પાતળા વાળને આ રીતે જાડા બનાવો: વાળ ધોવાની ટેકનીક, કોમ્બિંગ પદ્ધતિ, હેર સ્ટાઈલ, વાળનો ગ્રોથ વધારવાના સરળ ઘરગથ્થુ ઉપચાર

જો તમારા વાળ પાતળા છે તો તેને લાંબા ને ઘાટા બનાવવા માટે ઘરેલું ઉપાય અજમાવો. બ્યૂટી એક્સપર્ટ શહનાઝ હુસૈન જણાવી રહ્યા છે વાળના વધારવાના ઘરગથ્થું ઉપાય.

ડુંગળીનો રસ લગાવો
ડુંગળીનો રસ વાળ માટે ખૂબ જ ફાયદાકારક છે. વાળને પોષણ આપવાની સાથે તે વાળ ખરતા અને ડેન્ડ્રફને અટકાવે છે, વાળને લાંબા અને જાડા બનાવવામાં મદદ કરે છે.

ડુંગળીમાં સલ્ફર ભરપૂર માત્રામાં જોવા મળે છે. ડુંગળીનો રસ લગાવવાથી વાળમાં કેરાટિન રહે છે. ડુંગળીના રસમાં એન્ટિ-ફંગલ, એન્ટિ-માઇક્રોબાયલ ગુણ હોય છે, જે વાળને મૂળથી મજબૂત કરીને તેમને જાડા અને ચમકદાર રાખે છે.

શેમ્પૂમાં ડુંગળી મિક્સ કરો
ડુંગળીના જાડા ટુકડા કરો અને તેને સૂર્યપ્રકાશમાં સૂકવો. જ્યારે ડુંગળીનું પાણી સંપૂર્ણપણે સુકાઈ જાય ત્યારે તેનો પાવડર બનાવી લો. એક વાસણમાં લિક્વિડ સાબુ અથવા લાઈટ શેમ્પૂ, વિટામિન Eની 2 કેપ્સ્યુલ અને ડુંગળીનો પાઉડર ઉમેરીને મિક્સ કરો અને શેમ્પૂની બોટલમાં રાખો. આ શેમ્પૂને લાંબા સમય સુધી સ્ટોર કરી શકાય છે.

તેલમાં ડુંગળી ઉમેરો
જો તમે ડેન્ડ્રફથી પરેશાન છો, તો ડુંગળીના ટુકડા કાપીને એરંડાના તેલમાં નાખો અને તેને ડબલ ઉકાળવાની પદ્ધતિ (પાણીની અંદર તેલનું વાસણ રાખીને) ઉકાળો. પછી તેને ગાળીને કાચની બોટલમાં ભરી રાખો. આ તેલ ડેન્ડ્રફની સમસ્યાને દૂર કરે છે અને વાળને પોષણ આપે છે.

એલોવેરા જેલ લગાવો
વાળને મુલાયમ અને ચમકદાર બનાવવા માટે વાળમાં એલોવેરા જેલ લગાવો. એલોવેરા જેલને 30 મિનિટ સુધી રાખો, પછી વાળ ધોઈ લો.

સ્ટાઇલ કરતા પહેલાં એલોવેરા જેલ લગાવો
હીટ ટૂલ્સ વડે વાળને સ્ટાઇલ કરતા પહેલાં વાળને નુકસાનથી બચાવવા અને તૂટવાને ઘટાડવા માટે હીટ પ્રોટેક્શન સ્પ્રે અથવા સીરમ લગાવો. હીટ પ્રોટેક્ટન્ટ્સ વાળના મૂળની આસપાસ રક્ષણાત્મક કવચ બનાવે છે, જે ગરમીના નુકસાનનું જોખમ ઘટાડે છે. તમે સ્ટાઇલ કરતા પહેલાં તમારા વાળ પર થોડું એલોવેરા જેલ લગાવી શકો છો. તેનાથી વાળને નુકસાન થવાની શક્યતા ઘટી જશે.

યોગ્ય હેરકટ અને હેરસ્ટાઇલથી પાતળા વાળ જાડા લાગે છે, તમે પણ ટ્રાય કરો

વાળ ધોવાની યોગ્ય ટેક્નિક
જો સ્કેલ્પ ગંદા હશે તો વાળ પણ ગંદા દેખાશે. તમારા સ્કેલ્પ માટે યોગ્ય શેમ્પૂ પસંદ કરો (સૂકા, તેલયુક્ત, સામાન્ય અથવા સંયોજન). ધ્યાનમાં રાખો કે તમારા શેમ્પૂમાં સલ્ફેટ અને પેરાબેન્સ ન હોવા જોઈએ, તે વાળને નબળા બનાવે છે. માથું ધોવા માટે હળવું શેમ્પૂ પસંદ કરો અને તેનાથી સ્કેલ્પ અને વાળને સારી રીતે ધોઈ લો.

તમારી હેર સ્ટાઇલ બદલો
તમે તમારી હેરસ્ટાઇલ બદલીને તમારા વાળનું પ્રમાણ વધારી શકો છો. વાળને વેવી સ્ટાઇલ આપો, તેનાથી વાળ જાડા દેખાય છે. આ માટે તમે કર્લિંગ ટૂલ્સનો ઉપયોગ કરી શકો છો. બેક કોમ્બિંગ કરવાથી વાળનું પ્રમાણ પણ વધે છે, તમે આ સ્ટાઇલ પણ અજમાવી શકો છો. એ જ રીતે, બ્લો-ડ્રાયરનો ઉપયોગ કરીને પણ વાળનો ગ્રોથ જોઈ શકાય છે. વાળની ​​​​વૉલ્યુમમાં વધારો કરતી કઇ સ્ટાઇલ તમારા વાળને અનુકૂળ આવે તે શોધો અને તે સ્ટાઇલ ટ્રાય કરો.