બેટ પછાડ્યું, ડસ્ટબિન ફેંકી, મેચમાં જોવા મળ્યું કોહલીનું રૌદ્ર સ્વરૂપ: આઉટ થતા અમ્પાયર સાથે દલીલો કરી, એક રનથી મેચ હારી ગયું RCB; મેચ મોમેન્ટ્સ

ઈન્ડિયન પ્રીમિયર લીગ (IPL) 2024ની છઠ્ઠી ડબલ હેડર રમાઈ હતી. કોલકાતા નાઈટ રાઈડર્સે રોમાંચક મેચમાં રોયલ ચેલેન્જર્સ બેંગ્લોરને એક રનથી હરાવ્યું હતું. પ્રથમ બેટિંગ કરતા કોલકાતાએ 20 ઓવરમાં 6 વિકેટે 222 રન બનાવ્યા હતા. બેંગલુરુ 20 ઓવરમાં 221 રન જ બનાવી શકી હતી.

રવિવારે મેચમાં આઉટ થયા બાદ RCBનો વિરાટ કોહલી ફિલ્ડ અમ્પાયર સાથે દલીલ કરતો જોવા મળ્યો હતો. તેના આઉટ થવા બાબતે વિવાદ થયો હતો. આ પહેલા મેચની શરૂઆતમાં ફિલ્ડિંગ કરવા મેદાનમાં ઉતરેલા કોહલીએ ફેન્સ સાથે પ્રૈંક કર્યું હતું. તે નવા બોલ સાથે બોલિંગ રન-અપ પર ગયો અને ફેન્સને લાગ્યું કે વિરાટ નવા બોલથી ઓવર ફેંકી રહ્યો છે. બાદમાં મોહમ્મદ સિરાજે પ્રથમ ઓવર ફેંકી હતી.

યશ દયાલના યોર્કરથી સુનીલ નરેલ ઘાયલ થયો હતો. જ્યારે, કેમરન ગ્રીને છઠ્ઠી ઓવરના છેલ્લા બોલ પર એક હાથે ફ્લાઈંગ કેચ કર્યો હતો. જો કે, ફોલો-થ્રુમાં તેનો કેચ ડ્રોપ પણ થયો હતો.

1. કોહલીની પ્રૈંક- નવા બોલ સાથે રન-અપ માટે ગયો
બેંગલુરુએ ટોસ જીતીને બોલિંગ કરવાનો નિર્ણય લીધો હતો. જ્યારે ટીમ મેદાનમાં ઉતરી ત્યારે વિરાટ કોહલીએ ફેન્સની મજાક ઉડાવી હતી. તેણે નવો બોલ લીધો અને બોલિંગ રન-અપ પર ગયો. અહીં ફેન્સને લાગ્યું કે વિરાટ પહેલી ઓવર ફેંકી રહ્યો છે. જોકે, બાદમાં મોહમ્મદ સિરાજે નવા બોલથી પ્રથમ ઓવર નાંખી હતી.

મેદાનમાં ઉતરેલા કોહલીએ પોતાની કેપ ઉતારી અને અમ્પાયરને આપી.

તે નવા બોલ સાથે રન અપ કરવા ગયો હતો અને ફિલ્ડ સેટ કરતો પણ જોવા મળ્યો હતો. બાદમાં મોહમ્મદ સિરાજે પ્રથમ ઓવર ફેંકી હતી.

2. RCB ગ્રીન જર્સીમાં રમવા માટે ઉતર્યું, આપ્યો ગો ગ્રીનનો મેસેજ
મેચમાં બેંગલુરુની ટીમ ગ્રીન જર્સી પહેરીને રમવા આવી હતી. ટીમના ખેલાડીઓએ સ્વચ્છતા અને ગ્રીન પર્યાવરણ જાળવવાનો સંદેશ આપ્યો હતો. ‘ગો ગ્રીન’ની પહેલ હેઠળ ટીમ દર વર્ષે ગ્રીન જર્સીમાં એક મેચ રમતી જોવા મળે છે. આરસીબીએ 2011થી ગ્રીન જર્સીમાં મેચ રમવાનું શરૂ કર્યું હતું.

બેંગલુરુની ટીમ ગ્રીન જર્સી પહેરીને આવી હતી. ‘ગો ગ્રીન’ની પહેલ હેઠળ ટીમ દર વર્ષે ગ્રીન જર્સીમાં એક મેચ રમતી દેખાય છે.

3. દયાલના યોર્કરથી નરેન ઘાયલ, મેચ અટકી
સુનીલ નરેન બીજી ઓવરના પહેલા બોલ પર ઈજાગ્રસ્ત થયો હતો. બેંગલુરુ તરફથી યશ દયાલ આ ઓવર ફેંકી રહ્યો હતો. દયાલનું યોર્કર હવામાં સ્વિંગ થઈને અંદર આવ્યું અને નરેનના અંગૂઠામાં વાગ્યું. ઈજા પછી તે દર્દના કારણે બેસી ગયો. ટીમના ફિઝિયોએ ગ્રાઉન્ડ પર આવીને નરેનની તપાસ કરી. નરેને થોડા સમય બાદ ફરી બેટિંગ શરૂ કરી હતી. જો કે, તે 15 બોલમાં 10 રન બનાવીને યશ દયાલનો શિકાર બન્યો હતો.

સુનીલ નરેન 15 બોલમાં માત્ર 10 રન બનાવી શક્યો હતો.

4. કેમરન ગ્રીને કૂદકો માર્યો અને એક હાથથી કેચ ઝડપ્યો.
કોલકાતાની ત્રીજી વિકેટ 75 રન પર પડી હતી. કેમરન ગ્રીને છઠ્ઠી ઓવરના છેલ્લા બોલ પર અંગક્રિશ રઘુવંશીનો શાનદાર કેચ કરી લીધો હતો. રધુવંશી 4 બોલમાં 3 રન બનાવીને પેવેલિયન પરત ફર્યો હતો. તે યશ દયાલના બોલને ફ્લિક કરવાનો પ્રયાસ કરી રહ્યો હતો, પરંતુ બોલ મિડવિકેટની દિશામાં ગયો. જ્યાં ફિલ્ડિંગ કરી રહેલા ગ્રીને પાછળની તરફ કૂદીને એક હાથે કેચ પકડ્યો હતો.

શ્રેયસ અય્યર પણ 13મી ઓવરના ત્રીજા બોલ પર કેમેરોન ગ્રીનના ફોલો-થ્રુમાં કેચ ચૂકી ગયો. તે શ્રેયસનો સીધો શોટ એક હાથથી પકડવા માંગતો હતો, પરંતુ બોલ તેની આંગળી પર વાગ્યો હતો.

ગ્રીને એક હાથે અંગક્રિશ રઘુવંશીનો શાનદાર કેચ ઝડપ્યો હતો.

5. રસેલે નો-બોલ પર જીવનદાન મળ્યું, ફ્રી હિટ પણ મળી
લોકી ફર્ગ્યુસને 14મી ઓવરના બીજા બોલ પર ફુલ ટોસ ફેંક્યો. બોલ રસેલના બેટની બહારની કિનારી સાથે અથડાયો અને વિકેટકીપર દિનેશ કાર્તિકના ગ્લોવ્સમાં ગયો. અપીલ પછી, ફિલ્ડ અમ્પાયરોએ આઉટ આપ્યો, પરંતુ રસેલે ડીઆરએસ માંગ્યું. રિપ્લે જોઈને ખબર પડી કે કેચ સાચો હતો. પરંતુ બોલ કમરથી ઉપર જતો હતો તેથી તેને નો-બોલ જાહેર કરવામાં આવ્યો હતો. રસેલને જીવતદાન મળ્યું અને તેણે 20 બોલમાં 27 રન બનાવ્યા.

આન્દ્રે રસેલ પહેલા જ બોલ પર કેચ પકડ્યો હતો, પરંતુ બોલ નો-બોલ ગયો હતો.

6. કોહલી ફુલ ટોસ પર આઉટ થયો, અમ્પાયર સાથે પણ દલીલ કરી
બેંગલુરુની ઈનિંગની ત્રીજી ઓવરના પહેલા બોલ પર વિરાટ કોહલીની વિકેટ લેવાને લઈને વિવાદ ઉભો થયો હતો. હર્ષિત રાણાનો પ્રથમ બોલ ફુલ ટોસ હતો. કોહલીએ સામેથી બોલ રમવાનો પ્રયાસ કર્યો અને તે કોટ એન્ડ બોલ્ડ થયો.

ફિલ્ડ અમ્પાયરે આઉટ આપ્યા બાદ કોહલીએ નો-બોલ માટે રિવ્યુ માંગ્યો હતો, પરંતુ થર્ડ અમ્પાયરે ફિલ્ડ અમ્પાયરનો નિર્ણય બદલ્યો ન હતો અને કોહલીને આઉટ આપ્યો હતો. આનાથી નારાજ વિરાટ કોહલી ફિલ્ડ અમ્પાયર સાથે દલીલ કરતો જોવા મળ્યો હતો. બાદમાં કોહલીની વિકેટને લઈને વિવાદ ઉભો થયો હતો. કેટલાક નિષ્ણાતો કોહલીને નોટઆઉટ જાહેર કરી રહ્યા હતા તો કેટલાક તેને આઉટ કહી રહ્યા હતા.

આઉટ થયા બાદ કોહલી અમ્પાયર સાથે દલીલ કરતો જોવા મળ્યો હતો.

કોહલી પેવેલિયન પરત ફરતી વખતે બેટ પછાડતો હતો અને ડસ્ટબિનને પણ ફેંક્યું હતું. આઉટ થવાને કારણે કોહલી ગુસ્સામાં દેખાતો હતો

ત્રીજા અમ્પાયરે જોયું કે બોલ વિકેટની દિશામાં ડિપ કરી રહ્યો હતો અને કોહલી ક્રિઝની બહાર રમી રહ્યો હતો. તેથી બોલ નો-બોલ ગયો હતો.

7. છેલ્લી ઓવરમાં સ્ટાર્ક સામે 3 છગ્ગા, છતાં પણ કોલકાતા જીતી ગયું
RCBને છેલ્લી ઓવરમાં 21 રનની જરૂર હતી. અહીં કર્ણ શર્માએ મિચેલ સ્ટાર્કના પ્રથમ 4 બોલ પર 3 સિક્સર ફટકારીને 18 રન બનાવ્યા હતા, પરંતુ કર્ણ પણ પાંચમા બોલ પર આઉટ થયો હતો. તે સ્ટાર્કના હાથે કેચ એન્ડ બોલ્ડ થયો હતો. હવે છેલ્લા બોલ પર 3 રનની જરૂર હતી, અહીં લોકી ફર્ગ્યુસને કવર્સ તરફ ફટકારીને 2 રન કરવાનો પ્રયાસ કર્યો, તેણે એક રન પૂરો કર્યો, પરંતુ બીજો રન લેવાનો પ્રયાસ કરતી વખતે તે રનઆઉટ થયો.

કરણ શર્મા 7 બોલમાં 20 રન બનાવીને આઉટ થયો હતો.

કર્ણ શર્માની વિકેટ બાદ RCB એક બોલમાં 3 રન બનાવી શક્યું ન હતું.

RCB મેચ એક રનથી હારી ગયું હતું

IPL 2024માં રોયલ ચેલેન્જર્સ બેંગ્લોરની આ 7મી હાર હતી.

બેંગલુરુને છેલ્લી ઓવરમાં 21 રનની જરૂર હતી. મિચેલ સ્ટાર્કની આ ઓવરમાં કર્ણ શર્માએ ચાર બોલમાં ત્રણ સિક્સર ફટકારીને મેચને રોમાંચક બનાવી દીધી હતી, પરંતુ તે ઓવરના પાંચમા બોલ પર આઉટ થઈ ગયો હતો. આ સમયે RCBને જીતવા માટે 2 બોલમાં 3 રનની જરૂર હતી.

કર્ણ શર્માની વિકેટ બાદ ટીમને છેલ્લા બોલ પર 3 રનની જરૂર હતી. અહીં લોકી ફર્ગ્યુસને કવર્સ તરફ શોટ રમ્યો અને 2 રન બનાવવા દોડ્યો. તેણે એક રન પૂરો કર્યો, પરંતુ બીજો રન લેતા પહેલા તે રનઆઉટ થઈ ગયો. આ રીતે RCB રોમાંચક મેચ એક રનથી હારી ગયું હતું.