27 મિનિટ પેહલા
- કૉપી લિંક
છેલ્લાં ઘણા સમયથી કરન જોહરનો ટોક શો ‘કોફી વિથ કરન’ ચર્ચામાં રહે છે. આ વર્ષની 8મી સિઝનમાં ફિલ્મ ઈન્ડસ્ટ્રીના ઘણા સ્ટાર્સ આ શોમાં જોવા મળ્યા હતા. કરન જોહરે હાલમાં જ પોતાના સોશિયલ મીડિયા એકાઉન્ટ પર એક વીડિયો શેર કર્યો છે. વીડિયોમાં કરને જણાવ્યું કે ‘તેમણે આ વર્ષની ગિફ્ટ હેમ્પરમાં મહેમાનોને કઇ ગિફ્ટ આપી છે.’ આ વીડિયો સોશિયલ મીડિયા પર ખૂબ જ વાઈરલ થયો છે.
શો ‘કોફી વિથ કરન’નો રેપિડ ફાયર રાઉન્ડ સમાચારોમાં રહે છે. આ સેગમેન્ટ જીતવા બદલ સેલિબ્રિટીઝને ગિફ્ટ હેમ્પર મળે છે.
મોંઘી વસ્તુઓથી ભરેલો ગિફ્ટ હેમ્પર
કરન જોહરના શો ‘કોફી વિથ કરન’નો રેપિડ ફાયર રાઉન્ડ દર્શકોને ખૂબ જ પસંદ આવ્યો છે. કરનેણ જોહરે વીડિયોની શરૂઆતમાં કહ્યું હતું કે ગિફ્ટ હેમ્પરમાં ખૂબ જ ખાસ અને લક્ઝુરિયસ વસ્તુઓ છે. આ વર્ષે, ખાસ કરીને ભારતીય લક્ઝુરિયસ બ્રાન્ડ્સની પ્રોડક્ટને પણ હેમ્પરમાં સામેલ કરવામાં આવ્યા હતા. ચાલો જાણીએ કે આ વર્ષની ગિફ્ટ હેમ્પરમાં કઈ કઈ વસ્તુઓ હતી:
1. તયાની જ્વેલરીમાંથી નેકલેસ અને ઇયરિંગ્સ (સેટની કિંમત લગભગ 1 લાખ રૂપિયા છે.) 2. Go Pro 11 કેમેરા (કિંમત 30 થી 35 હજાર રૂપિયા આસપાસ) 3. Sonos બ્રાન્ડ સ્પીકર્સ (કિંમત રૂ. 35 હજાર આસપાસ) 4. Google Pixel 8 Pro ફોન (કિંમત રૂ. 95 હજારની આસપાસ) 5. પારકોસ બ્રાન્ડ પરફ્યુમ (કિંમત રૂ. 10 હજાર આસપાસ) 6. બોડી મસાજર (કિંમત રૂ. 59 હજાર આસપાસ) 7. બદામ શાવર જેલ 8. કિચન કટલરી 9. ફ્લેવર્ડ ટી-બેગ્સ 10. ચોકલેટ, બ્રાઉની, હની 11. કરન જોહર શો સ્પેશિયલ કોફી મગ
આ વર્ષે કરીના અને આલિયા KWKના ચોથા એપિસોડમાં સાથે આવ્યા હતા
કરન જોહરના શોની આ 8મી સીઝનમાં આ સેલેબ્સ આવ્યા હતા:
એપિસોડ 1: રણવીર સિંહ અને દીપિકા પાદુકોણ
એપિસોડ 2: સની દેઓલ અને બોબી દેઓલ
એપિસોડ 3: સારા અલી ખાન અને અનન્યા પાંડે
એપિસોડ 4: કરીના કપૂર ખાન અને આલિયા ભટ્ટ
એપિસોડ 5: સિદ્ધાર્થ મલ્હોત્રા અને વરુણ ધવન
એપિસોડ 6: કાજોલ અને રાની મુખર્જી
એપિસોડ 7: વિકી કૌશલ અને કિઆરા અડવાણી
એપિસોડ 8: આદિત્ય રોય કપૂર અને અર્જુન કપૂર
એપિસોડ 9: અજય દેવગન અને રોહિત શેટ્ટી
એપિસોડ 10: શર્મિલા ટાગોર અને સૈફ અલી ખાન
એપિસોડ 11: જાહન્વી કપૂર અને ખુશી કપૂર
એપિસોડ 12: ઝીનત અમાન અને નીતુ કપૂર
એપિસોડ 13: સોશિયલ મીડિયા ઈનફ્લુએન્સર – ઓરી, તન્મય ભટ્ટ, કુશા કપિલા, ડેનિશ અને સુમુખી સુરેશ
આ વર્ષે, અજય દેવગન અને રોહિત શેટ્ટી KWK ના 9મા એપિસોડમાં જોવા મળ્યા હતા
કરન જોહરના આગામી પ્રોજેક્ટ્સ
કરન જોહરે ગયા વર્ષે ડિરેક્ટર તરીકે ‘રોકી ઔર રાની કી પ્રેમ કહાની’ બનાવી હતી. આ ફિલ્મમાં આલિયા ભટ્ટ અને રણવીર સિંહ મુખ્ય ભૂમિકામાં જોવા મળ્યા હતા. આ ફિલ્મે બોક્સ ઓફિસ પર પણ જોરદાર કમાણી કરી હતી.
આ વર્ષે કરન અને આલિયા ફિલ્મ ‘જીગરા’નું નિર્માણ કરતા જોવા મળશે. આ ફિલ્મમાં આલિયા ભટ્ટ એક્શન અવતારમાં જોવા મળશે. ભાઈ અને બહેનના મજબૂત બંધન પર આધારિત આ ફિલ્મ 27 સપ્ટેમ્બરે સિનેમાઘરોમાં રિલીઝ થશે. આ સિવાય રિપોર્ટ્સનું માનીએ તો કરન અને સલમાન ખાન ‘ધ બુલ’માં સાથે કામ કરતા જોવા મળશે.
