RCB ટીમ સંપૂર્ણપણે અસંતુલિત: બ્રોડે કહ્યું- ટીમની બોલિંગ લાઇનઅપ બેટિંગ જેટલી મજબૂત નથી

ઇંગ્લેન્ડના ભૂતપૂર્વ ક્રિકેટર સ્ટુઅર્ટ બ્રોડે શુક્રવારે, માર્ચ 29ના રોજ એમ ચિન્નાસ્વામી સ્ટેડિયમમાં કોલકાતા સામેની હાર બાદ બેંગલુરુને અસંતુલિત ટીમ ગણાવી હતી. બ્રોડે શુક્રવારે સ્ટાર સ્પોર્ટ્સ સાથે વાત કરતા RCBની બોલિંગ પર સવાલ ઉઠાવ્યા હતા.

કોલકાતાએ RCBના હોમ ગ્રાઉન્ડ પર પોતાનું વર્ચસ્વ ચાલુ રાખ્યું અને સ્ટેડિયમમાં સતત છઠ્ઠી જીત નોંધાવી. તેઓ આ સિઝનમાં ઓપોઝિશનના હોમ ગ્રાઉન્ડ પર મેચ જીતનારી પ્રથમ અવે ટીમ પણ બની છે.

RCBને સિઝનની બીજી હારનો સામનો કરવો પડ્યો કારણ કે KKRએ 7 વિકેટથી જીત નોંધાવી હતી.

RCBની બોલિંગ તેમની બેટિંગ જેવી નથી- બ્રોડ
બ્રોડનું માનવું છે કે RCBની બોલિંગ તેમની બેટિંગ જેટલી મજબૂત નથી. બ્રોડે કહ્યું, જો KKR જીતશે તો તમે તેના વખાણ કરશો. જો કે, તમારે RCBની બોલિંગને પણ જોવી પડશે, જે રીતે KKR ધીમી પિચ પર કટર અને સ્લો બોલનો ઉપયોગ કરે છે.

સ્લો બોલને કારણે, વિરાટ કોહલી માટે બેટિંગ પણ ખૂબ મુશ્કેલ હતી, જે સમગ્ર બોલને સતત સમય આપી શક્યો ન હતો. તે ઝડપી બોલરોને વધુ સારી રીતે રમી શક્યો હતો. બીજી તરફ RCBની બોલિંગ ખરાબ રહી હતી.

બ્રોડે કહ્યું, RCB સાથે પણ આવું જ થાય છે. મને લાગે છે કે તેમની બેટિંગ ઘણા વર્ષોથી મજબૂત છે, અને તેઓ સ્ટાર પાવર ધરાવે છે, પરંતુ તેમની બોલિંગ લાઇનઅપ હજુ પણ તેમને મેચ જીતવા માટે સક્ષમ દેખાતી નથી. આ થોડી અસંતુલિત ટીમ લાગે છે.

વિરાટે KKR સામે 59 બોલમાં 83 રનની ઇનિંગ રમી હતી.

KKRએ પાવરપ્લેમાં RCB બોલરો પર એટેક કર્યો
પાવર-પ્લેમાં RCBની શાનદાર શરૂઆત છતાં પિચ ધીમી બની ગઈ હતી અને વિરાટ કોહલી સહિતના બેટર્સને મોટા શોટ મારવામાં મુશ્કેલી પડી રહી હતી. કોહલીની 83 રનની ઇનિંગે RCBને 182 રનના સારા સ્કોર સુધી પહોંચાડી દીધી હતી. જો કે, સુનીલ નારાયણ અને ફિલ સોલ્ટની KKRની ઓપનિંગ જોડીએ પાવર પ્લેમાં RCBએ આપેલો ટાર્ગેટ પ્રથમ 6 ઓવરમાં 85 રન બનાવીને હાંસલ કર્યો હતો.

બ્રોડે કહ્યું કે RCBના બોલરોએ યોગ્ય લેન્થ જાળવી રાખી ન હતી અને તેથી KKRરના બેટર્સે સતત એટેકિંગ એપ્રોચ અપનાવ્યો. KKRના આન્દ્રે રસેલ અને હર્ષિત રાણાએ બોલને લાઇનમાં રાખ્યો અને RCBના બેટર્સને અંકુશમાં રાખ્યા. બીજી તરફ RCBના બોલરો આ કરી શક્યા ન હતા.