 7 વિકેટે 224 રન બનાવી લીધા છે. ટીમે 119/4ના સ્કોરથી રમવાનું શરૂ કર્યું હતું.
• કર્ણાટક-હરિયાણા: ટીમ કર્ણાટક 304 પર ઓલઆઉટ, હરિયાણા 54/0 બેંગલુરુમાં ચાલી રહેલી ગ્રુપ Cની મેચમાં કર્ણાટક અને હરિયાણા વચ્ચે મેચ રમાઈ રહી છે. હરિયાણાએ ટોસ જીતીને બોલિંગ કરવાનો નિર્ણય લીધો હતો. બીજા દિવસે કર્ણાટકે પ્રથમ દાવમાં 267/5ના સ્કોરથી રમવાનું શરૂ કર્યું હતું. ટીમ 304 રનમાં ઓલઆઉટ થઈ ગઈ હતી. સ્ટમ્પ સુધી હરિયાણાએ કેપ્ટન અંકિતના 118 રનની મદદથી 232/5નો સ્કોર બનાવ્યો છે. જોકે ટીમ હજુ પણ કર્ણાટકથી 72 રન પાછળ છે.
• મુંબઈ-મેઘાલય: શાર્દૂલની હેટ્રિક, મેઘાલય 86 રનમાં ઓલઆઉટ; મુંબઈ 339/4 છેલ્લા રાઉન્ડમાં મુંબઈનો સામનો મેઘાલય સામે છે. ભારતીય ક્રિકેટ ટીમના ઓલરાઉન્ડર શાર્દૂલ ઠાકુરે મેઘાલય સામે હેટ્રિક લીધી છે. મેઘાલય પ્રથમ દાવમાં 86 રનમાં સમેટાઈ ગયું હતું. શાર્દૂલે ઇનિંગની ત્રીજી ઓવરમાં હેટ્રિક લીધી હતી. તેણે છેલ્લા ત્રણ બોલ પર મેઘાલયના બેટર્સ બી અનિરુદ્ધ, સુમિત કુમાર અને જસકીરતને આઉટ કર્યા હતા. જવાબમાં મુંબઈનો સ્કોર 607/6 છે. કેપ્ટન અજિંક્ય રહાણે 96 રન બનાવીને અને સિદ્ધેશ લાડ 145 રન બનાવીને આઉટ થયા હતા. આકાશ આનંદે 103 રનની ઇનિંગ રમી હતી. તનુષ કોટિયને 38 બોલમાં 79 રન બનાવ્યા હતા.
• મધ્યપ્રદેશ-ઉત્તર પ્રદેશ: શુભમ-હર્ષની બેવડી સદી, MP 670/7 હર્ષ ગ્વાલી અને કેપ્ટન શુભમ શર્માની બેવડી સદીના આધારે મધ્યપ્રદેશે 670/7ના સ્કોર પર યૂપી વિરુદ્ધ ઇનિંગ ડિકલેર કરી હતી. ઓપનર હર્ષ ગ્વાલીએ 242 રન અને કેપ્ટન શુભમ શર્માએ 208 રન બનાવ્યા હતા. 3 મહિના પછી કમબેક કરી રહેલા કુલદીપ યાદવે 3 વિકેટ ઝડપી હતી. સ્ટમ્પ સુધી, ઉત્તર પ્રદેશનો સ્કોર 95/0 છે.